महेन्द्र लीलामा पत्रकारिता पढाई शुरु

महेन्द्र लीला उच्च मावि हर्मीमा यसै शैक्षिक सत्रबाट २ मा आम संचार तथा पत्रकारिता विषयको पढाई शुरु भएको छ ।
सामुदायिक रेडियो हर्मी सँगको सहकार्यमा संचालन गरिएको आम संचार तथा पत्रकारिता विषयमा हाल १५ विद्यार्थीहरु अध्ययनरत छन् । हरेक वर्ष नयाँ नयाँ विषयको पढाई शुरु गर्दै जाने लक्ष्य लिएको मलीउमाविले पोहोरबाट एजुकेसन साइन्स र यस वर्षबाट पत्रकारिताको पढाई शुरु गरेको हो । पत्रकारिता विषयको गोरखा जिल्लामा पढाई संचालन गर्ने मलीउमावि दोस्रो उमावि हो यसअघि नै गत वर्षबाट द्रब्य शाह बहुमुखि क्याम्पस लक्ष्मी बजारले पत्रकारिताको पढाइ शुरु गरिसकेको छ ।
रेडियो हर्मी सँगको सहकार्यमा पत्रकारिता विषयको पढाई शुरु गरिएकाले विद्यार्थीले प्रयोगात्मक र सैद्धान्तिक कुरा सँग सँगै सिक्न सक्ने विद्यालयका प्राचार्य कृष्ण बहादुर न्यौपानेले जानकारी दिनुभयो ।