हाम्रो हर्मी.com

Tuesday, June 10, 2014

हर्मी कृषि सहकारीको उत्पादन शुद्ध प्राङगारिक बेसार यसरी बजारमा आउन लाछ

(हर्मी कृषि सहकारीको उत्पादन शुद्ध प्राङगारिक बेसार यसरी बजारमा आउन लाछ हामी सबैको लागी खुसीको खबर काठमाडौमा यो बेसार हिमालचुली कृषि सहकारीको कार्यालय बनस्थली चोकमा उपलब्ध छ । )

Friday, May 30, 2014

हाउस वायरिङ तालिम

सिटिइभिटि काठमाडौ , लायन्स क्लब काठमाडौ कन्चनजङगा , हर्मी गाविस र सामुदायिक रेडियो हर्मीको संयुक्त अयोजनामा हर्मीमा संचालन भैराखेको तीन महिने हाउस वायरिङ तालिम

हर्मी ९ हर्मी भन्ज्याङका भुवनेश्वर भट्टले गरेको ब्यवसायिक खेति

Tuesday, May 20, 2014

२०७१ बैशाख ३१ गते हर्मीमा सम्पन्न ढकाल बन्धुहरुको कुलायन पूजाका केहि झलकहरु

हामीलाई जीउँदो महसुस गराउँने :एउटा अर्को काम

dreams comes true here ...यी र यस्तै कामहरु गर्न पाउँदा , बाँचेको छु जस्तो लाग्ने रहेछ हामीहरुलाई कहिले काहि । गत हप्ता पूर्व विद्यार्थी -सोसाइटि अफ नवलपुर अल्मूनाई ,(सोना)को तर्फबाट महेन्द्र लीला उच्च माविको पुस्तकालयलाई करिब १ लाख रुपैयाँ बरावरका पुस्तकहरु हस्तान्तरण कार्यक्रम सम्पन्न भयो । तर यो अभियानमा सक्रियरुपमा सामेल Nabin Sapkota B Positive,Sa-Rose Khanal,JIb Gurung,Ashok Pokharel,Ganesh Nepali,Pragati Dhakal,Kapil Bhatta ,Sujan Ghimire लगायत अन्य साथिहरुको को वाध्यताबस प्रत्यक्ष उपस्थिति नपाउँदा केहि खल्लो लागी रह्रयो ।

हाम्रो बारेमा

नमस्कार , आवर हर्मी ब्लगमा तपाईलाई हार्दिक स्वागत छ । आवर हर्मी ब्लग मार्च २००९ देखि अस्तित्वमा आएको हो । र त यसले मलाई ब्लगर बनाएको छ त्यस यता । कहिले भूमिगत कहिले खुला भएरै जेनतेन भेटिरहेकै छु है तपाईलाई (अरु हैन है फेरी इरेगुलारिटिको कुरा गर्या नि गलत अर्थ नलागोस् )।

आवर हर्मीलाई पुल बनाउने हो - चाहना । तर भौतिक नै चाहि होइन है फेरी भावनात्मक नि । खास गरि हर्मी र हर्मी बाहिर रहेका मनहरुलाई जोड्ने पुल क्या । साथै गैर हर्मेली जन जसलाई हर्मीको बारेमा चासो र हुटहुटि छ तीनलाई हर्मी सँग साक्षात्कार गराउने पनि । यो अभियान निरन्तर चलिराखेको छ कति सफल छु कति असफल छु थाहा छैन तर प्रयास भने जारि नै छ र रहन्छ पनि । आशा छ तपाईको मनलाई सत प्रतिसत सन्तुष्ट बनाउन नसके पनि केहि हद सम्म भने पनि सम्बोधन चाँहि गर्न सकेको छु नै जस्तो ।

ब्लग मार्फत खास गरि हर्मीका पछिल्ला प्रगति, उन्नति र सफलताका साथ साथै यस सँग जोडिएर आउने यावत कुराहरु : कहिले काहि भातको गासमा आउँछ नि ढुङ्गो हो त्यस्तै नमिठा , नकारात्मक पनि नलेखौ , नफिजाउँ भन्दा पनि लेख्ने पर्ने फिजाउँनै पर्ने , लुकेका र लुकाउन खोजिएका तथ्य र अन्य तपाई हामी सबैको प्रत्यक्ष चासो र सरोकार रहने विषय र सन्दर्भको गहकिलो उठान र विश्लेषणात्मक दृष्टिकोण प्रस्तुत गर्ने मेरो उदेश्य हो ।

म यानिकी विकास ढकाल मेरो नाभि गाडेको ठाम हर्मी ८ हर्मी भन्ज्याङ्गमा छ , हाल काठमाडौमा छु चाहनाले होइन बाध्यताले रन्थनिएको छु म यो शहरमा । म पढाइ , पेशा, सौख अनि सपना सबै सबैले संचार साधक हुँ । मुख्य त म क्यामेराको फ्रेम र लेन्स अनि माइकको ध्वनी जसलाई मान्छेहरु अडियो भिजुअल आर्टस् भन्छन् क्यारे हो त्यसमै खेल्न मन पराउँछु । र त्यो खेलमा रमाउँदा रमाउँदै जन्मने वस्तु भनेका वृतचित्र छोटो , कदका फिल्म आदि इत्यादिहरु नै हुन् । अनि कला , साहित्य , संचार र संस्कृतिका विविध वान्किहरुमा कलम चलाउन र खोज अनुसन्धान गर्न पनि । आखिर पढियो सिकियो र गरियो नै यी र यस्तै खाले कामहरु आज सम्म , अर्थोक के गर्नु र खै ?जानेकै छैन र सिक्ने अभिलाषा पनि ।

हामी(हर्मीको िसंगो समुदाय) हर्मीमा प्रयोगात्मक र सामुदायिक संचारको अभ्यासमा छौ पुग नपुग एक दशक यता । जहाँ समर्थन र उत्साह जनक सहभागिता छ हर्मीका असख्य सेवाको भावनाले उद्हेलित मनहरुको । त्यसमा होस्टेमा हैसे गर्ने बाहिरि दुनियाँको सहयोगी हातले त झन् सुनमा सुगन्ध थपेको छ । सबैको सहभागीता बिना न त कुनै सामाजिक कामको आरम्भ गर्न सकिन्छ न त त्यसलाई सार्थक तुल्याउन गरिने प्रयासहरु नै सफल हुन्छन् । यो अर्थमा हामी घमण्ड गरैरै पुरापुर सन्तुष्ट छौ भन्न सक्छौ । त्यसैले त हामी सबै आफ्नो पृथक संचार अभियानमा एकै साथ हातमा हात र काँधमा काँध मिलाएर हेलिएका छौ । र त हामीलाई हर्मीको सेरोफेरो (ग्रामीण खबर पत्रिका )आवर हर्मी (सामुदायिक ब्लग) र सामुदायिक रेडियो हर्मीको इतिहास बनाउन पाउँदा गर्व लाग्छ ।

आवर हर्मी भित्र डुबुल्की मारि सके पछि तपाइलाई लागेका कुरा र यहाँ पोष्ट गरिएका सामाग्रीका बारेमा दिल खोलेर प्रतिकिया लेख्न सक्नु हुन्छ ।