अवसरको साथ साथै थपिएको चुनौित

आशमाया परियार कक्षाः १२


मानिसको जीवन एक संघर्ष हो । यस्ता संघर्षसँग पछि हट्नु हुँदैन । यस्ता संघर्षसँग जीवनभर साहसका साथ सामना गर्न सक्नु नै हामी मानिस हुनुको एक मात्र पहिचान हुन आउँछ । मानिस भएर धर्तीमा उत्पत्ति भइ सकेपछि उसलाई सर्वप्रथम गाँस बास र कपासको आवश्यकता पर्दछ । मानिसलाई यति मात्र भएर पुग्दैन उसलाई शिक्षा स्वास्थ्य अन्य सुविधाहरुको पनि आवश्यकता पर्दछ । यसलाई कसैले हनन् गर्न पाउँदैन । गर्नु पनि हुँदैन । शिक्षाले कसैलाई काखा र कसैलाई पाखा बनाउँदैन । तँ महिला होस् तेरो जीवनमा शिक्षाको उज्यालो ज्योति जगमगाउन सक्दिँन भनेर कोहि कसैलाई भेदभाव गर्दैन । शिक्षाले भित्री आँखा खोलेर अन्धकारको भुमरीमा परेकालाई उज्यालो किरण छरेर जीवनको सफलताको फूल फुलाउँछ । भर्खरै हर्मी गा।वि।स। नवलपुरमा उच्च मा।वि। खुलेको छ । यो उ।मा।वि।sा सम्पूर्ण अभिभावक शिक्षाविद् विद्यार्थी किसान र मजदुरको योगदानबाट स्थापना भएको हो । यसले गर्दा यहाँका जनताहरु अत्यन्त खुसी भएका छन् । यस हर्मीमा विकासको आधार शृङ्खला शुरु भएको छ । विगतमा यहाँका विद्यार्थी उच्च शिक्षा हासिल गर्न गाउँबाट निकै टाढा जानुपथ्र्यो भने कतिपय आर्थिक कमजोरीको चपेटामा परेकाले आफ्नो पढ्ने इच्छा तीव्र भएता पनि आफ्नो इच्छा र आकांक्षालाई भूइमै दवाएर बस्नु परेको थियो । अहिले यस उच्च मा।वि।sाे स्थापना भएपछि सबैलाई उच्च शिक्षा हासिल गर्न सजिलो र सुगम भएको छ । यस उच्च मा।वि। का सबै विद्यार्थीले हर्ष र उत्साहका साथ शिक्षा हासिल गरिरहेका छन् ।
खुसीको कुरा के छ भने हाम्रा दिदी भाउजू बुहारीहरुले शिक्षाबाट बिाचत हुन पुगेको आज दस बाह्र वर्ष पछि उच्च शिक्षा हासिल गर्ने सुवर्ण अवसर पाएका छन् । हाम्रा बुबा आमा लगायत सम्पूर्ण अभिभावकले शिक्षाको महत्वलाई बुझेर विहानको मिर्मिरेमा घामको उज्यालो सँगसँगै हँसिया नाम्लो बोकेर दिनहुँ गाउँवेसी मेलापात गर्ने बुहारीलाई कलम कापी च्यापेर कलेज पठाएका छन् । बुहारीहरु गुमेको अवसर फेरी यसरी आएकोमा अत्यन्तै उत्साहका साथ शिक्षा हासिल गरिरहेका छन् । यति मात्र होइन विभिन्न समुदायबाट आएका बुहारीहरुलाई निःशुल्क शिक्षाको व्यवस्था गरेको छ । यो गरिमामय उ।मा।वि।ले हामीलाई लगाएको गुन हामीले कदापी भुल्न सक्दैनौं । सम्भवतः नेपालको नौलो र नयाँ अभियान बन्न पुगेको यस उच्च शिक्षाका व्यवस्थापकहरु र योजनाकर्ताको अथक प्रयासमा तुषारापात हुन नदिई लगनशीलताको महत्वलाई बुझी उहाँहरुको योगदानको कदर गरिनुपर्दछ । देश विकासको लागि व्यक्ति परिवार समाज गाउँ सहर हुँदै देशमा शिक्षाको महत्वलाई पहिचान गरेर हाम्रो देशको सम्पूर्ण क्षेत्रमा उच्च शिक्षाको स्थापना गर्नु ज्यादै आवश्यक र यो शिक्षा निःशुल्क हुनुमा पनि जरुरत छ ।
समाजमा भएका हरेक व्यक्ति उच्च बुद्धि र प्रतिभा भएता पनि आर्थिक कमजोरीका कारणले त्यसै समाजमा दबिएर आफ्नो प्रतिभा प्रदर्शन गर्न पाइरहेका छैनन् । शिक्षा विना देश विकास सम्भव छैन । त्यसैले सम्पूर्ण नागरिकलाई शिक्षित बनाउनु जरुरत छ । राष्ट्र तथा अन्तर्राष्ट्रिय परिवेशमा आफ्नो पहिचान राख्न पनि शिक्षाकै आवश्यकता पर्दछ । आजको युग भनेको कम्प्युटरको युग हो । जहाँ शिक्षा बिना देशको उन्नति ठप्प हुन्छ । देश निर्माणका लागि महिला पुरुष एक हुनु अत्यन्त आवश्यक छ । जसरी एक हातले तालि बज्दैन त्यसरी एकपक्षिय गतिविधिको तालमेलै मिल्दैन । पुरुषको एकलौटि शासनले आज हरेक महिला दुई ढुङ्गाका तरुल जस्तो भए शारीरिक तथा मानसिक याताना पाएर बसेको हाम्रो समाजमा विद्यमान नै छ । यस्तो परम्परागत मान्यता शोषक सामन्ती प्रवृत्तिलाई जरैदेखि उखेलेर समाजमा नयाँ कार्यको थालनी गर्नुपर्छ । महिला शारीरिक मानसिक कुनै कारणले पनि कमजोर हुँदैनन् । उचित अनुकुल वातावरण पाए भने महिला पनि समाजको प्रतिष्ठित ब्यक्ति बन्न सक्षम हुन्छन् । त्यसैले देशले सम्पूर्ण नारीवर्गलाई पुरुषको सीमित घेरामा होइन । महिला उत्थानको मैदानमा हिमाल जस्तो अडिग भई आफ्नो हक अधिकारको उत्तरदायित्व बहन गर्नेलाई दोष होइन आफ्नो आत्मबललाई ठूलो मानेर समाजको अगाडि असल नागरिक भएर बाँच्न सिकौं भन्ने आग्रह गर्न चाहन्छु ।
अन्तमा यस हर्मीमा स्थापित उच्च मा।वि।sाे स्थापनाकारहरुको योगदानलाई मुरी मुरी धन्यवाद दिन चाहन्छु । हाम्रो जस्तो विपन्न समाजका लागि शिक्षा निःशुल्क गरियोस् । जसबाट समाजका कुनै पनि व्यक्ति शिक्षाबाट बिाचत हुन नपरोस् । यस ठाउँमा उच्च शिक्षाका विभिन्न तहको पढाई हुन सकोस् । महिला दलित पीडित जस्ता व्यक्तिलाई छात्रवृत्तिको व्यवस्था गरी शिक्षा हासिल गर्न सर्वसुलभ गरियोस् । शिक्षा व्यवहारिक होस् । विद्यालयमा सम्पूर्ण कुराको व्यवस्था गरियोस् । उचित शिक्षण विधि दक्ष तालिम प्राप्त शिक्षक उपलब्ध गराइयोस् । यही अनुरोध गर्न चाहन्छु ।
ििि