गजल:नरेन्द्र निमेष

नरेन्द्र निमेष, हर्मी ६

मलाई दुख्दा तिमी पनि दुखेर रोयौ पलपल
दुनियाँले देख्लान् भनि लुकेर रोयौ पलपल

यता काट्दा उता दुख्छ उता काट्दा यता
छेवै बसी मेरा आँशु पुछेर रोयौ पलपल

म्ाया बाड्यौ खुसि बाढ्यौ बाढ्यौ दुख पनि
त्यसैले त हरेक चोट बुझेर रोयौ पलपल

दुनियाँले खुटा तानि मलाई पछार्दा पिन
म लढ्दा लडेर त उठ्दा उठेर रोयौ पलपल

पिरले आखाँ सुनिदा पनि झिरले मन उनिदा पनि
निमेषकै तस्विर दिलमा थुनेर रोयौ पलपल