विज्ञान प्राविको भावि योजनाबारे छलफल सम्पन्न

हर्मी ,फागुन २२
विद्यालयको भावि शैक्षिक विकास तथा भौतिक पूर्वाधार निर्माण सम्बन्धमा विज्ञान प्रावि हर्मी भन्ज्याङमा शनिवार विहान सरोकारवालाहरु विच छलफल कार्यक्रम सम्पन्न भएको छ ।
विद्यालय ब्यवस्थापन समितिका पदाधिकारीहरु स्थानिय अभिभावक र बुद्धिजिविहरुको सहभागिता रहेको सो बैठक विद्यालय ब्यवस्थापन समिति अध्यक्ष जीवन ज्योति ढकालको सभापतित्वमा भएको थियो । छलफल कार्यक्रममा प्रअ राम प्रसाद पराजुलि ,स्थानिय भुवनेश्वर भट ,मिना ढकाल ,हरि प्रसाद ढकाल ,जनार्दन ढकाल ,रामचन्द्र ढकाल लगायतले भावि योजना र शैक्षिक विकासका बारेमा आफ्नो राय पेश गर्नु भएको थियो । सरोकारवालाको उक्त छलफलले विद्यालयको भवन निमार्ण र शैक्षिक कार्ययोजना तयार गर्नेबारे निम्न निर्णयहरु गरेको छ ।
+विद्यालय भवन निमार्णका लागी जिल्ला शिक्षा कार्यालयबाट ८ लाख २५ हजार रुपैयाँ प्राप्त भएकोमा भवन बनाउन करिब पाँच लाख नपुग हुने भएकाले सो रकमको ब्यवस्था गरि विद्यालय भवन निमार्ण गर्ने ।
+भवन निमार्णका लागी नपुग रकम विभिन्न संघ सस्था र ब्यक्तिहरु सँग सहयोग संकलन गर्ने ।
+विद्यालयको सिमाना कम्पाउन्ड वरपर भूक्षय नियन्त्रणका लागी जल उत्पन्न प्रकोप नियन्त्रण विभागमा अनूरोध गर्ने ।
+सामूदायिक विद्यालय भए पनि हाल कक्षा ४ सम्म अङगे्रजी माध्यममा पढाइ भइरहेकामा विद्यालयलाई क्रमश कक्षा आठ सम्म अङग्रेजि माध्यममा पढाइ संचालन गरि नमूना विद्यालय बनाउने ।
+विज्ञान प्राविकै भवन र जग्गालाई प्रयोग गरि आगामि दिनमा प्राविधिक शिक्षालय संचालन गर्न पहल गर्ने ।
+शैक्षिक वातावरणलाई अझ राम्रो बनाई विद्यार्थी सख्या बृद्धि गराउने ।
+विद्यालयको शैक्षिक तथा भौतिक अवस्था सुधारका लागी जग्गा जि_िन्स तथा नगद उपलब्ध गराउने सहयोग दाताहरुलाई निम्न अनुसार सम्मान गर्ने ।
-१९९९ सम्म दान गर्नेको अभिलेख राख्ने
-२०००देखि ४९९९ सम्म सहयोग गर्नेलाई दोसल्ला र कदर पत्र
-५०००देखि ९९९९सम्म सहयोग गर्नेलाई दोसल्ला कदर पत्र र शिलालेखमा नाम
-१०००० देखि१९९९९ सम्म सहयोग गर्नेलाई दोसल्ला कदर पत्र शिलालेखमा नाम र विद्यालयमा फोटो राख्ने
-२०००० देखि ७४९९९ सम्म सहयोग गर्नेलाई दोसल्ला कदर पत्र शिलालेखमा नाम विद्यालयमा फोटो राख्ने र विद्यालयको आजिवन सदस्यता दिने
-७५००० देखि १४९९९९ सम्म सहयोग गर्नेलाई दोसल्ला कदर पत्र शिलालेखमा नाम विद्यालयमा फोटो राख्ने विद्यालयको आजिवन सदस्य र निजको नाममा एक कक्षा कोठाको नाम राख्ने
-१ लाख पचास हजार भन्दा माथि सम्म सहयोग गर्नेलाई दोसल्ला कदर पत्र शिलालेखमा नाम विद्यालयमा फोटो राख्ने तथा दुई कोठाको भवन निजकै नाममा राख्ने