नव निर्मित दरौदि पुल गत पौष २० मा प्रधानमन्त्रिले उद्घाटन गर्नु भएको पुलबाट माघ पहिलो साताबाट यातायात संचालन हुन थालेको छ

गोरखाका विभिन्न ग्रामिण सडक निमार्णका लागी ३५ करोड थप

गोरखा, भौतिक योजना तथा निमार्ण मन्त्रालयले कार्तिक २९ गते सचिब स्तरिय निर्णय गरि यस अघि रातो किताबमा परेका गोरखाका विभिन्न ग्रामिण सडकहरु कालोपत्रे तथा स्तरोन्नति गर्न ३४ करोड ७१ लाख ५१ ह्जार रुपैयाँ थप गर्ने निर्णय गरेको छ । यो रकम केहि सडकमा कालोपत्रे केहिमा ग्राभेल तथा केहिमा नाली खन्ने तथा ट्याक खोल्ने कामको लागी थप गरिएको मन्त्रालयको निर्णयमा उल्लेख छ ।

गोरखाका सभासद्हरुका साथै प्रधानमन्त्रि डा बावुराम भटराईको आग्रहमा मन्त्रालयले सडकका लागी कार्यक्रम थप गरेको बुझिएको छ । सभासद् तथा प्रधानमन्त्रिले सात वटा छुट्टाछुट्टै सडकका लागी थप बजेट माग गरे पनि ती मध्य पहिलो चरणमा पाँच वटा सडकमा मात्र रकम थप भएको हो । स्वीकृत हुन बाँकी दुई चोरकाटे-चित्रेपोखरी-भच्चेक र बुङकोट-नाम्जुङ-फुजेल सडकलाई पनि छिट्टै रकम थप्ने योजना रहेको मन्त्रालय स्रोतले जनाएको छ ।

कुन सडकका लागी कति कति रकम छुट्याइयो त हेनुस् तलको विस्तृत विवरण

१ ।मध्यपहाडि लोकमार्ग अन्र्तगत छेपेटार-लुईटेल-पालुङटार-लमजुङ हुलाकी मार्ग १५ किलोमिटर कालोपत्रे गर्न १८ करोड ३१ लाख ६५ हजार रुपैयाँ

२।तुरतुरे ठाँटिपोखरी सडक कालोपत्रे तथा ठाँटिपोखरी-छापथोक-आँपपिपल-हर्मी सडक ५ किलोमिटर ग्राभेल गर्न ९ करोड ४३ लाख ३८ हजार रुपैयाँ

यी दुबै बहुवर्षे योजनाको ठेक्का गर्न मन्त्रालयले सडक विभागलाई सहमति दिइसकेको छ

३। पन्थडिहि(समिचौतारा)-कटहरे-हर्मी सडकको ११ किलोमिटर ग्राभेल गर्न ५ करोड ६१ लाख ३२ हजार रुपैयाँ

४।स्याउली बजार-बक्राङ-मनकामना सडकको १३ किलोमिटर ग्राभेल गर्न ३ करोड ५ लाख ४८ हजार रुपैयाँ

५।बारपाक-गुम्दा-माछेखोला ३० किलोमिटर सडक खन्न १ करोड रुपैया थप

अब त पुरा होला की हाम्रो सपना :

दरौदि नदिमा बन्दै गरेको मोटरेबल पुलको गत हप्ता खिचिएको फोटो लामो समय रोकिएको निमार्ण कार्य हाल सुचारु छ र अहिले बिचको भागमा ट्रष्ट जोड्ने काम भइरहेको छ, पुल निमार्ण कार्य पुस मसान्त सम्म सकिने ठेकेदारले बताएको छ, हेरौ यसपालिको गफ पोहोर पराहरको जस्तो झुटो साबित हुन्छ की साँचो ?

छेपेटार पुल छिट्टै पुरा हुने थप सात किलोमिटर सडक पिच हुने

गोरखा , जेठ १५
गोरखाको २ न क्षेत्रलाई सदुमुकाम सँग जोड्ने एक मात्र छेपेटारमा निमार्णधिन पुलको काम यसै आर्थिक वर्ष भित्र पुरा हुने सडक कार्यलय गोरखाका प्रमुख गणेश कडेलले जानकारी दिएका छन् । पोहोर साल नै पुरा भैसक्नु पर्ने पुलको काम ठेकेदारको ढिलासुस्ति कर्मचारी सरुवा र विवादका कारण हाल सम्म पनि पुरा हुन नसकेको देखिन्छ । सडक प्रमुख कडेलले यसै आर्थिक वर्ष भित्र पुल निमार्ण सम्पन्न हुने बताए पनि हाल सम्मको ढिलासुस्ति र लापरबाहिले गर्दा उनको कुरा पत्याइ हाल्न गाह्रो छ । पुलको दुई तर्फको ढलानको काम सकिएको र बिचको फलामको जडान कार्यको ठेक्का हुलास कम्पनिको भएकाले सिमरामा सोको निमार्ण पुरा हुन लागेको र छिट्टै जडान गरिने कडेलले बताए । गत वर्ष पनि यस्तै हल्ला गरिए पनि पुल निमार्णा कार्यले गतिलिएको थिएन ।
यसै विच गत हप्ता आएको बाढिले छेपेटार र १२ किलोको बिचमा रहेको खोलामा रहेकोको पुल बगाउँदा हाल यातायात संचालनमा समस्या परेको छ । बाढिले पुलमा पूर्ण क्षति पुर्याए पछि हाल डाइभस्रन गरि यातायात चलाइएको छ ।
सडक प्रमुख कडेलका अनुसार छेपेटार पुल देखि लगभग चोरकाटे हुदै जरेबर सम्मको ७ किलोमिटर ग्राभेल सडक यसै आर्थिक वर्ष भित्र पिचहुने भएको छ । यसका लागी टेन्डर प्रकिया शुरु भैसकेको समेत उनले बताए । असमर समान्त सम्म पिच गर्ने काम र पुलको काम पुरा हुने उनको तर्क छ ।

कहिले पुरा होला खै हाम्रो सपना

विगत चार वर्ष अघि देखि छेपेटारमा बन्न शुरु भएको दरौदि मोटरेवल पुल यस आर्थिक वर्षमा पनि पुरा नहुने संकेत देखिएको छ । हाल पुलको दुबै साइडमा ढलानको काम पुरा गरि साइड बारको काम भइरहेको छ । स्रोतका अनुसार यो पुल पोखराको विजयपुर पुलकै मोडलमा बन्न लागेको अनि विचमा राख्ने फलामको भाग निमार्णको जिम्मा हुलास कम्पनिले लिएको र सो भाग भारतमा निमार्ण भैरहेको र त्यहाँबाट थुप्रै प्रकिया पार गरि ल्याउन निकै समय लाग्ने हुनाले सरकारले समयमै भुक्तानि दिए पनि काम गर्न ठेकेदारले ढिला सुस्ति गर्दा जनताको दरौदि पुल सपना पुरा हुन अझै धेरै समय लाग्ने देखिन्छ ।

पुल निमार्ण कार्य अन्तर्गत हाल भैरहेको साइडबार निमार्ण काम गर्दै मजदुरहरु

असिना पानीले गोरखामा पाँच करोड भन्दा वढी तरकारी, फलफुलत तथा वालीनाली नष्ट

गोरखा ,
वैशाख १० गते ।
गोरखा जिल्लाको विभिन्न स्थानमा गत आइतवार देखी विहीवार सम्म आएको असिना पानीले पाँच करोड भन्दा वढीको तरकारी फलफुल तथा वालीनालि नष्ट भएको छ ।
वैशाख ५ गते देखी ९ गते सम्म साँझ पख परेको लगातारको असिना पानीले गोरखा जिल्लाको विभिन्न गाउँ विकास समितिका लगाएको तरकारी फलफुल तथा अन्न वाली नष्ट भएको जिल्ला कृषी विकास कार्यालय गोरखाले जनाएको छ ।
असिना पानीले जिल्लाको महत्वपुर्ण स्थान लिएको सुन्तला मात्र एक करोड पचास लाख भन्दा वढी क्षेति भएको छ । जिल्ला भरमा करिव ६ सय ८४ हेक्टरमा लगाइएको सुन्तला खेती मध्ये हर्मी ,मनकामना,वक्राङ्ग ,ताक्लुङ्ग ,ताङ्गलीचोक ,मिरकोट फुजेल लगायत स्थानमा मात्र ५० प्रतिशत भन्दा वढी सुन्तला खेती नष्ट भएको छ । भने १ सय २७ हेक्टर जमिनमा लगाइएको आँपमा समेत ५० प्रतिशतले नोक्सानी भएको छ । धुवाकोट मिरकोट, पालुङ्गटार ,घ्यालचोक ,ताक्लुङ्ग र वोर्लाङ्ग गाउँ विकास समितिमा मात्र असिना पानीले २५ लाख वरावरको क्षेति पुर् याएको छ ।
खेति योग्य जमिनमा भएको नोक्सानीले २० हजार कृषक विचल्लीमा परेको कार्यालयले जनाएको छ ।कार्यालयले दिएको जानाकारी अनुसार हाल सम्म पालुङ्गटार ,मिरकोट, मनकामना ,घ्यालचोक ,ध्याम्पेशाल ,तारानगर कृषि सेवा केन्द्र वाट मात्र क्षेतिको विवरण प्राप्त भएको र अन्य ७ केन्द्र वाट क्षेतिको विवरण आउनै बाँकी भएकोले क्षेति अझै वढेर जाने छ ।
त्यस्तै गरी असिना पानीले ९ लाख वरावर लिची खेतीमा क्षेति भएको छ ,भने १ सय ६० हेक्टर जमिनमा लगाइएको केरा खेती २५ प्रतिशत क्षेति हुदाँ कृषकहरुले ३० लाख रुपैयाँ वरावर क्षेति ब्यहोनु परेको छ ।
वेमौसमी खेतीमा नाम कहलीएको ताक्लुङ्ग ,घ्यालचोक, गोखा नगरपालिका, मनकामना ,खोप्लाङ्ग र देराउलीमा लगाइएको करिव २ सय ७२ हेक्टर जमिनको काक्रो ,घिरौला ,लौका, करेला ,घ्यू ,सिमी र खुसा्रनी मात्र ३ करोड भन्दा वढीको क्षेति भएको छ । यस क्षेत्रको तरकारी देशको मुख्य शहर काठमाण्डौं पोखरा र चितवन वजारमा सिधै जाने गर्दथ्यो ।
त्यस्तै गरी अन्न वालीमा यो समयको प्रमुख वाली मकै जिल्ला भरको ७ हजार ७ सय ५० हेक्टर मध्ये १५ प्रतिशत वाली नष्ट भएको छ । जसले गर्दा २५ लाख वरावरको क्षेति भएको जिल्ला कृषी विकास कार्यालयका वरिष्ठ कृषी विकास अधिकृत वुद्वि वहादुर थापाले वताउनु भयो ।

राजनीतिक संयन्त्रको बैठक बस्न नसक्दा विकास निर्माणका काम अलपत्र

गोरखा
जिल्लाका राजनीतिक संयन्त्रको बैठक वस्न नसक्दा चालु आर्थिक वर्षमा जिल्ला विकास समिति गोरखाबाट हुने सबै विकास निर्माणका कामहरु अलपत्र परेका छन । आर्थिक वर्षको ६ महिना बित्न लागिसक्दा पनि संयन्त्रको बैठक बस्न नसक्दा जिविसमा बिभिन्न शिर्षकमा आएको झण्डै २० करोड रुपियाँ अलपत्र परेको हो ।
राजनीतिक संयन्त्रको बैठकमा सहमति भएपछिमात्र वजेट विनियोजन भइ पुरा भइसक्ने कतिपय योजनाहरु अझै सुरु सकेको छैन । स्थानिय निकायमा जनप्रतिनिधि नभएको अवस्थामा जनआन्दोलनमा सकि्रय भुमिका खेलेका राजनीतिक दलहरुको सहमतिमा विकास वजेट विनियोजन गर्नुपर्ने मान्यता रहेकाले राजनीतिक दलको सहमति विना जिल्ला विकास समितिको वजेट खर्च गर्न नपाइने अवस्था छ । तर हालसम्म राजनीतिक संयन्त्रको वैठक नबसेकाले जिल्ला विकास समितिका कर्मचारीले तलब खाने रकम बाहेक विकास निर्माणका कुनैपनि काम हुन नसकेको हो ।
संयन्त्रको बैठक वस्न नसक्दा जिविस अनुदानको १ करोड २१ लाख ४ हजार गाविस अनुदानको १३ करोड ३१ लाख ७० हजार स्थ्ाानिय स्वायत्त सासन तथा सामुदायिक विकास कार्यक्रमको ३ करोड ३० लाख ७६ हजार ३०० स्थानिय यातायात पुर्वाधार क्षेत्रगत कार्यक्रमको १ करोड २ लाख रुपियाँ लगायत बिभिन्न १० शिर्षकका बजेटहरु खर्च हुन नसकेका हुन् ।
योजना पुरा हुने समयसम्म वजेट नै विनियोजन हुन नसक्दा जिल्लाको विकासमा समेत ठुलो प्रभाव परेको छ । गाउँगाउँमा विकास बजेट हुन सकेको छैन भने गाउँ परिषद्हरु पनि हुन सकेका छैनन् । दलहरुको बैठकले निर्णय नगरेसम्म एक रुपियाँ रकम पनि खर्च गर्न नसकिने जिविसका योजना अनुगमन तथा प्रशासकीय अधिकृत जीवन ज्ञावालीले बताउनुभयो ।
संयन्त्रको बैठक बस्न नसकेको बारे राजनीतिक दलहरुले भने एकअर्कालाई आरोप लगाइरहेका छन् । जिल्लामा कि्रयाशिल तीन राजनीतिक दलहरुको संबन्ध राम्रो नभएकाले विकास निर्माणका कामहरु प्रभावित भएका हुन् । गत वर्ष दलहरुले आपसी मतभेद हटाउन गठन गरेको राजनीतिक समन्वय समितिको बैठक वस्न नसकेकाले संयन्त्रको बैठक प्रभावित भएको हो । तीन पाटिले पालैसंग बैठक वोलाउने र असमझदारी हटाउने सहमति गरेपनि एकिकृत माओवादीले बैठक बोलाउने पालो आएपछि बैठक स्थगित भएको छ ।
नेपाली कांग्रेसका कोषाध्यक्ष सुकदेव दवाडीले दलहरु वीच असहमति हुदाहुदै संयन्त्रको बैठक वस्नुको औचित्य नहुने भन्दै पहिले माओवादीको आह्वानमा राजनीतिक समन्वय समितिको बैठक वस्नुपर्ने बताउनुभयो । नेकपा एमालेका अध्यक्ष रामशरण बस्नेतले पनि विकास निर्माण छिटो हुनुपर्नेमा प्रतिवद्ध हुदाहुदै नियम अनुसार माओवादीले बैठक बोलाएर समन्वय समितिको बैठक नबसेसम्म संयन्त्रको बैठक वस्न नसक्ने स्पष्ट पार्नुभयो ।
उता एकिकृत माओवादीका जिल्ला सेक्रेटरी प्रकाशले भने राष्ट्रिय रुपमै दलहरुवीच एकता हुन नसकेकाले जिल्लामा हुने संभावना नरहेको बताउनुभयो । उहाँले आफुहरुको पहलमा जिल्लामा राजनीतिक समन्वय समितिको बैठक नबस्ने दावी गर्नुभयो । तर जिल्लाको विकास निर्माणको कामलाई प्रभावित नपार्न जिविसले बोलाएमा संंयन्त्रको बैठकमा सहभागी हुन आफुहरु तयार रहेको बताउनुभयो । दलहरुवीचको विवादका कारण यसवर्ष पनि जिल्लाको विकास निर्माणका कामहरु प्रभावकारी नहुने र विकास बजेट फिर्ता जाने संभावना बढेको छ ।

गोरखा महोत्सवमा बृहत् सांस्कृतिक झाँकी प्रदर्शन गरिने

पौष ३
यस वर्षको गोरखा महोत्सवमा गोरखाको सबै जातजाति र गाउँको चिनारी गराउने झाँकी प्रदर्शन हुने भएको छ । जिल्लाको सबै गाउँको कला संस्कृति र भेषभुषालाई महोत्सव मार्फत उजागर गर्ने उद्देश्यले महोत्सव आयोजकले जिल्लाभित्र बसोवास गर्ने सबै जातिलाई आआफ्नो सास्कृतिक चिनारी सहित महोत्सवमा सहभागी हुने वातावरण मिलाइएको छ ।
पुष १० देखि १४ गतेसम्म गोरखा सदरमुकामको हरमटारी खेलकुद मैदानमा हुने सातौ गोरखा महोत्सवमा मगर जातिको कौरा चुट्का र घाटु गुरुङ जातिको स्याप्रे शेर्का र ठाडोभाका तामाङको लामा सेलुङ नेवारको टाकटुके र लाखेनाच देख्न सकिने शोभायात्रा झाँकी तथा र् याली उपसमितिका संयोजक काजीराम श्रेष्ठले जानकारी दिनुभएको छ । महोत्सवमा बाहुन समुदायको भजन कुमालको पाङदुरे नाच र शेर्पा जातिको शेर्पा नाचपनि अवलोकन गर्न सकिने उहाँले बताउनुभयो ।
महोत्सवको माध्यामबाट आन्तरिक तथा बाह्य पर्यटन प्रर्वद्धन गर्ने मुख्य उद्देश्य भएकाले सकेसम्म गोरखाको सबै गाउँको कला संस्कृति समेट्ने प्रयास भइरहेको श्रेष्ठले बताउनुभयो । महोत्सवमा सबै जातजातिलाई समावेश गर्न आयोजकले आदिवासी जनजाति महासंघ लगायत आदिवासी जनजातिसंग संवद्ध बिभिन्न संघ संस्थासंगको छलफललाई पनि तिव्रता दिएको छ । जिल्लाका सबै गाविसको संस्कृति समावेश गराउन गाविस सचिवहरु मार्फत गाउँगाउँमा शन्देश पुर् याएको समितिका संयोजक श्रेष्ठले बताउनुभयो ।
गोरखा उद्योग वाणिज्य संघ जिल्ला विकास समिति गोरखा नगरपालिकाको आयोजना र आदिवासी जनजाति जिल्ला समन्वय परिषद् र सबै गाविसको सहआयोजनामा हुने महोत्सवमा अघिल्लो महोत्सवमा भन्दा धेरै झाँकी समावेश हुने भएको छ । महोत्सवमा गोरखाका सबै गाउँको झल्को दिने संस्कृति प्रस्तुत हुने आयोजकको दावी छ ।

जनवरी १ देखि धार्चे मनासलु पर्यटन विकास समितिले गोरखाका विभिन्न गाविसहरुमा पदयात्रा गर्ने तयारी

गोरखा ,मंसिर २७
तल्लो मनासलु क्षेत्रको पर्यटन विकासका लागि स्थापित धार्चे मनासलु पर्यटन विकास समितिले गोरखाको बिभिन्न ८ गाविसमा अंग्रेजी नयाँ वर्षसंगै पदयात्रा गर्ने भएको छ । ट्रेकिङ एशोसिएशन नेपाल टान नेपाल पर्यटन बोर्ड गोरखा पर्यटन विकास समिति जिल्ला विकास समिति जिल्ला प्रशासन कार्यालय र पत्रकारहरु सहभागी हुने सो पदयात्राले जिल्लाको ताकु स्वाँरा सौरपानी वारपाक लाप्राक उहिया गुम्दा र थुमी गाविसको पदयात्रा गरी नयाँ पर्यटकीय पैदलमार्गको खोजी गर्ने भएको हो । धार्चे मनासलु पर्यटन विकास समितिको आज सम्पन्न बैठकले जनवरी महिनाको १ तारेखदेखि पदयात्रा सुरु गर्ने कार्यक्रम बनाएको संस्थाका अधयक्ष साने गुरुङले जानकारी दिनुभएको छ । संस्थाले पदयात्राका लागि बिभिन्न संघसंस्थाहरुसंग सहयोगको माग गरेको छ

नयाँ संविधानमा प्रदेशहरु विभाजनको आधारबारे गोरखाका नागरिकहरुको फरक मत

मंसिर २७
नयाँ संविधानमा प्रदेशहरु विभाजनको आधारबारे गोरखाका नागरिकहरुले फरक फरक मत राखेका छन् । मुलुक संघीयतामा जाँदा प्रदेश बिभाजनको आधार केलाइ मान्ने भन्ने विषयमा रेडियो कार्यक्रम नेपालीको अभियान नयाँ संविधानले गोरखा सदरमुकाममा गरेको छलफलका सहभागीहरुले जातीयताको आधारमा प्रदेश विभाजन गर्न नहुने बताएका छन् । प्रदेश बिभाजन गर्दा अल्पसंख्यकहरुको आवाज कुण्ठित हुने भन्दै उनीहरुले यसबारेमा बृहत बहस र छलफल नगरी निर्णय गर्न नहुने बताएका हुन् ।
कार्यक्रममा सहभागी नेपाली काँगे्रसका सुरेन्द्र पाण्डेले एकिकृत नेकपा माओवादीले शुरु गरेको गणराज्य घोषणाले राष्ट्रियता खतरामा परेको बताउनुभएको छ । उता एकिकृत नेकपा माओवादीका लेखबहादुर थापाले भने सबै जाती भाषा र धर्मको समान प्रतिनिधित्व हुने गरी प्रदेश बनाएमा जातीय द्धन्दको अवस्था नआउने दावी गनुृ्रभयो । उहाँले राज्यको मुलधारबाट वाहिर रहेका जातिहरुलाइृ अग्राधिकार दिनेगरी प्रदेश विभाजन गर्नपर्ने बताउनुभयो ।
सहभागीहरुले संघीयताको विषयमा पर्याप्त वहश नभएको भन्दै ठूला दलहरुले अघि सारेका अवधारणाबारे पनि ब्यापक छलफल पछि मात्रै टुङ्गोमा पुग्नु पर्ने बताएका छन् । गोरखा जिल्लालाई समेत समावेश गरि एकिकृत माओवादीले अघि सारेको तमुवान राज्यले यस क्षेत्रका सबै जातजातीको समान प्रतिनिधित्व नगरेको भन्दै केही सहभागीले गोरखा तनहु र लमजुङ्ग जिल्लाका केही भाग मिलाएर छुट्टै प्रदेश बनाउनुपर्ने धारणा राखेका छन् ।
गोरखा ऐतिहासिक धार्मिक र पर्यटकीय रुपमा पनि अगाडि रहेकाले यस्तै परिवेशका अन्य जिल्लाहरु मिलाएर प्रदेश निर्माण गर्दा उपयुक्त हुने उनीहरुको भनाई थियो रेडियो गोरखा ले जनाएको छ। काठमाडौको उज्यालो नेशनल नेटवर्क र रेडियो गोरखाको आयोजनमा सम्पन्न उक्त कार्यक्रम प्रदेश विभाजन गर्दा गोरखा र आसपासका क्षेत्रमा कसरी गर्नु उपयुक्त हुन्छ भन्ने विषयमा केन्द्रित थियो । कार्यक्रममा जिल्लाका राजनीतिक दल नागरिक समाज निजी क्षेत्र आदिवासी जनजाति दलित महिला आदिले प्रदेश विभाजनमा आआफ्नो धारणा राख्नुभएको रेडियो गोरखाले जनाएको छ ।

वृहत साहित्यिक सम्मेलन तथा हरि उत्कृष्ट प्रतिभा पुरस्कार वितरण कार्यक्रम सम्पन्न

गोरखा ,मंसिर १७
साहित्य संगम गोर्खा र हरि साँस्कृतिक केन्द्र गोरखाको आयोजना तथा गोरखा साहित्य मन्च काठमाण्डौको संयोजकत्वमा गोरखामा आज वृहत साहित्यिक सम्मेलन तथा हरि उत्कृष्ट प्रतिभा पुरस्कार वितरण कार्यक्रम सम्पन्न भएको छ ।
प्रमुख अतिथि एवं बरिष्ठ कवि तुलसी दिवसद्धारा उद्घाटन गरिएको कार्यक्रममा विमल निभा ,विष्णुविभु घिमिरे, विप्लव ढकाल, किशोर पहाडी ,विष्णु प्रभात ,गोविन्द बर्तमान, अविनाश श्रेष्ठ ,राजुबाबु श्रेष्ठ ,विकास ढकाल ,नरेन्द्र निमेष ,माया भुषाल ,कविता देवकोटा ,रमेश विष्ट ,हरिमाया शर्मा लगायत ३ दर्जन गोरखाली कविहरुले कविता तथा गजल बाचन गर्नुभएको थियो ।
कार्यक्रममा गोरखा साहित्यिक माचका राजुबाबु श्रेष्ठ पुरुषोत्तम सुवेदी डा सुमन ढकाल विशेष अतिथि एवं समालोचक डा बासुदेव त्रिपाठी ऋषी खनाल लगायतकाले कार्यक्रम एवं गोरखाको साहित्यिक गतिविधिको बारेमा प्रकाश पार्नुका साथै हरि साँस्कृतिक केन्द्रका अध्यक्ष मोहन नारायण श्रेष्ठ साहित्य संगम गोरखाका अध्यक्ष अनन्त मुस्कानले धन्यवाद मन्तव्य व्यक्त गर्नु भएको थियो ।
यसैवीच कार्यक्रममै घोषणा गरिएको हरि उत्कृष्ट प्रतिभा पुरस्कार गोर्खाली कवि नारायण प्रसाद पोखरेलले अस्वीकार गर्नुभएको छ । पुरस्कार आफ्नो लेखकीय चेतना माथिको हस्तक्षेप र मान्यता भन्दा फरक भएको भन्दै कवि पोखरेलले पुरस्कार अस्विकार गर्नुभएको हो । कवि पोखरेलले आजै एक प्रेस विज्ञप्ती जारी गरि सो पुरस्कार अस्वीकार गरेको घोषणा गर्नुभएको थियो । यसअघि २ जनालाई प्रदान गर्ने घोषणा गरिएको पुरस्कार निबन्धकार केदारनाथ खनाललाई प्रदान गरिएको छ । कार्यक्रम साहित्य संगम गोर्खाका अध्यक्ष अनन्त मुस्कानको अध्यक्षतामा सम्पन्न भएको हो ।

गृहिणीहरुले एसएलसीसम्मको शिक्षा पाउने

गोरखा ,
बिभिन्न कारणबाट पढाइबाट बिाचत रहेका यहाँका गृहिणीहरुले एसएलसीसम्म को शिक्षा पाउने भएका छन् । विद्यालय उमेरमा पढ्ने चाहना हुँदा हुँदै पढाइ छाड्नुपरेका गृहिणीहरुलाई जिल्ला शिक्षा कार्यालय गोरखाले एसएलसी सम्मको शिक्षा लिन पाउने ब्यबस्था मिलाएको हो ।
गृहिणीहरुलाई एसएलसी उतीर्ण गराउने उद्देश्यले कार्यालयले यो वर्ष जिल्लाका बिभिन्न चारठाउँमा गृहिणी विद्यालय साचालन गरेको छ । कार्यालयले पालुङटारको भृकुटी निम्न माध्यमिक विद्यालयमा दुईवटा आरुघाटको भीमोदय उच्च माविमा एउटा गोरखा नगरपालिकाको शक्ति उच्च माविमा एउटा गृहिणी विद्यालय साचालन गरेको हो ।
ती विद्यालयहरुमा १५ देखि ४५ बर्ष उमेर समूहका एकसय ४० गृहिणीहरु अध्ययन गरिरहेका कार्यालयले जनाएको छ । कार्यालयले उपलब्ध गराउन सक्ने सेवा र सुविधाको आधारमा एउटा गृहिणी विद्यालयमा ३० जनासम्म महिलालाई पढाउने ब्यबस्था गरेको छ । पढ्दापढ्दै बिबाह गरेर पढाइ छुटेका र पढ्नै नपाइ बिबाह गरेका जिल्लाका १२० जना गृहिणीहरुले यो वर्ष निशुल्क पढ्न पाएका छन् ।
शिक्षा कार्यालयले गृहिणी विद्यालयका लागि दुईजना शिक्षकका साथै पाठ्यपुस्तक र स्टेशनरी सामान निशुल्क उपलब्ध गराएको छ भने फर्निचर विद्यालय आफैले ब्यबस्था गरेका छन् । कार्यालयलाई यस कार्यक्रम साचालनका लागि शिक्षा मन्त्रालय अन्तर्गतको अनौपचारिक शिक्षा कार्यक्रमले सहयोग गरेको छ ।

चोरकाटेवाट काठमाण्डौ जादै गरेको बस दुर्घटना

गोरखा ,कार्तिक २६
गोर्खाको चोरकाटेवाट माओवादीको सिहंदरवार घेराउ कार्यक्रममा कार्यकता लिएर काठमाण्डौ जादै गरेको ना ३ ख ८३८२ नम्वरको वस गए राती करीब 12 बजे तनहुँ आवुखैरेनी आँपचौरमा दुर्घटना हुदा गोर्खा केरावारी-६ का सुरेश तमुको मृत्यु भएको जिल्ला प्रहरी कार्यालय गोर्खाले जनाएको छ।
दुर्घटनामा परी घाइते ३२ जनाको काठमाण्डौको जनमैत्री र आठको वीर अस्पतालमा उपचार भइरहेको छ भने ४ जनाकॊ मडिकल कलेज भरतपुरमा उपचार भइरहेको छ । एकीकृत नेकपा माओवादी गोर्खा जिल्ला सदस्य कसमको नेतृत्वमा माओवादीको सिहंदरवार घेराउ कार्यक्रममा भाग लिनजान लागेका माओवादी कार्यकर्ता वोकेको उक्त वस दुर्घटना हुदा माओवादी जिल्ला सदस्य कसम ज्योति र रविना गम्भीर घाइते भएका छन् भने अर्का सदस्य रविनको अवस्था सामान्य रहेको छ । दुर्घटनामा सामान्य घाइते अन्य आँवुखैरेनीमा उपचार पछि घर फर्किसकेका छन् । तीव्र गतिमा रहेको वस सडकवाट पचास मिटर तल खस्दा दुर्घटना भएको र वस चालक फरार रहेको तनहू प्रहरीले जनाएको छ । दुर्घटनामा परी घाइते हुनेहरुमा खोप्लाङ ३ का वर्ष ३० का विष्णुमाया देवकोटा वर्ष ३५ का चन्द्रमाया न्यौपाने वर्ष ५२ का वावुराम न्यौपाने खोप्लाङ २ का वर्ष २०का विकास भट्टराई वर्ष २२ का दिलिप थापा चितवन जुटपानीका वर्ष १५ की गीता गुरुङ लगायत रहेका छन् । दुर्घटनामा परि गाडीले च्यापिएकी पोखरावेसी खोप्लाङकी उर्मिला वस्तीको क्रेनको सहायताले करिव ५ घण्टापछि जीवीतै उद्दार गरिएको र उनको उपचारको लागि काठमाण्डौको वीर अस्पताल लगिएको माओवादी गोर्खा ले जनाएको छ । ख़बर स्रोत :रेडियो गोरखा

सघन खेती प्रयोगमा

साउन १३- जिल्ला कृषि कार्यालय गोरखाले जिल्ल्ाामा पहिलो पटक सघन धानखेती प्रविधि साचालनमा ल्याएको छ । कार्यालयले गोरखा नगरपालिका वडा नंबर ६ खल्लुबोटेमा आज सोही प्रविधि अनुसार धान रोपेको छ । प्रविधि अनुसार सावित्रि जातको धान विउ राखेको १३ दिन र टुसाएको ९ दिनको कलिलो वेर्नालाई २५ सेन्टिमिटरमा धान रोपिएको हो । यस प्रविधिमा पानी नभएको ठाउँमा एउटा मात्र बेर्ना रोपिने कृषि कार्यालयले जनाएको छ । एउटा मात्र वेर्ना रोपेपनि राम्रो खेती भइ ५ गुणा बढी उत्पादन दिने कार्यालयको दावी छ ।सो कार्यक्रम स्थानिय किसान वाल कुमार अर्यालको अध्यक्षतामा सम्पन्न भएको हो । यो प्रविधिबाट धान खेती गर्दा कम पानी भएपनि हुने भएकाले किसानका लागि उपयोगी भएको कृषि प्रसार अधिकृत राजेन्द्र गुरुङले जानकारी दिनुभएको रेडियो गोरखाले जनाएको छ ।

वर्षाले गोरखाका ग्रामीण सडक अवरुद्ध

साउन १३- जिल्लाको अधिकांश गाउँ विकास समितिमा सडक पुगेपनि वर्षायाममा साचालन हुन नसक्दा जिल्लावासीहरु यातायात सेवाबाट विाचत भएका छन् । जिल्लाका ६६ मध्य ५१ गाविसमा सडक पुगेको सरकारी दावी रहेपनि ग्रामीण क्षेत्रका कुनैपनि बाटो साचालन हुन नसक्दा नागरिकले सास्ती ब्यहोर्नुपरेको छ । वर्षायाममा वाटो हिलो भएपछि तनहुँको आँबुखैरेनीदेखि सदरमुकामसम्मको २४ किलोमिटर पक्की सडक बाहेक अन्य सबै सडकहरुमा यातायात सुचारु हुन सकेको छैन ।हिउँदयाममा सदरमुकामबाट झण्डै एकदर्जन रुटमा गाडि चल्ने भएपनि हाल कुनैपनि रुटमा यातायात साचालन हुन नसकेको गोरखा यातायात ब्यवसायी समितिले जनाएको छ । गोरखा भालुस्वाँरा सडक ग्राभेल भएकाले साचालन भइरहेको छ । भालुस्वाँराका लागि गोरखाबाट सिधा वससेवा साचालन नभएपनि छेपेटार पारीबाट वससेवा साचालन भइरहेको समितिका अध्यक्ष ज्ञानेन्द्र श्रेष्ठले जानकारी दिनुभएको छ । कच्ची सडक साचालन नहुदा सो बाटोमा यातायात ब्यवसाय साचालन गर्दै आएका ५० भन्दा बढी ब्यवसायी मर्कामा परेको उहाँले बताउनुभयो ।कच्ची सडकमा वस नचल्दा स्थ्ाानियवासीहरु मर्कामा परेका छन् । हिउँदमा स्थानिय ब्यापारीहरुले पर्याप्त सामानहरु भण्डारण नगर्दा गाउँवासीले उपभोग्य वस्तुको समेत समस्या भोग्दै आएका छन् । बस नचलेपछि मान्छेलाई बोकाएर सामान ढुवानी गर्नुपर्ने भएकाले उपभोग्य सामानको मुल्यवृद्धि पनि हुन थालेको छ । जिल्ला विकास समिति सडक आयोजना कार्यालय लगायतका निकायले सडक निर्माण गरेपनि मर्मत र जिर्णोद्धारमा ध्यान नदिएका कारण वर्षा लागेपछि सबै सडकहरु बन्द भएको उपभोक्ताहरुले गुनासो गरेका रेडियो गोरखाले जनाएको छ ।

सार्वजानिक अपराध बढ्यो

साउन १३- गोरखामा अघिल्लो वर्षको तुलनामा गत वर्ष सार्वजानिक अपराधका घटनाहरु बढेका छन् । जिल्ला प्रश्ासन कार्यालयमा अघिल्ल्ााे आर्थिक वर्षमा ११ वटा सार्वजानिक अपराधका मुद्दा दर्ता भएकोमा आर्थिक वर्ष ०६५÷०६६ मा ३१ वटा मुद्दा दर्ता भएको छन् । पहिले सार्वजानिक अपराधका मुद्दाहरु गाउँघरमभा नै समाधान गरिने र प्रहरीको सम्पर्कमा आउने नगरेकाले थोरै भएको प्रमुख जिल्ल्ाा अधिकारी जीवनप्रसाद ओलीले जानकारी दिनुभएको छ ।पछिल्लो समयमा यस्ता घटनाहरु प्रहरी समक्ष आउने प्रचलन सुरु भएकाले अघिल्ला वर्षहरुमा भन्दा बढी देखिएको उहाँले बताउनुभयो । द्वन्द्वको समयमा यस्ता धेरै घटना भएपनि प्रहरीको सम्पर्कमा नआएको हुनसक्ने प्रशासनको अनुमान छ । सार्वजानिक अपराध अन्तर्गत दर्ता भएका ३१ मध्ये १४ वटा फछ्र्यौट भएको रेडियो गोरखाले जनाएको छ ।

५० हजारले अपमान : एकल महिला

साउन १२- सरकारले वजेट बक्तब्य मार्फत एकल महिला विवाह गर्नेलाई ५० हजार रुपियाँ अनुदान दिने निर्णयप्रति गोरखाका एकल महिलाहरुले विरोध जनाएका छन् । उनीहरुले सरकारको सो घोषणाको विरोध गर्दै आज प्रमुख जिल्ला अधिकारी जिल्ल्ााका तिन राजनीतिक दल जिल्ला विकास समिति नेपाल पत्रकार महासंघ ग्रैह्र सरकारी संस्था महासंघ लोकतान्त्रिक गैह्र सरकारी संस्था महासंघ जिल्ल्ाा शिक्षा कार्यालय महिला विकास कार्यालय र मानव अधिकार तथा शान्ति समाजको कार्यालयमा ज्ञापन पत्र बुझाएकारेडियो गोरखाले जनाएको छ ।

वालुवा झिक्दा नदी धसियो

साउन ११- गोरखाको गोरखा नगरपालिका वडा नंबर ९ छेपेटारका वासिन्दाले दरौदी नदिबाट वालुवा र ढुङ्गा भिक्न रोक लगाउन जिल्ला विकास समितिसंग माग गरेको छ । वालुवा र ढुङ्गा अत्याधिक मात्रामा झिक्दा नदी गहिरिदै गएकाले खेतमा पानी लगाउन समेत समस्या हुदै गएको र वातावरणिय सन्तुलनमा समेत असर पर्ने भन्दैे सो लाई रोक्न जिल्ला विकास समिति समक्ष माग गरेका छन् । दरौदी नदि नियन्त्रण संरक्षण समितिले आज निमित्त स्थानिय विकास अधिकारी साजीव श्रेष्ठलाई ज्ञापन पत्र बुझाउदै नदीको वालुवा र ढुङ्गा उठाउन दिएको टेण्डर खारेज गर्न माग गरेका रेडियो गोरखाले जनाएको छ ।

गोरखाका ५१ गाविसमा सडक पुग्यो

गोरखा , साउन-२ गएको आर्थिक वर्षभित्र गोरखा जिल्लाको अधिकांश गाउँ विकास समितिमा सडक पुगेको छ । जिल्लाको ६६ गाविस मध्य ५१ वटा गाविसहरुमा सडक साजाल विस्तार भएको छ । जिल्लाको क्षेत्र नंबर १ र २ का सबै गाविसहरुमा मोटर बाटो पुगेको छ भने तीन नंबर क्षेत्रको १५ वटा गाविसमा सडक पुग्न नसकेको ११ किलो छेपेटार वारपाक सडक आयोजना कार्यालयले जनाएको छ । क्षेत्र नंबर १ मा एउटा नगरपालिका १९ गाविस दुई नंबर क्षेत्रमा २० र तीन नंबर क्षेत्रमा २७ वटा गाविसहरु रहेका छन् । सबैभन्दा माथिल्लो क्षेत्रम पर्ने सिर्दिबास ल्हो प्रोक बिही चुाचेत सामागाउँ छेकम्पार केरौजा काशिगाउँ मान्बु उहिया गुम्दा लाप्राक लापु गाविसमा भने अझै मोटर बाटोले छुन सकेको छैन । भौगोलिक बिकटता र आर्थिक अभावका कारण सो क्षेत्रमा सडक निर्माण हुन नसकेको कार्यालयले जनाएको छ । पृथ्वीराजमार्गको बेनीघाटदेखि तीन नंबर क्षेत्रको मुख्य ब्यापारिक केन्द्र आरुघाट जोड्ने बेनीघाट-आरुघाट- आर्खेत मोटरबाटो निर्माण कार्य पनि गतवर्षदेखि सुरु भएको छ । यो आर्थिक बर्षपनि सो बाटोको लागि तीन करोड पचासलाख रुपियाँ बिनियोजन भएको छ । सडक बिभागले ११ किलो छेपेटार भालुस्वाँरा बारपाक सडक योजनाले छेपेटारमा कार्यालय स्थापना गरेपछि जिल्लामा सडक विस्तार भएको कार्यालयका जिल्ला ईाजनियर गणेशबहादुर कँडेलले बताउनुभयो । २०६४ सालको असोजमा सडक योजनाको कार्यालय स्थापना भएपछि द्रुत रुपमा काम गरेकोले जिल्लाभरि सडक विस्तार भएको उहाँको भनाइ छ । कार्यालयले सडक विस्तार लगायत स्तरबृद्धि गर्ने काम पनि गरिरहेकोरेडियो गोरखाले जनाएको छ ।

थप दश माविलाई उच्च मावि सम्बन्धन

गोरखा , असार ३० , उच्च माध्यामिक शिक्षा परिषद सम्बन्धन शाखाले योरखामा थप दश माध्यामिक विद्यालयलाई उच्च मावि संचालन गर्न तीन बर्षे अस्थाई सम्बन्धन दिएको छ ।
सम्बन्भन पाउने माविहरुमा नव जागृति चण्डी मावि अश्राङहिमालय मावि वारपाक संस्कृत मावि तान्द्राङ शान्ति मावि बगुवा शैलपुत्रि मावि पाँच खुवादेउरालि संसारी महेन्द्र मावि नयाँ साँघु अमर ज्योति जनता मावि पालुङटार अन्नपूर्ण मावि खोप्लाङ र मण्डलि मावि छोप्राक छन् ।
यो नयाँ सम्बन्धन पछि गोरखामा रहेका उच्च माविको सख्या ३३ पुगेको छ । यस अघि गोरखामा २३ वटा सामुदायिक उच्चमावि संचालनमा थिए । निजि क्षेत्रमा भने वल्ड क्यापिटल उच्च माविले उच्च मावि संचालन गर्दै खाएको छ । त्यसै गरि छिमेकि जिल्ल्ाा लमजुङ्गमा भने एउटा माविले मात्र उमाविको सम्बन्धन लिएको छ । सम्बन्धन पाउने माविमा हर्मी सगँ सिमना जोडिएको भलायखर्क साहिलीटारमा रहेको ज्ञानोदय मावि रहेको छ ।




लुईटेलमा विज्ञान र शिक्षा छोप्राकमा शिक्षा मात्रै

हर्मी असार ३० संम्बन्घन पाए लगतै अमर ज्योति जनता उमाविले विज्ञान र शिक्षा संकाय संचालन गर्ने तयारी गरेको छ भने मण्डलि उमावि छोप्राकले शिक्षा संकाय संचालन गर्ने तयारी गरेको छ । यी दुबै उमावि संचालन गर्नका लागी काठकाडौमा गठन भएका पूर्ण विद्यार्थीका संगठनहरु मरिमेटेर लागी परेका छन् । लुईटेलमा उच्च माविको उद्घाटन कार्यक्रम साउन दूईलाई तय गरिएको छ ।