हाम्रो हर्मी.com: डेस्टिनेसन हर्मी (Destination Harmi)

Saturday, March 16, 2013

डेस्टिनेसन हर्मी (Destination Harmi)

पछिल्ला दिनहरुमा पन्थडिहि कटहरे हर्मी सडक ग्राभेल गर्ने काम धमाधम भैराखेको छ । यो आर्थिक बर्षमा हर्मी सम्म नै कटिङ कल्भट र रिटनिङवालको काम हुने जानकारी पनि प्राप्त भएको छ । तर रकम अपुग भएकाले ८ किलोमिटर सडक मात्र ग्राभेल हुने डेकेदारको भनाई छ । कुल १३.८ किमि सडकमा ८ किलोमिटर मात्र ग्राभेल गर्दा बिमिरे चौर वा चारसय फाँट सम्म मात्र भाभ्रेल हुने सडक कार्यालयको भनाई छ । साथै हर्मी सम्मको पुरै काम सक्न थप ३ करोड लाग्ने प्रारम्भिक अनुमान प्राविधिकहरुको छ अब थप रकम मागका लागी हामी सबै मिलेर सरकार गुहार्नु पर्ने आवश्यकता महसुस भएको छ यो पल ।

No comments:

हाम्रो बारेमा

नमस्कार , आवर हर्मी ब्लगमा तपाईलाई हार्दिक स्वागत छ । आवर हर्मी ब्लग मार्च २००९ देखि अस्तित्वमा आएको हो । र त यसले मलाई ब्लगर बनाएको छ त्यस यता । कहिले भूमिगत कहिले खुला भएरै जेनतेन भेटिरहेकै छु है तपाईलाई (अरु हैन है फेरी इरेगुलारिटिको कुरा गर्या नि गलत अर्थ नलागोस् )।

आवर हर्मीलाई पुल बनाउने हो - चाहना । तर भौतिक नै चाहि होइन है फेरी भावनात्मक नि । खास गरि हर्मी र हर्मी बाहिर रहेका मनहरुलाई जोड्ने पुल क्या । साथै गैर हर्मेली जन जसलाई हर्मीको बारेमा चासो र हुटहुटि छ तीनलाई हर्मी सँग साक्षात्कार गराउने पनि । यो अभियान निरन्तर चलिराखेको छ कति सफल छु कति असफल छु थाहा छैन तर प्रयास भने जारि नै छ र रहन्छ पनि । आशा छ तपाईको मनलाई सत प्रतिसत सन्तुष्ट बनाउन नसके पनि केहि हद सम्म भने पनि सम्बोधन चाँहि गर्न सकेको छु नै जस्तो ।

ब्लग मार्फत खास गरि हर्मीका पछिल्ला प्रगति, उन्नति र सफलताका साथ साथै यस सँग जोडिएर आउने यावत कुराहरु : कहिले काहि भातको गासमा आउँछ नि ढुङ्गो हो त्यस्तै नमिठा , नकारात्मक पनि नलेखौ , नफिजाउँ भन्दा पनि लेख्ने पर्ने फिजाउँनै पर्ने , लुकेका र लुकाउन खोजिएका तथ्य र अन्य तपाई हामी सबैको प्रत्यक्ष चासो र सरोकार रहने विषय र सन्दर्भको गहकिलो उठान र विश्लेषणात्मक दृष्टिकोण प्रस्तुत गर्ने मेरो उदेश्य हो ।

म यानिकी विकास ढकाल मेरो नाभि गाडेको ठाम हर्मी ८ हर्मी भन्ज्याङ्गमा छ , हाल काठमाडौमा छु चाहनाले होइन बाध्यताले रन्थनिएको छु म यो शहरमा । म पढाइ , पेशा, सौख अनि सपना सबै सबैले संचार साधक हुँ । मुख्य त म क्यामेराको फ्रेम र लेन्स अनि माइकको ध्वनी जसलाई मान्छेहरु अडियो भिजुअल आर्टस् भन्छन् क्यारे हो त्यसमै खेल्न मन पराउँछु । र त्यो खेलमा रमाउँदा रमाउँदै जन्मने वस्तु भनेका वृतचित्र छोटो , कदका फिल्म आदि इत्यादिहरु नै हुन् । अनि कला , साहित्य , संचार र संस्कृतिका विविध वान्किहरुमा कलम चलाउन र खोज अनुसन्धान गर्न पनि । आखिर पढियो सिकियो र गरियो नै यी र यस्तै खाले कामहरु आज सम्म , अर्थोक के गर्नु र खै ?जानेकै छैन र सिक्ने अभिलाषा पनि ।

हामी(हर्मीको िसंगो समुदाय) हर्मीमा प्रयोगात्मक र सामुदायिक संचारको अभ्यासमा छौ पुग नपुग एक दशक यता । जहाँ समर्थन र उत्साह जनक सहभागिता छ हर्मीका असख्य सेवाको भावनाले उद्हेलित मनहरुको । त्यसमा होस्टेमा हैसे गर्ने बाहिरि दुनियाँको सहयोगी हातले त झन् सुनमा सुगन्ध थपेको छ । सबैको सहभागीता बिना न त कुनै सामाजिक कामको आरम्भ गर्न सकिन्छ न त त्यसलाई सार्थक तुल्याउन गरिने प्रयासहरु नै सफल हुन्छन् । यो अर्थमा हामी घमण्ड गरैरै पुरापुर सन्तुष्ट छौ भन्न सक्छौ । त्यसैले त हामी सबै आफ्नो पृथक संचार अभियानमा एकै साथ हातमा हात र काँधमा काँध मिलाएर हेलिएका छौ । र त हामीलाई हर्मीको सेरोफेरो (ग्रामीण खबर पत्रिका )आवर हर्मी (सामुदायिक ब्लग) र सामुदायिक रेडियो हर्मीको इतिहास बनाउन पाउँदा गर्व लाग्छ ।

आवर हर्मी भित्र डुबुल्की मारि सके पछि तपाइलाई लागेका कुरा र यहाँ पोष्ट गरिएका सामाग्रीका बारेमा दिल खोलेर प्रतिकिया लेख्न सक्नु हुन्छ ।

हाम्रो हर्मी.com

Saturday, March 16, 2013

डेस्टिनेसन हर्मी (Destination Harmi)

No comments:

Post a Comment

About Me

Followers