हाम्रो हर्मी.com

प्रधानमन्त्रिले गर्नुभयो दरौदि पुलको उद्घाटन, पश्चिमि गोरखाका गाउँ गाउँमा खुसिको वर्षा

2012-01-07T01:09:00.000-08:00

गोरखा, प्रधानमन्त्रि डा बावुराम भट्टराईले शुक्रबार दिउँसो छेपेटारमा दरौदि नदि माथि बनेको गोरखा सदरमुकाम र पश्चिमि गोरखालाई जोड्ने मोटरेवल पुलको उद्घाटन गर्नु भएको छ । पुलको उद्घाटन सँगै सवारि साधन आवत जावतका लागी शुक्रबारबाटै खुला गरिएको छ । २०६५ जेठबाट शुरु भएको पुल निमार्ण कार्य गत हप्ता पुरा भएको हो ।
८७ मिटर लामो उक्त पुलको उट्घाटन गर्ने क्रममा प्रधानमन्त्रिले पहिले रिवन काटेर आफ्नो मुस्ताङ म्याक्स गाडिमा ओहोर दोहोर गर्नुभएको थियो । उद्घाटन कार्यक्रममा खुलियालि साटासाट गर्न गाउँ गाउँबाट सयौ सर्वसाधारण छेपेटार पुगेका थिए । पुल निमार्ण कार्य करिब ५ करोड रुपैयाँमा सम्पन्न भएको निमार्ण कार्यमा संलग्न प्राविधिकहरुले बताएका छन् । यो पुलको निमार्ण कार्य पुरा भएर संचालनमा आउन थाले पछि गोरखा जिल्लाको २ न क्षेत्रका बासिन्दा खासगरि दरौदि पारि र उत्तरी गोरखा वारपाक लाप्राक गुम्दाका लगायतका केहि गाविसका बासिन्दाहरुमा खुसि छाएको समाचार प्राप्त भएको छ । सधै भरि दरौदि नदि तारेर यातायात सेवा दिदै आएका यातायात व्यवसायिहरु खर्च र समय दुबैको बचत हुने भए पछि झनै दङग छन् ।यस अघि पल अभावका कारण हिउँदका महिनामा मात्र यातायात संचालन हुदै आएका पश्चिमि गोरखाका ग्राभेल सडक पहुँच भएका गाउँहरुमा अब भने बाह्रै महिना यातायातका साधनहरु पुग्न सक्ने भएका छन् ।

file photo
http://ourharmi.blogspot.com/2011/11/blog-post_783.html
http://ourharmi.blogspot.com/2011/06/blog-post_6214.html
http://ourharmi.blogspot.com/2011/02/blog-post_6871.html

गोरखाका विभिन्न ग्रामिण सडक निमार्णका लागी ३५ करोड थप

2011-12-04T01:31:00.000-08:00

गोरखा, भौतिक योजना तथा निमार्ण मन्त्रालयले कार्तिक २९ गते सचिब स्तरिय निर्णय गरि यस अघि रातो किताबमा परेका गोरखाका विभिन्न ग्रामिण सडकहरु कालोपत्रे तथा स्तरोन्नति गर्न ३४ करोड ७१ लाख ५१ ह्जार रुपैयाँ थप गर्ने निर्णय गरेको छ । यो रकम केहि सडकमा कालोपत्रे केहिमा ग्राभेल तथा केहिमा नाली खन्ने तथा ट्याक खोल्ने कामको लागी थप गरिएको मन्त्रालयको निर्णयमा उल्लेख छ ।

गोरखाका सभासद्हरुका साथै प्रधानमन्त्रि डा बावुराम भटराईको आग्रहमा मन्त्रालयले सडकका लागी कार्यक्रम थप गरेको बुझिएको छ । सभासद् तथा प्रधानमन्त्रिले सात वटा छुट्टाछुट्टै सडकका लागी थप बजेट माग गरे पनि ती मध्य पहिलो चरणमा पाँच वटा सडकमा मात्र रकम थप भएको हो । स्वीकृत हुन बाँकी दुई चोरकाटे-चित्रेपोखरी-भच्चेक र बुङकोट-नाम्जुङ-फुजेल सडकलाई पनि छिट्टै रकम थप्ने योजना रहेको मन्त्रालय स्रोतले जनाएको छ ।

कुन सडकका लागी कति कति रकम छुट्याइयो त हेनुस् तलको विस्तृत विवरण

१ ।मध्यपहाडि लोकमार्ग अन्र्तगत छेपेटार-लुईटेल-पालुङटार-लमजुङ हुलाकी मार्ग १५ किलोमिटर कालोपत्रे गर्न १८ करोड ३१ लाख ६५ हजार रुपैयाँ

२।तुरतुरे ठाँटिपोखरी सडक कालोपत्रे तथा ठाँटिपोखरी-छापथोक-आँपपिपल-हर्मी सडक ५ किलोमिटर ग्राभेल गर्न ९ करोड ४३ लाख ३८ हजार रुपैयाँ

यी दुबै बहुवर्षे योजनाको ठेक्का गर्न मन्त्रालयले सडक विभागलाई सहमति दिइसकेको छ

३। पन्थडिहि(समिचौतारा)-कटहरे-हर्मी सडकको ११ किलोमिटर ग्राभेल गर्न ५ करोड ६१ लाख ३२ हजार रुपैयाँ

४।स्याउली बजार-बक्राङ-मनकामना सडकको १३ किलोमिटर ग्राभेल गर्न ३ करोड ५ लाख ४८ हजार रुपैयाँ

५।बारपाक-गुम्दा-माछेखोला ३० किलोमिटर सडक खन्न १ करोड रुपैया थप

यी यस्तो छ हेर्नुस् हाम्रो घर जाने बाटो : अनि कसरी चलोस् गाडी

2011-11-24T00:46:00.000-08:00

यो फोटो मैले कार्तिक २९ गते विहान खिचेको हुँ अनि स्थान थाहि आँपपिपल गासिसको चार सय फाँट बुढो खोला नजिक हो सडक मर्मतको नाममा जनताको आँखामा छारो हाले पछि यस्तो दुर दसा हेर्न पाइएको हो हामीले । यहाँ केहि दिन अघि नै फसेर हर्मी जान नसेको पछि धरै बसहरु यहिबाट फर्किएका थिए । यी र यस्तै बाटोहरुले गर्दा हाल हर्मीमा यातायात सेवा नियमित छैन अझ भनौ छदै छैन । अनि यो विहान घिमिरे गाउँका दुई भाइ पोवनाथ र हरि यो बाटोमा जमेको पानी तर्काउन र बाटो सुकाउन लागी परेका देखिए विचरा ती दुइको पहल मात्रले के नै पो ठूलो काम सम्भव थियो र आखिर तर खट्नु खटे ती यो चिसो विहानीमा । यातायात ब्यवसायीले दुई पटक मर्मत गरिसकेका हुन् रे यो बाटो अब तपाई नै हेनुस्र् यो डबल मर्मतले गर्दा सररर मोटर गाडी कुद्ने बाटो । यसमा पहल कसको हुनु गर्ने हो हामी कहाँ कहाँ चुकेका छौ आखिर अब हामी सधै यसरी नै यो हेपाई र हेलचक्रयाई टुलुटुलु हेरि बस्ने कि केहि गर्ने पनि हो .....

बत्ति छैन हर्मीमा

2011-11-24T00:29:00.000-08:00

कार्तिक पहिलो साता हर्मीको वडा ८, ९ र ६ का सबै घर धुरिमा विजुलि वितरण गरिने हर्मी भन्ज्याङमा रहेको ट्रान्सफरमर पड्किए पछि यी वडाहरुमा विद्युत वितण असहज बनेको छ यसले गर्दा कुटानि पिसानी मिलहरु पूर्ण रुपमा बन्द छन् भने सामुदायिक रेडियो हर्मीको प्रशारणमा समेत बाधा पुगेको छ ,यस्तो हुँदा पनि विद्युत प्राधिकरण गोरखा कार्यलयले आवश्यक कदम चालेको छैन , पड्किए पछिको ट्रान्सफरमर र भुइमा झरेको तेल

गाउँ गाउँमा प्रविधिको लहर :

2011-11-24T00:26:00.000-08:00

हर्मी भन्ज्याङमा स्थापित फोर हेन्डस् कम्युनिकेसन सेन्टरमा कम्प्युटर सिक्दै स्थानिय विद्यार्थीहरु गत असारबाट हर्मीमै कम्प्युटर सिकाउन थालिएको छ .

बज्रपातमा किसानहरु :

2011-11-24T00:22:00.000-08:00

मंसिमा झरि परे पछि यो वर्ष मंसिर नलग्दै किसानहरुले खेति भित्राउने बेलैमा कार्तिक अन्तिम साता देखि झरि परे पछि प्राय हर्मी र आसपासका किसानहरुको धान यसरिनै खेतको गह्राहरुमा पौडि खेलेको छ

अब त पुरा होला की हाम्रो सपना :

2011-11-23T23:59:00.000-08:00

दरौदि नदिमा बन्दै गरेको मोटरेबल पुलको गत हप्ता खिचिएको फोटो लामो समय रोकिएको निमार्ण कार्य हाल सुचारु छ र अहिले बिचको भागमा ट्रष्ट जोड्ने काम भइरहेको छ, पुल निमार्ण कार्य पुस मसान्त सम्म सकिने ठेकेदारले बताएको छ, हेरौ यसपालिको गफ पोहोर पराहरको जस्तो झुटो साबित हुन्छ की साँचो ?

२०६८को एकादशी जात्रा : गोरखाको थालाजुङमा गाविसमा पर्ने चम्पावती नदि किनारमा लागेको एकादशी मेलाका केहि झलकहरु

2011-11-23T23:55:00.001-08:00

मलिउच्च माविको ४९ औ वार्षिक उत्सब सम्पन्न

2011-11-23T23:38:00.000-08:00

हर्मी , महेन्द्र लीला उच्च माविले गत कार्तिक २३, २५ र २६ गते विविध कार्यक्रमहरु आयोजना गरि आफ्नो ४९ औ वार्षिक उत्सब भब्यताका साथ मनाएको छ ।
विद्यालय प्राङगणमा २४ र २५ गते अन्तर सदनात्मक खेलकुद श्रोत केन्द्र स्तरिय हाजिरिवजाफ क्षेत्रिय स्तरको उच्च माधयमिक तहको वक्तित्वकला प्रतियोगिता आयोजना गरिको थियो भने २६ गते अभिभावक दिवस तथा साँस्कृतिक कार्यक्रम । स्मरण रहोस् विद्यालयले आगामी वर्ष आफ्नो स्वर्ण महोत्सब मनाउँदै छ तर स्वर्ण महोत्सब सँग सम्बन्धित रहेर भने खासै उल्लेखनिय चर्चा र कार्यक्रमहरु आयोजान भएनन् । बरु यहि स्नातक तहको क्याम्पसको आवस्यकता र सम्भावनाका बारेमा भने केहि चर्चा चलेको थियो ।

हर्मीमा रेडक्रसको उपशाखा

2011-11-23T23:23:00.000-08:00

हर्मी
नेपाल रेडक्रस सोसाइटि गोरखा जिल्ला शाखा अन्र्तगत हर्मीमा उपशाखा कार्यलय स्थापना भएको छ ।
गत कार्तिक २५ गते जिल्ला शाखाका पदाधिकारीहरुको उपस्थितिमा आयोजित हर्मीका आजिवन सदस्यहरुको भेलाले नौ सदस्यिय तदर्थ समिति गठन गरेको छ । नव गठित तदर्थ समितिको संयोजकमा वेदशर्मा पोखरेल , सचिबमा राम प्रसाद अधिकारी , कोषध्यक्षमा वावुराम सापकोटा र सदस्यहरुमा विष्णुमाया गुरुङ, रेवतिरमण ढकाल, दामोदर मरहट्ठा , रामनाथ ढकाल , नारयण दत्त पाण्डे , र इश्वरी प्रसाद ढकाल रहेका छन् । यो ददर्थ समितिले ६ महिना भित्र निर्वाचन गराई ६ महिना भित्र निवार्चन गराई कार्य समिति गठन गर्नु पर्ने रेडक्रसको विधानमा उल्लेख छ । रेडक्रस गोरखा जिल्ला शाखा अन्र्तगत हर्मी १३ औ उपशाखा हो ।
उपशाखा गठन गर्न हर्मी उपस्वास्थ्य चौकि परिसरमा आयोजित कार्यक्रम

लिगलिगे दौड सम्पन्न

2011-10-20T02:04:00.000-07:00

गोरखा, १५ असोज । गोरखाको लिलिगकोटमा १५ असोजमा भएको लिगलिगे दौडको उपाधि धावक हरिकुमार रिमालले हात पारेका छन् । त्रिभुवन आर्मी क्लब धादिङ्गका रिमालले निर्धारित १० किलोमिटर दुरी १ घण्टा १ मिनेटमा पार गरी उपाधि आफ्नो कब्जामा पारेका हुन् । त्यस्तै त्रिभुवन आर्मी क्लबकै रामेछापका होमलाल श्रेष्ठले निर्धारित दुरी १ घण्टा १ मिनेट १३ सकेन्डमा पार गरी दोश्रो भएका छन् । नेपाल पुलिस क्लब पाचँथरका भूमिराज राईले निर्धारित दुरी १ घण्टा १ मिनेट २६ सकेन्डमा पार गरी तश्रो भएका छन् । मानबहादुर थापाले निर्धारित दुरी १ घण्टा २ मिनेट २६ सेकेन्डमा पार गरी सान्त्वना भएका छन् । त्यस्तै किरण मल्ल निर्धारित दुरी १ घण्टा ३ मिनेट ६ सेकेन्डमा पार गरी पाचौं स्थानमा पुग्न सफल भएका छन् ।

लिगलिगे दौड प्रतियोगिताको क्रमशः प्रथम, दोश्रो, तेश्रो, चौंथो र पाचौंले नगद रु ५० हजार, मेडल, प्रमाणपत्र, नगद २५ हजार, प्रमाणपत्र, नगद १५ हजार, प्रमाणपत्र, नगद ५ हजार, प्रमाणपत्र र नगद ३ हजार, प्रमाणपत्र हात पारेका छन् । सो लिगलिगे दौड प्रतियोगितामा ५६ जना राष्ट्रिय तथा स्थानीय धावकहरुले सहभागिता जनाएका थिए । गोरखाको ऐतिहासिक एवं रमणीय प्राकृतिक सौन्दर्यताले भरिपूर्ण स्थल लिग लिग कोटमा दशैको अवसर पारेर तथा पर्यटन वर्ष २०११ को अवसर पारेर लिगलिगे दौड प्रतियोगिता आयोजना गरेको हो । ऐतिहासिक एवं रमणीय स्थल लिगलिगकोटलाई प्रचार प्रसार गर्ने उदेश्यले लिगलिगकोट विकास समिति र कन्सेप्ट नेपाल काठमाडौको संयुक्त आयोजनामा आज सो प्रतियोगिता गरिएको हो । वि सं १६१६ अगाडी वर्षेनी चेपेबाट दौडेर लिगलिगमा पुगेर जो पहिलो हुन्थे सो व्यक्ति राजा हुने प्रचलन अनुसार परम्पराको सम्झनाका लागी आफूहरुले लिगलिगे दौड आयोजना गरि ऐतिहासिक स्थल लिगलिगकोटमा पर्यटन प्रवद्र्धनका लागी सो प्रतियोगिता आयोजना गरेको कन्सेप्ट नेपालका अध्यक्ष संजीव रानाले बताउनु भयो ।

photo gifted by - concept nepal

गाउँ परिषद्

2011-09-12T22:11:00.001-07:00

सरकारले भदौ मसान्त भित्रै सबै गाविसको परिसद् गरिसक्न परिपत्र जारि गरेकाले गाउँ परिषद्को रन्कोले यतिबेला गाउँहरुलाई तताएको छ । आँपपिपल गाविसको गाउँ परिषद् भाद्र २६मा भयो भने हर्मीको भाद्र ३० गते हुदै छ । परिषद् र त्यस सँग सम्बन्धित सबै विवरण हामीलाई प्राप्त हुना साथ हामी पोष्ट गर्ने छौ ।

करेलि थुम्काबाट देखिएको सामुदायिक रेडियो हर्मी

2011-09-12T22:09:00.001-07:00

करेलि थुम्काबाट देखिएको सामुदायिक रेडियो हर्मीको प्रशारण केन्द्र र वरपरबो वस्ति केहि दिन अघि सबै भन्दा तलको अग्लो टावर भएको ठाउँ नै रेडियोको प्रशारण केन्द्र हो

हर्मीकोट लैजान खनिए को सडकको एक खण्ड

2011-09-12T22:07:00.000-07:00

केहि महिना अघि भन्डारी चौतारबाट हर्मीकोट लैजान खनिए को सडकको एक खण्ड

आँपपिपलबाट खिचिएको मकुन्डाडाको फोटो

2011-09-12T22:05:00.000-07:00

केहि महिना अघि मकुन्डाडा आहाले जोड्ने सडक खनिए पछि आँपपिपलबाट खिचिएको मकुन्डाडाको फोटो

आँपपिपल गाउँ विकास समितिको नया भवन

2011-09-12T21:50:00.000-07:00

हालसालै निमार्ण कार्य सकिएको आँपपिपल गाउँ विकास समितिको भवन शान्ति तथा पुन निमार्ण मन्त्रालयको सहयोगमा यो भवन बनेको हो । यस सँग सम्बन्धित अन्य जानकारीहरु हामीलाई थाहा हुने बित्तिकै हामी पोष्ट गर्ने छौ

रेडियोमा तीजको रमझम

2011-09-12T21:27:00.000-07:00

सामुदायिक रेडियो हर्मीले हरितालिका तीजको उपलक्ष्यमा तीज गीत प्रतियोगिता आयोजना गर्यो । हरितालिकै दिन सामुदायिक रेडियो हर्मीको परिसरमा आयोजित प्रतियोगीतामा हर्मी र आसपासका गाविस र लमजुङको भलायखर्कका गरि १९ समूहको सहभागीता रहेको थियो ।

सो प्रतियोगीतामा सृजनशिल आमा समुह भलायखर्कले प्रथम लालीगुराँस महिला समूह चिउरीबोट छोप्राकले द्धितिय र सामुदायिक महिला जागरण समूहले तृतिय स्थान हाँसिल गरेको गरेका थिए । हेर्नु रमझमका फोटोहरु तल
फोटो सौजन्य :दिवस ढकाल ,इभर ग्रीन फोटो ,हर्मी

नवलपुरमा विद्यार्थी ह्रवात्तै बढे

2011-09-12T21:26:00.000-07:00

महेन्द्र लीला उच्च मावि हर्मीमा यो शैक्षिक सत्रमा विद्यार्थी सख्या हवात्तै बढेको छ । यो वर्ष भर्ना भर्खर प्रारम्भ हुदैमा ५८ जना विद्यार्थी भर्ना भैसकेका छन् ।
उच्च मावि स्थापनाकै वर्ष ५० हाराहारीमा विद्यार्थी भर्ना भएका थिए बिचका वर्षम्ाा ४० देखि ५० सम्म मात्र विद्यार्थी पढाएका थियौ तर यस वर्ष भने ६० देखि ६५ जना सम्म हुने लक्षण देखिएको विद्यालयका प्राचार्य कृण ब न्यौपानेले आवर हर्मी सँगको कुराकानीमा अगाडी भने विद्यार्थीको लर्कोले हामीलाई थप नयाँ काम गर्न हौस्र्याएको छ ।
वरपरका विद्यालयमा भन्दा नवलपुरमा धेरै विषय भएकाले छानेर पढ्न पाइने अनि शैक्षिक वातावरण पनि राम्रो भएकाले विद्यार्थी सख्या बढेको ब्यवस्थापन समितिका पदाधिकारीहरु बताउँछन् । मलीउमाविमा हाल बाणिज्यशास्त्र र शिक्षा शास्त्र अन्र्तगत विज्ञान आम संचार तथा पत्रकारिता अङग्रेजी गणित लगायतका विषयको पढाई हुने् गरेको छ । यसै शैक्षिक सत्रबाट विद्यालयमा रहेको विज्ञान प्रयोगशालालाई थप सुविधा सम्पन्न बनाई उपकरणहरु पनि थप गरिएको विद्यालयले जनाएको छ ।

महेन्द्र लीलामा पत्रकारिता पढाई शुरु

2011-09-12T21:24:00.000-07:00

महेन्द्र लीला उच्च मावि हर्मीमा यसै शैक्षिक सत्रबाट २ मा आम संचार तथा पत्रकारिता विषयको पढाई शुरु भएको छ ।
सामुदायिक रेडियो हर्मी सँगको सहकार्यमा संचालन गरिएको आम संचार तथा पत्रकारिता विषयमा हाल १५ विद्यार्थीहरु अध्ययनरत छन् । हरेक वर्ष नयाँ नयाँ विषयको पढाई शुरु गर्दै जाने लक्ष्य लिएको मलीउमाविले पोहोरबाट एजुकेसन साइन्स र यस वर्षबाट पत्रकारिताको पढाई शुरु गरेको हो । पत्रकारिता विषयको गोरखा जिल्लामा पढाई संचालन गर्ने मलीउमावि दोस्रो उमावि हो यसअघि नै गत वर्षबाट द्रब्य शाह बहुमुखि क्याम्पस लक्ष्मी बजारले पत्रकारिताको पढाइ शुरु गरिसकेको छ ।
रेडियो हर्मी सँगको सहकार्यमा पत्रकारिता विषयको पढाई शुरु गरिएकाले विद्यार्थीले प्रयोगात्मक र सैद्धान्तिक कुरा सँग सँगै सिक्न सक्ने विद्यालयका प्राचार्य कृष्ण बहादुर न्यौपानेले जानकारी दिनुभयो ।

छेपेटार पुल छिट्टै पुरा हुने थप सात किलोमिटर सडक पिच हुने

2011-06-01T23:50:00.000-07:00

गोरखा , जेठ १५
गोरखाको २ न क्षेत्रलाई सदुमुकाम सँग जोड्ने एक मात्र छेपेटारमा निमार्णधिन पुलको काम यसै आर्थिक वर्ष भित्र पुरा हुने सडक कार्यलय गोरखाका प्रमुख गणेश कडेलले जानकारी दिएका छन् । पोहोर साल नै पुरा भैसक्नु पर्ने पुलको काम ठेकेदारको ढिलासुस्ति कर्मचारी सरुवा र विवादका कारण हाल सम्म पनि पुरा हुन नसकेको देखिन्छ । सडक प्रमुख कडेलले यसै आर्थिक वर्ष भित्र पुल निमार्ण सम्पन्न हुने बताए पनि हाल सम्मको ढिलासुस्ति र लापरबाहिले गर्दा उनको कुरा पत्याइ हाल्न गाह्रो छ । पुलको दुई तर्फको ढलानको काम सकिएको र बिचको फलामको जडान कार्यको ठेक्का हुलास कम्पनिको भएकाले सिमरामा सोको निमार्ण पुरा हुन लागेको र छिट्टै जडान गरिने कडेलले बताए । गत वर्ष पनि यस्तै हल्ला गरिए पनि पुल निमार्णा कार्यले गतिलिएको थिएन ।
यसै विच गत हप्ता आएको बाढिले छेपेटार र १२ किलोको बिचमा रहेको खोलामा रहेकोको पुल बगाउँदा हाल यातायात संचालनमा समस्या परेको छ । बाढिले पुलमा पूर्ण क्षति पुर्याए पछि हाल डाइभस्रन गरि यातायात चलाइएको छ ।
सडक प्रमुख कडेलका अनुसार छेपेटार पुल देखि लगभग चोरकाटे हुदै जरेबर सम्मको ७ किलोमिटर ग्राभेल सडक यसै आर्थिक वर्ष भित्र पिचहुने भएको छ । यसका लागी टेन्डर प्रकिया शुरु भैसकेको समेत उनले बताए । असमर समान्त सम्म पिच गर्ने काम र पुलको काम पुरा हुने उनको तर्क छ ।

हर्मीका सबै गाउँ सडक संजालमा जोडिए

2011-06-01T23:42:00.000-07:00

अन्तत हर्मीका सबै गाउँहरु सडक संजालमा जोडिएका छन् । विगतका वर्षहरुमा झै यस वर्ष पनि सडक निमार्ण गर्ने कामले तीब्रता पाए पछि हर्मीका सबै गाउँलाई सडक संजालले जोड्ने हर्मेलीको सपना जेठ पहिलो साता पुरा भएको हो । गत बैसाख अन्तिम र जेठ पहिलो साता हर्मीका सडक संजालले नछोएका सबै गाउँमा सडक पुगेको हो ।
यसै आर्थिक बर्षमा हर्मी ७ को मकुन्डाडा देखि आहाले सम्म सडक खनिएको छ । स्थानिय बासिन्दा सँग उठाइएको चन्दा र गाविसको १ लाख सहयोगमा सडक खनिएको स्थानिय बासिन्दाले जानकारी दिएका छन् । आँपपिपलबाट मकुन्डाडा सम्म पुगेको सडकलाई आहाले सम्म पुर्याइ गाविस लिङक सडकमा जोडिए पछि यो क्षेत्रका सबै गाउँ सडक संजालमा जोडिएका हुन् । यो सडक खनिए पछि हर्मीका १ ,७ र २ न वडामा लगाइएको ब्यवसायिक सुन्तला ढुवानि थप सहज हुने निश्चित छ । यसका साथै यहाँका बासिन्दालाई आँपपिपल अस्पताल सम्म एम्बुलेन्समा विरामि लैजान पनि बाटो खुलेको छ ।

गत महिना नै हर्मीको वडा न ९मा रहेको भण्डारी गाउँ सम्म पनि सडक पुगेको छ । खारखोला सम्मै सडक पुर्याउने लक्ष्य भए पनि यस पटक छुट्याइएको बजेटले भण्डारी गाउँ मात्र छिचोलेको छ । यसका लागी गाविसले ५० हजार रुपैयाँ छुट्याएको थियो । यो सडक बने पछि हर्मी ८ र ९ का बासिन्दाले संरक्षण गरेको रिप पात्ले सामुदायिक वन का पैदावारहरु गाउँ भित्राउन सहज हुनुका साथै भण्डारी गाउँका बासिन्दा पनि प्रत्यक्ष लाभान्वित हुने भएका छन् ।
त्यसै गरि हर्मी ६मा रहेको बेसि गाउँ सम्म पनि यसै वर्ष सडक पुगेको छ । घिमिरॆ गाउँको अल्छि चौतारो देखि बेसि गाउँ सम्म सडक खन्न गाविसले ५० हजार रुपैयाँ छुट्याएको थियो ।
हर्मी ८ मा रहेको कालढुङ्गे समूह घर देखि बस्नेत चौतारो सम्म पनि सडक खनेर हर्मी भन्ज्याङ ज्यामिरे बयापानी सडक र हर्मी भन्ज्याङ चर्कतिर्थ सडकलाई जोडिएको छ ।यो सडक स्थानिय बासिन्दाकै सकि्रयतामा स्थानिय सँग चन्दा उठाएर खनिएको जानकारी आवर हर्मीले प्राप्त गरेको छ ।

हर्मी भन्ज्याङ चक्रतिर्थ सडक खनियो

2011-06-01T23:36:00.000-07:00

हर्मी ,बैसाख
हर्मी भन्ज्याङ देखि किपट पाण्डेगाउँ हुँदै लमजुङको चक्रतिर्थ जोड्ने सडक खन्ने काम पुरा भएको छ ।
बजेट सकिए पछि पोहोर साल निभारे खोला नजिक पुगेर रोकिएको काम यसपटक भने पुरा भएको हो । हर्मी भन्ज्याङ्गबाट धादिङगाउँ खनाल गाउँ केउरेपानी हुदै अगाडि बढेको बाटो निभारे गाउँ माथिबाट किपटमा पुगॆर पुरानो सडकमा जोडिएको छ ।
किपटबाट पाण्डे गाउँ हुदै चेपे किनार सम्म भने पुरानै सडक कामय गरि यो सडकको ट्रायाक खोल्ने काम भएको उपभोक्त। समितिले जनाएको छ । यो खडक बनि सके पछि चेपे खोलाबाट हर्मीका प्राय सबै गाउँमा निमार्ण सामाग्री ल्याउन थप सहज हुनेछ । त्यसै गरि लमजुङ सँग पनि हर्मीको सिधा सडक सम्बन्ध कायम भएको छ । यो सडक खन्न सरकारले केन्द्रिय बजेट अन्र्तगत नै १२ लाख रुपैया छुट्याएको थियो । यो मध्ये केहि रकमको भने हर्मी भन्ज्याङ्ग नजिकैके एउटा खोलामा कल्भट बनाउने काम भइरहेको छ ।

हर्मीमा दुग्ध चिस्यान केन्द्र स्थापना हुने

2011-06-01T23:34:00.000-07:00

हर्मी ,जेठ
हर्मीमा दुग्ध चिस्यान केन्द्र स्थापनाका लागी केन्द्रिय दुग्ध उत्पादक सहकारी संघले चिलिङ मेसिन प्रदान गरेको छ । गत महिना मात्रै सो मेसिन हर्मी ल्याइ पुर्याइएको हर्मी दुग्ध उत्पादन सहकारी सस्थाले जनाएको छ ।
संघले प्रदान गरेको मेसिन करिब ७ लाख मूल्य बराबरको रहेको जनाइएको छ । हाललाई मेसिन फिट नगरिकनै त्यसै राखिए पनि निकट भविषयमै आफूहरु चिस्यान केन्द्र स्थापनामा लाग्ने हर्मी दग्ध उत्पादन सहकारी सस्थाका पदाधिकारीहरु बताउँछन् ।
यसै शिलशिलामा सिकोडर नेपालको सहयोगमा गत जेठ १ र २ गते हर्मीमा ब्यवस्थित पशुपालन सम्बन्धि तालिम सम्पन्न भएको छ । हर्मी , आँपपिपल , छोप्राक र थालाजुङ्गका ४० कृषकहरु तालिममा सहभागि थिए ।

नवलपुरका नयाँ भवन निमार्ण पुरा

2011-06-01T23:26:00.000-07:00

हर्मी ,जेठ
महेन्द्र लीला उच्च मावि नवलपुरमा दुइ नयाँ विद्यालय भवनको निमार्ण कार्य पुरा भएको छ । विगत ३ वर्ष यता निमार्ण शुरु भएको च्याइस नेपाल जिल्ला शिक्षा कार्यालय र पिएसडि नेपाल लगायतका दाताको सहयोगमा यी भवन निमार्ण संभव भएको हो । पहिलो चरण अन्र्तग बनेका यी दुबै भवनमा तीन तीन कोठा छन् । हाल संचालनमै रहेको ठाउँका कोठाहरुले पुगेकाले निमार्ण सकिए पनि यहाँ पठन पाठन नगरिएको विद्यालयले जनाएको छ । विद्यालय ब्यवस्थापन समिति जेठ महिना भित्रै नयाँ भवनको उद्घाटन गरि प्रयोग ल्याउने योजनामा छ ।
यो भवनको निमार्ण सकिए लगतै सोहि ठाउँ थप दुइ भवन निमार्णका लागी दाताहरु सँग सम्झौता भैसकेको विद्यालयले जाएको छ ।

सामूदयिक रेडियो हर्मीको भवन पुननिमार्ण सम्पन्न

2011-06-01T23:22:00.000-07:00

हर्मी ,जेठ
सामुदायिक रेडियो हर्मीको हर्मी ९मा रहेको प्रशारण केन्द्र पुन निमार्णको काम सकिएको छ । हर्मी गाविसबाट प्राप्त १ लाख रुपैया र रेडियोको आफ्नै लगानीमा प्रशारण केन्द्रको पुन निमार्ण गरिएको हो । पहिले ४ कोठा मात्र रहेको रेडियोमा पुन निमार्ण गएि पछि तीन कोठा थप भएका छन् भने रङ्ग रोगन गरेर प्रशारण केन्द्रलाई आकर्षक बनाइएको छ ।

हर्मीमा ढकालहरुको बृहत कुल पुजा

2011-06-01T23:07:00.001-07:00

हर्मी ,जेठ
विगतमा छुट्टा छुट्टै समूहमा गरिदै आएको ढकालहरुले कुल पुजा गत वर्षबाट एकै ठाउँमा गर्न थालिए पछि कुल पुजा कार्यक्रम झन् झन् ब्यापक हुदै गएको छ । यसपालि पनि जेठ ३ गते पनि हर्मी भन्ज्याङमा बृहतरुपमा कुल पुजा गरिएको छ । एकै ठाउँमा पुजा गर्न शुरु गरिए यताकेा यो तेस्रो कुल पुजा समारोह हो । स्मरण रहोस वर्षको दुइ पटक मंसिर पूर्णिमा र बैसाख पूर्णिमामा ढकालहरुको कुल पूजा हुने गर्छ ।
यस पटकको पुजामा पनि अघिल्ला पुजाहरुमा जस्तै सयौ मानिसको सहभागीता थियो । गत वर्ष बाट शुरुभएको पूजा गर्ने मण्डप बनाउने काम यसै पटक पुरा भए पछि पुजामा थप रौनक थपिएको थियो । यसपालिको पूजामा करिब ५ सय ढकाल बन्धु र इष्टमित्रको सहभागिता रहेको ढकाल सेवा समाजले जनाएको छ ।
कुल पुजामा जम्मा डेढ सय घर धुरि ढकालहरुले सहभागीता जनाएका थिए । तर केहि ढकाल बन्धुहरुको भने सुन्केरो र सुतकका कारण सहभागीता रहन सकेन । नाच गान र भजन कृतनले पुजा समारोहलाई थप रोचक र आकर्षक बनाएको थियो । पुजाकै अवसरमा ८० वर्ष पार गरेका हर्मीका स्थानिय बृद्धहरु नदनाथ ढकाल (जिम्मल बाइलोबा) र ऋषिराम ढकाल (बाझाघर सानोबा)लाई खादा ओडाएर अभिनन्दन गरिएको थियो ।

पूजा कार्यक्रमका दृष्यहरु

सम्मानित बाहरु

फोटो सौजन्य :जनार्दन ढकाल

काठमाडौमा हर्मेली वनभॊज

2011-06-01T22:59:00.000-07:00

काठमाडौ ,जेठ
विगतका वर्षहरुमा झै यसपटक पनि काठमाडौमा रहेका हर्मीबासीहरुको वनभोज कार्यक्रम बैसाख 31मा सम्पन्न भएको छ । तर ब्यापक प्रचार प्रसारको कमि र फितलो तयारीले गर्दा यस पटक उलेख्य हर्मेलीहरुको सहभागीता हुन नसकेको देखियो । विगतका वनभोजमा कम्तिमा पनि डेड सय हाराहारी सहभागी हुने गरेकोमा यस वर्ष जम्मा ५० हारारारीको उपस्थिति हरेकेा थियो । वनभोजका फोटोहरु तल

अलैचि सुकाउने भट्टि स्थापना

2011-06-01T22:57:00.000-07:00

हर्मी, जेठ
जिल्ला कृषि विकास कार्यालय गोरखाको सहयोगमा हर्मी गाविस वडा न ९ मा रहेको भण्डारी गाउँमा अलैचि सुकाउने भट्टि स्थापना भएको छ । स्थानिय धुब्र महिला समूहले गत वर्षबाट रिप पात्ले सामुदायिक वनमा अलैचि खेति शुरु गरेकाले उक्त खेतिको प्रबद्र्धन गर्न सो भट्टि स्थापना गर्न सहयोग गरेको जिल्ला कृषि विकास कार्यालय गोरखाले जनाएको छ ।

सामुदायिक रॆडियो हर्मीको साधारण सभा सम्पन्न

2011-06-01T22:53:00.000-07:00

हर्मी , बैसाख
सामुदायिक रेडियो हर्मी १०५ ४ मेगाहर्जको पहिलो बार्षिक साधारण सभा रेडियोको प्रशारण केन्द्र नेवार डाडा हर्मीमा गत चैत्र २९गते सम्पन्न भएको छ । सो साधारण सभाले सामुदायिक रेडियो हर्मीलाई ग्रामिण भेगका जनाताको शसक्त संचार माध्यम बनाउनको लागी विभिन्न निर्णयहरु गरेको छ ।

साधारण सभाले पुरानो कार्य समितिलाई पुर्नगठन गरि नयाँ समितिको गठन गर्नुका साथै अन्य उपसमितिहरु समेत गठन गरेको छ । पुर्नगठित कार्य समितिमा जनार्दन ढकाल अध्यक्ष , रेमेश सापकोटा र कृष्ण बहादुर न्यौपाने उपाध्यक्ष , इश्वरी प्रसाद ढकाल सचिब , राम प्रसाद अधिकारी कोषाध्यक्ष त्यसैगरि सदस्यहरुमा लोकनाथ वाग्ले , रामहरि ढकाल , ऋषिराम ढकाल , विमला अधिकारी प्रतिनिधि जनज्योति समूह ,अमृत प्रसाद पहराजुलि र रामचन्द्र ढकाल रहेका छन् ।
त्यसै गरि साधारण सभाले डा कृष्ण प्रसाद ढकालको अध्यक्षतामा ८ सदस्य सहितको सल्लाहकार समिति , रमेश सापकोटको अध्यक्षतामा ७ सदस्य सहितको काठमाडौ समिति , राम प्रसाद अधिकारीको अध्यक्षतामा १० सदस्य सहितको कार्यक्रम समिति , ऋषिराम ढकालको अध्यक्षतामा ८ सदस्य सहितको जन सम्पर्क तथा बजार समिति र इश्वरी प्र ढकालको अध्यक्षतामा ७ सदस्य सहितको प्राविधिक सहयोग समिति पनि गठन गर्ने निर्णय भएको छ ।

जलजलेमा पोखरी कालढुङ्गेमा कृषक पाठशाला

2011-06-01T22:35:00.000-07:00

हर्मी,जेठ
जिल्ला कृषि विकास कार्यलयको सहयोगमा हर्मी ८मा रहेको जलजले खोलामा पानी संलन गर्ने प्लाष्टिक पोखरी निमार्ण भएको छ । यहाँ संकलन गरिएको पानी कालढुङ्गेमा हुदै आएको विविध ब्यवसायिक तरकारी खेतिमा प्रयोग गरिने स्थानिय बासिन्दाले जनाएका छन् ।
त्यसै गरि हरेक महिना एकिकृत बालि संरक्षण कार्यक्रम अन्र्तगत कालढुङ्गेमा कृषक पाठशाला कार्यक्रम शुरु गरिएको छ । जिल्ला कृषि विकसा कार्यालयको पहलमा संचालित सो कार्यक्रम अन्र्तगत कृषक र कृषि प्रविधिकहरु विच नियमित कृषि अन्र्तकि्रया हुने गरेको छ ।

रिपपात्लेमा सामुहिक खेति गरिने

2011-06-01T22:30:00.000-07:00

हर्मी, जेठ
हर्मी ९ मा पर्ने रिप पात्ले सामुदायिक वनमा यसै वर्षबाट कबुलियति वन उपभोक्ता समूह बनाएर सामूहिक खेति गर्न शुरु गरिने भएको छ । गत महिना बसेको सरोकारवालाहरुको भेलाले जम्मा ४ समूहमा विभाजन गरि खेति गर्ने निर्णय गरेको छ । जसका लागी हर्मी भन्ज्याङ ,काउलेगाउँ भण्डारी गाउँ र ठानिस्वाँरा गरि गाउँ गाउँका समूहहरु विभाजन गरिएको छ । यसै वर्षबाट वनमा अलैचि कफि अमि्रसो लगायतका वनस्पति खेति गरिने रिप पात्ले सामुदायिक वन उपभोक्ता समितिले जनाएको छ ।

हाम्रो हर्मी भन्ज्याङ - बी सिता सापकोटा

2011-05-11T03:18:00.000-07:00

हाम्रो हर्मी भन्ज्याङ

-सिता सापकोटा

(गत चैत ५ गते लिगलिगकोट पर्यटकिय साहित्यिक यात्राका क्रममा हर्मी भन्ज्याङमा ओयोजित काब्य सन्ध्या तथा साँस्कृतिक कार्यक्रममा प्रस्तुत गरिएको गित )

सौन्दर्यले भरिपूर्ण छनि हाम्रो हर्मी त
नत धेरै जाडो यहाँ न त गर्मी छ
दायाँ तिर भुसुन्डे छ बाँया खार खोला छ
लाग्द हामीलाई पर्यटक यसले बोलाछ
पूर्व पश्चिम डाडा काडाँ बिचमा भन्ज्याङ परेको
भान हुन्छ पर्यटकलाई स्वागत गरेको
पूर्व पर्यो तार्के डाडा पश्चिम पर्यो हर्मीकोट
सबै मिलि हर्मी बनाउ सयपत्रि फूलको जस्तो बोट
विदेश नजाउ सून फलाउ यै धर्तिको माटोमा
हिड्नै पर्छ हर्मीबासी सहि बाटोमा
हराएर जान लाग्यो हाम्रो लोक संस्कृति
जाँड र_िक्स जुवा तासको नल्याउ विकृति
विकृति र विसंगति फैलाउदै गाको छ
हाम्रो कला संस्कृति चै लोप भोको छ
हटाउदै जानु पर्छ फैलाएको विकृति
हटि होइन डटि लडौ जोगाउँ संस्कृित
दायाँ तर्फ दरौदि बाँया चेपे झरेको
गोरखकाली र गोरखनाथले रक्षा गरेको
उच्च शिक्षा दिक्षालाई हनि क्याम्पस खुलेको
त्यसमा मात्र विद्धत वर्ग छैन भुलेको
माथि स्कुल सरस्वति तल स्कुल विज्ञान
यिनै स्कूल बनेका छन् गाउँका गहना
हर्मी भन्ज्याङ कति धेरै सौन्दर्यको खानि
पिपलबोटे पहिराको मिठो पानि छ
बाँसबोटे र सुनपधेँरी कलकल गर्ने धाराले
निर्खा लाग्दा प्यास मेट्छौ हामी साराले
दार्मे माथि तार्के डाडा ठूलो घना वन छ
वन्य जन्तु संरक्षण नि गर्ने मन छ
रिप पात्ले वन हनि अधेरीको पाखामा
रमेका छन् कालिज कोइलि मिठो भाकामा
तार्के वनको वीच वीचै लाली गुँरास फूल्दा त
झनै राम्रो हुन्छ हर्मी धान झल्दा त
सूचना र चेतनाले सबैको मन फेरियो
भर्खर भर्खर खोलेका छौ सामुदायिक रेडियो
हरिहर मन्दिर र घुमाउने चौतारा
हर्मी बाटै उदाउँ छन् नि अब लोक तारा
सबै जातको बाहुल्यता भाको हर्मी गाउँछ
पर्यटकिय क्षेत्र बनाउँ सुनदर ठाउँ छ
अब हरेक वर्ष महोत्सब मनाउन पर्दछ
पर्यटन भित्रउान यसले सहयोग गर्दछ
एउटा ठाउँ करेली थुम्का अर्को तार्के वनमा
बन्लान् पर्यटकिय क्षेत्र भन्ने लाग्छ मनमा
इन्जिनियर आउँछन् गाउँमा मोटरबाटो खनाउन
आयो साहित्यकारको टोलि सभ्य बनाउन
राम्रो गरि बचाउछौ गामघरका बजालाई
यति भन्दै विदा हुन्छौ हवत् त आजलाई

नेपाली नेपालको माया छ कि छैन ? :विकास ढकाल

2011-04-17T08:02:00.000-07:00

(बैशाख ३ गते नयाँ पत्रिका दैनिकमा प्रकाशित)

डा. उल्फार्ड 'म मरेपछि पनि मेरो लासको खरानी लिएर मेरो एकजना आफन्त नेपाल आउनेछ र मैले सेवा गरेको गाउँ आँपपीपलमा मेरो खरानी सेलाउनेछ' एउटा विदेशीको मुखबाट पहिलोपटक यो वाक्य सुन्दा एकैछिन त म अक्क न बक्क परेँ । सामुदायिक रेडियो हर्मीका लागि गोरखा जिल्लाको एउटा दुर्गम गाउँ आँपपीपलमा रहेको आँपपीपल अस्पतालमा अन्तर्वार्ता लिइरहेका वेला जर्मन नागरिक डा. उल्फार्ड स्टार्कको नेपालमोह देखेर मलाई भिन्न अनुभूति भयो । उनको यो उद्गारले स्मरण गरायो पुरानो नेपाली स्वदेश गान ः नेपाली नेपालको माया छ कि छैन ? ६७ वर्षे डा. उल्फार्ड सात वर्षयता आँपपीपल गोरखामा छन् । जर्मनीमा लगभग तीन दशक हाड-जोर्नी विशेषज्ञका रूपमा काम गरेपछि आफ्नो अवकाशप्राप्त जीवन बिताउन नेपाल आएका उनी यहाँ ग्रामीण जनतालाई निःशुल्क स्वास्थ्य सेवा दिइरहेका छन् । २०१५ सालमा सामान्य स्वास्थ्यकेन्द्रका रूपमा खुलेको आँपपीपल अस्पताललाई ०२५ मा युनाइटेड मिसन टु नेपालले सञ्चालनमा ल्याएको हो । यो अस्पताल गोरखा र आसपासका लमजुङ, तनहुँ, चितवन, मनाङलगायतका जिल्लामा निकै चर्चित अस्पताल हो । तर, देशमा चर्किएको द्वन्द्वलाई निहुँ बनाएर युनाइटेड मिसनले ०५८ मा अस्पताल सञ्चालनको जिम्मेवारीबाट हात झिकेपछि आँपपीपल एकाएक चर्चाको शिखरबाट ओरालो लाग्न पुग्यो । त्यसपछि अस्पताललाई कसले र कसरी सञ्चालन गर्ने भन्ने विषयमा धेरै छलफल भए । अस्पताललाई सामुदायिक बनाउने कि सरकारी भन्ने कुरामा विवादका शृंखला भ\m याँगिदै गएपछि अचानक आँपपीपलको साख गिर्न पुगेको थियो पचासको दशकको लगभग-लगभग अन्त्यतिर । तर, मिसनले छाडेलगत्तै अभिभावकविहीन अवस्थामा चहलपहल शून्य बनेको आँपपीपल अस्पतालले ०६० मा एउटा पि्रय अभिभावक पायो डा. उल्फार्ड स्टार्कलाई । घिटिघिटी गरेर बाँचेको अस्पताललाई पुनर्जन्म दिएर यसको मुहार फेर्न डा. उल्फार्ड अहोरात्र खटिएपछि आँपपीपल अस्पताल अहिले अर्कै उचाइमा पुग्न सफल भएको छ । आँपपीपल अस्पतालमा उपचारका लागि गोरखा र आसपासका जिल्लाबाट आएका दैनिक सैयौँ बिरामीलेे सेवा लिन्छन् भने दैनिक दर्जनाँै शल्यक्रिया पनि हुने गरेको छ । सरकारी अस्पताल भए पनि एकमात्र सरकारी कर्मचारी कार्यरत रहेको आँपपीपल अस्पतालमा अस्पताल सञ्चालक समितिको सहयोगमा तीन दर्जन स्थानीय कर्मचारी व्यवस्था गरी हाल व्यवस्थित रूपमा अस्पताल सञ्चालन भइराखेको छ । ऐतिहासिक लिगलिगकोटको फेदैमा छ आँपपीपल अस्पताल, जहाँ जर्मन नागरिक डा. उल्फार्ड ग्रामीण जनताको जनजीवनसँग जोडिएर बसेका छन् । आजभन्दा ६७ वर्षअघि जर्मनीको सेक्सोनियामा जन्मिएका डा. उल्फार्ड चिकित्साशास्त्र पढेर सन् १९६९ देखि जर्मनीका थुप्रै ठाउँमा आफ्नो दक्षता प्रमाणित गरी ख्याति कमाए । पछि उनी जीवनमा एउटा बेग्लै अनुभूति सँगाल्न नेपाल आए । नेपालसँगको उनको चिनाजानी त्यति नौलो पनि थिएन । सन् १९९० तिरै उनी नेपाल आएका थिए, तर अहिलेकोे भन्दा बिल्कुल फरक सन्दर्भमा एक पर्यटकका रूपमा । टे्रकिङ गर्न नेपाली डाँडापाखामा पुग्दा त्यतिवेलै उनको मनमा लागिसकेको थियो- कुनै दिन यिनै गाउँहरूमा आएर अवकाशप्राप्त जीवन बिताउने छु । उनले नजिकबाट नियालेका रहेछन्- यहाँका जनतालाई पनि त्यतिवेलै । हो त्यही पर्यटक भएर नेपाल आउँदाको आकर्षण र नेपालमोहले डोर्‍यायो । यही माटोमा ०५८ मा डा. उल्फार्डलाई । नेपाल आउनेबित्तिकै उनी काठमाडांैमा रहेको काठमाडांै मोडेल अस्पताल छिरे । त्यत्तिकैमा प्लास्टिक सर्जन डा. शंकरमान राईले उनलाई एउटा शिविरमा भाग लिन आँपपीपल जाने निम्तो थमाए । सुरुमा केही दिनका लागि शिविर सञ्चालन गर्न आँपपीपल आइपुगेका उनलाई आँपपीपलले यसरी मोहनी लगायो कि उनी त्यो मोहजालबाट उम्किनै सकेनन् र उनले तत्कालै एउटा निर्णय लिए- नेपाल रहुन्जेल आँपपीपलमै बसेर सेवा गर्ने । यहाँ आएको केही समयमै उनी अभ्यस्त भइहाले यहाँको भूगोल र समाजसँग । अनि छोटो समयमै छाप छोड्न सके यस क्षेत्रका जनतामा ।

उनीसँग गपि"m दा लाग्छ- आँपपीपलको जति माया उनलाई अरू कसैको पनि छैन । जर्मनमा उनकी श्रीमती छन् । छोराछोरी छन् उनको अभिभावकत्वका भोका । तर, उनलाई परिवारभन्दा बढी आँपपीपलसँगको बसाइ पि्रय लाग्छ । डा. उल्फार्डको दिमाग सधँै आँपपीपलवरिपरि मात्र फन्को मार्छ । त्यसैले त उनले जर्मनमा समेत 'नेपाल मेड' नामक सामाजिक संस्था खोलेर त्यसमार्फत आँपपीपल अस्पतालको भौतिक पक्ष सुधारमा सहयोग जुटाइरहेका छन् । जर्मनमा इसाइ परिवार र माहोलमा हुर्किएका उनी यहाँ आएपछि बौद्धमार्गी बनेका छन् । उनी भन्छन्, 'मलाई बौद्धमार्गी बन्न पनि यही माटोले नै उत्पे्ररित गरेको हो ।' उता नजानेका धेरै कुरा यता आएर सिकेको बताउने डा. उल्फार्ड ठोकुवासाथ नेपाल नआएको भए आफ्नो जिन्दगी बेअर्थको हुन्थ्यो भन्छन् । बाँच्नलाई त सबै बाँचेका छन्, तर सार्थक जीवन बाँच्न निकै गाह्रो छ । उनी भन्छन्, 'तर, मैले यहाँ आएर सार्थक जीवन बाँच्न सिके र केही हदसम्म बाँच्ने प्रयासमा छु जस्तो पनि लाग्छ ।' उनी नेपालको प्रकृति र संस्कृतिलाई औधी माया गर्छन् । त्यसैले त डाक्टरी कामबाट फुर्सद मिलेको समय नेपाली गाउँ र वन-जंगल चहारेर उनले नेपाली-जर्मनी शब्दकोश र नेपाली चरासम्बन्धी पुस्तकको पाण्डुलिपि पनि तयार पारिसकेका छन् । उल्फार्डजस्तै हामी नेपालीजनको मनमा पनि सेवाको भावना अंकुराएदेखि देश माथि उठ्न पक्कै बेर लाग्ने थिएन । हामीले आ-आफूले विज्ञता कमाएको क्षेत्रमा वर्षमा कम्तीमा केही दिन सेवामा जुटेर आफ्नो माटोप्रतिको ऋणको भारा तिर्न सकेमा मात्रै पनि यहाँ धेरै काम हुनेछ । आफ्नो तोकिएको दरबन्दी कायम भएको ठाउँमा समेत नगएर काज मिलाएर सहरमै गुमनाम बसी पेसाप्रतिको उत्तरदायित्व पूरा गर्न नसकेका नेपाली डाक्टरहरूलाई छुनुपर्ने हो- डा. उल्फार्डको बौद्धिक झापडले । आँपपीपल अस्पतालमै पनि केही सरकारी डाक्टरको दरबन्दी छ, तर यहाँका जनतालाई सरकारी डाक्टर कुन चराको नाम हो भनेझैँ लाग्छ । सधैँभरि पैसा र सुविधाको पछाडि मात्रै दगुर्नेले सम्पन्न जीवन त बाँचेका होलान्, तर सार्थक जीवन बाँच्न सकेका छैनन् । कस्तो अचम्मको कुरा यहाँ अधिकांश काठमाडांै छाड्न नपरे हुन्थ्योजस्तो गर्छन्, तर डा. उल्फार्ड आँपपीपल छाड्न नपरे हुन्थ्योजस्तो गर्छन् । यही माटोमा अरुण बुढा, सन्दुक रुइत, शंकरमान राई जस्ता डाक्टरहरू पनि छन्, तर सबैको मन एकैकिसिमको कहाँ हुँदोरहेछ र ? निजी लगानीमा स्वदेश तथा विदेशमा पढेका डाक्टरहरू त गाउँ जान मानेन-मानेनन्, कैयौँ सरकारी कोटामा स्वदेश तथा विदेशमा छात्रवृत्ति पाएका र चिकित्साशास्त्र अध्ययन संस्थानलगायतका सरकारी क्याम्पसमा पढेकाले पनि देशले आफूहरूमाथि गरेको लगानीलाई बालुवामा हालिएको पानीसरह ठान्छन् । नेपालका ग्रामीण क्षेत्रमा डा. उल्फार्डजस्ता धेरै विदेशी र नेपाली नागरिक निःस्वार्थ भावनाले जनताको सेवामा जुटेका छन् । त्यस्ता सामाजिक सेवाको भावना बोकेका नागरिकबाट थप सेवा लिनका लागि राज्यले उनीहरूलाई उचित सम्मान र सहयोग पुर्‍याउनुपर्ने देखिन्छ । डा. उल्फार्डजस्ता समाजसेवीलाई गरिने सम्मान र सहयोगले अरू सैयौँ उल्फार्ड जन्माउन सहयोग पुग्नेछ अनि मात्र आँपपीपल जस्ता नेपालका धेरै गाउँले उल्फार्डको जस्तै सेवा पाउने छन् । जति धेरै नेपाली नागरिक उल्फार्डबाट प्रेरित बन्छन् नेपालले त्यति नै धेरै नेपालीको माया पाउनेछ ।

गफ गर्ने चौतारी रेडियो घर

2011-04-07T00:28:00.000-07:00

(सामुदायिक रेडियो हर्मीबारे गोरखाबाट प्रकाशित हुने दरौदि दैनिकमा प्रकाशित सामागि्)
सदरमुकाम गोरखा बजार आँपपिपल सिरानचोक र लमजुङको भलायखर्क जाने चौवाटो हर्मी भन्ज्याङ जहाँबाट अलिकति तेसर्िएर केहि सिडि उक्लिए पछि पुगिने नेवार डाडा थुम्को । गणेश दुबोले ढकमक्क ढाकेको ठूलो आँगन चेपेखोला लिगलिगकोट सिरानचो...क र राइनासको एकै साथ देखिने घरले छाइएको गोलाकारम बनेको प्रतिक्षालय र सँगै रहेको गाउँले पाराको दुइ पाखे घर र घर सँगै ६० फिट अग्लो टावर अनि त्यहिबाट गुन्जिरहने सामुदायिक रेडियो हर्मी १०५।४ ।

राजधानि र देशका विभिन्न शहरहरुबाट प्रशारण भएका रेडियो मात्र सुनेका हर्मीबासीहरु गाँउबाटै रेडियो प्रशारण हुन थाले पछि दंग परेका छन् । सुरुमा त उनीहरुले गाउँमै रेडियो खुल्छ भनेर पत्याएका पनि थिएनन् । आफ्नै छोरा छोरीहरु रेडियोमा बोल्लान् भनेर पनि चिताएका थिएनन् । तर उनीहरुले कल्पना समेत नगरेको चिज रेडियो जब गाउँबाट नै प्रशारण हुन थाल्यो उनीहरुको हर्षको सिमा नै रहेन ।

अन्तैको मान्छे आएर बोल्ने होला भनेको त हाम्रो गामका छोरा छोरी बोल्ने रैचन् शुरुमा रेडियो हेर्न आएका गाउँले यसै भन्थे । चेपे तरेर रेडियो हेर्न आएका भलाखर्कका हेमराज न्यौपानेलाइृ पनि आफ्नै छिमेकमा रेडियो खुलेको र गाउँ टोलकै मान्छे रेडियोमा बालेको देखेर कम्ति आश्चार्य लागेन । यस्तै दंग छन् हर्मी आँपपिपल छोप्राक खोप्लाङ थालाजुङ भलायखर्क र चक्रतिर्थका बासिन्दाहरु ।

हर्मी गाउँमा रेडियो खोल्ने भनेर एक वर्ष अघिको फागुन महिना देखि एकाधले सकि्रयता देखाउँदा कसैले पत्याएनन् । सामुदायिक वन उपभोक्ता समूह आमा समूह गाविस सामुदायिक विद्यायलय र अन्य स्थानिय समाजिक संघ संस्था र स्थानिय किसानहरुबाट पैषा जुटाउने काम भयो घर बन्यो टावर बन्यो प्रशारण उपकरणहरु ल्याइए प्रस्तोता र प्राविधक तालिम शुरु भैसक्दा सम्म पनि धेरैले नेवार डाडाबाटै रेडियो प्रशारण होला भनेर पत्याएनन् । तर जब असार २०६७ ४ गते साँझ ५ बज्यो रेडियोको परिक्षण प्रशारण सुरु भयो अनि गाउँलेहरु दंग परे ।

अहिले त मेलापात र घाास दाउरा जाँदा सम्म पनि एक फेर रेडियो स्टेसन छिरेर कार्यक्रम प्रस्तोता सँग कुराकानी गरेर मात्र जाने गरेका छन् । एक छिन अघिको कार्यक्रमको बारेमा हाम्रा गाउँका मान्छेहरु एकै छिन पछि स्टेसनमा आएर प्रतिकि्रया दिएर जान्छन् स्टेसन मनेजर विकास ढकाल भन्छन् । रेडियोको सामुन्ने मै मूलबाटो छ यहि हिड्ने स्रोताहरुले टाडैबाट बोलाएर टिकाटिप्पणि सुनाउँछन् ढकाल भन्छन् गाउँले रेडियो हुनुको मज्जा छुटै हुदो रहेछ । गाउँले मेलापाल गर्दा हँसिया कोदालो बोकेर रेडियो हेर्न आउँछन् । हर्मी र आसपासबाट दैनिक २५ ३० जना रेडियो हर्न आउने गरेको रेडियोका कार्यक्रम संयोजक नरेन्द्र निमॆषले सुनाए ।

रेडियोको संरचना पनि गाउँले ढाँचाकै छ । गाउँकै वनको फर्निचर हो ढकालले भने बाँसको चोया बाता र कप्टेराले बोरेर छुट्याइएको कोठालाई साउण्ड प्रुफ पनि अण्डाको क्रेटले बनाइएको छ । रेडियोका संचालकहरु पनि सामुदायिक वन समूह सहकारी संस्था आमा समूह महिला समूहका प्रतिनिधि र केहि किसान अनि गाउँले शिक्षकहरु रहेका छन् । रेडियोका कार्यकम्रहरु पनि समुदाय केन्द्रित नै छन् । उ बेलाको नेपाल बोल्ने कथा सुन्ने कार्यक्रम पाका पुस्ता कार्यक्रमले आफूले गरेको कामले बुढेसकालमा स्थान पाएकोमा बढापाकाहरु खुसि हुने गरेका छन् । त्यसै गरि स्थानिय प्रतिभाहरुको जगेर्ना गर्ने खालको बस्ति भित्रका हस्तिहरु नामको कार्यक्र पनि रेडियो हर्मीबाटै प्रहारण हुने गर्छ । हाम्रा स्रष्टा हाम्रै स्वर कार्यक्रम अन्र्तगत स्थानिय लोक भजन झयाउरे चड्काहरु स्थानिय गाउमै रर्कड भएर बज्ने गरेका छन् । रेडियोले गाउँघर मेलापात पानी पँधेरो घाँसपात गर्दा गर्दै स्थलगत रुपमै उनीहरुको जीवनका मिठा मिठा कुराहरु रेकर्ड गरेर एकै छिन कार्यक्रम मार्फत बजाउने गरेको स्टेसन मेनेजर विकास ढकालले बताए ।

यसै वर्ष भित्र हर्मीका सबै गाउँ सडक संजालमा जोडिने

2011-04-06T20:20:00.000-07:00

हर्मी ,चैत्र २४
विगतका वर्षहरुमा झै यस वर्ष पनि हर्मीमा सडक संजाल निमार्ण गर्ने कामले तिब्रता पाउने भए पछि यसै वर्ष भित्र हर्मीका सबै गाउँलाई सडक संजालले जोड्ने हर्मेलीको सपना पुरा हुने भएको छ । केन्द्रिय र गाविस स्तरिय बजेटमा सडक खन्नको लागी बजेट छुट्याइए पछि हर्मीमा थप सडकहरु खनिन लागेको हो ।

यसै आर्थिक बर्षमा हर्मी ७को मकुन्डा देखि आहाले सम्म सडक खनिने छ । जसले गर्दा हर्मीका १ ७ र २ वडामा लगाइएको ब्यवसायिक सुन्तला ढुवानि थप सहज हुने निश्चित छ । हाल सम्म आँपपिपलबाट मकुन्डाडा सम्म पुगेको सडक संजाल आहालेको गाविस लिङक सडकमा जोडिए पछि यो क्षेत्रका हरेक गाउँ सडक संजालमा जोडिने छन् । र यहाँका बासिन्दालाई आँपपिपल अस्पताल सम्म एम्बुलेन्समा विरामि लैजान पनि बाटो खुल्ने छ । यसलका लागी गाविसले १ लाख रुपैयाँ बजेट छुट्याएको छ ।

त्यसै गरि हर्मी भन्ज्याङ निभारे चक्रतिर्थ सडक खण्डको बाँकि रहेको काम पनि यसै आर्थिक वर्षमा पुरा हुने भएको छ । यसका लागी केन्द्रिय बजेटमा १२ लाख रुपैयाँ छुट्याएको छ । हाल सम्म हर्मी भन्ज्याङबाट धादिङ गाउँ खनाल गाउँ ज्यामिरे कटेर निभारे खोलामा पुगेर रोकिएको सडक खन्ने काम अब भने पुरा हुने भएको छ । यो खडक बनि सके पछि चेपेखोलाबाट हर्मीमा निमार्ण सामाग्री ल्याउन थप सहज हुनेछ । यसका लागी उपभोक्ता समिति गठन गरि सडक कार्यालयमा सम्झौता भैसकेको छ ।

त्यसै गरि यसै वर्ष हर्मीको वडा न ९मा रहेको भण्डारी गाउँ सम्म पनि सडक पुग्ने भएको छ । जामुने सम्म पुर्याउने लक्ष्य भए पनि यस पटक छुट्याइएको बजेटले भण्डारी गाउँ सम्म मात्र सडक पुग्ने देखिन्छ । यसका लागी गाविसले १ लाख रुपैयाँ छुट्याएको छ । यो सडक बने पछि हर्मी ८ र ९ का बासिन्दाले संरक्षण गरेको रिप पात्ले सामुदायिक वन का पैदावारहरु गाउँ भित्राउन सहज हुने छ ।

त्यसै गरि हर्मी ६मा रहेको बेसि गाउँ सम्म पनि यसै वर्ष सडक खनिन लागेको छ । घिमिरॆ गाउँको अल्छि चौतारो देखि बेसि गाउँ सम्म सडक खन्न गाविसले १ लाख ५० हजार रुपैया छुट्याएको छ । यी सबै सडक खन्न गाविस संयत्र जोडरको जोर जाम गर्न लागि परेको छ । केहि महिना भित्रै काम पत्ते गरिने गाविस संयत्रले आवर हर्मीलाई जानकारी दिएको छ ।

तर गत बर्ष स्थानिय स्तरमा उत्पन्न राजनैतिक विवादका कारण यस वर्ष मकुन्डाडा पराजुलि गाउँ सडक निमार्ण कार्यले निरन्तरता पाउन सकेन जसको आधा काम अझै बाँकि छ । पालुङटार दुध पोखरी सडकमा पनि घुरे गाउँबाट सडक झम्रैक हुदै लैजाने कि मुगे झारेर लैजाने भन्ने विवाद छ । विवादमा प्रत्यक्ष र अप्रत्यक्ष राजनिति गरिए पछि यो सडक निमार्ण कार्यले गति लिन सकेको छैन विगतमा धेरै बजेट निनियोजन गरिदै आएको यो योजनामा यस पटक भने जम्म्ाा २ लाख ५० अजार छुट्याइएको छ । तर यो बजेट पनि खर्च हुन्छ कि फि्रज हुन्छ भन्न सकिने अवस्था छैन ।

स्मरण रहोस् २०६४ बाट हर्मीका सबै गाउँमा सडक संजाल पुर्याउने अभियान शुरु भएको हो । त्यस यता प्राय सबै गाउँमा सडक पुगिसकेको छ ।

छोप्राक गाविस वडा न ४ मा रहेको हर्मीको छिमेकि गाउँ सालबोटमा पनि सडक पुगेको गाविसको सहयोग र स्थानिय सँगको चन्दा संकलनबाट हर्मी ६मा रहको कुखुरे वनको घुम्ति देखि सालबोट गाउँ हुदै स्कूल भएको ठाउँ सम्म सडक पुर्याइएको सालबोटका सामाजिक कार्यकर्ता चन्द्र ब गुरुङले आवर हर्मीलाई जानकारी दिनु भयो ।

लिगलिगकोट पर्यटकिय साहित्यिक यात्रा सम्पन्न

2011-04-04T07:36:00.000-07:00

लिगलिग साहित्य समाज र साहित्य संजाल नेपालको आयोजनामा गत चैत्र ४ ५ र ६ गते लिगलिगकोट पर्यटकिय साहित्यक यात्रा सम्पन्न भएको छ । लिगलिगकोट र आसपासका ठाउँहरुको पर्यटकिय प्रवर्धन गर्ने उदेश्यले आयोजित सो कार्यक्रममा काठमाडौ पोखरा चितवन लगायत देशका विभिन्न ठाउँबाट सरुभक्त विनय कसजु युवराज नयाँघरे लगभग तीन दर्जन साहित्यकार र पत्रकारहरुको सहभागीता रहेको थियो ।

पहिलो दिन पालुङटारको ठुठिपोखरमा रहेको भवानी उच्च माविमा स्थानियको स्वागत ग्रहणबाट शुरुभएको साहित्यिक यात्राको टोलि स्थानिय बासिहरुको न्यानो स्वागत ग्रहण गर्दै लुइटेल बडडाडा हुँदै बोहोरा गाउँमा साँझमा स्थानिय लोक संस्कृतिको अवलोकन गर्न पुगेको थियो । पहिलो दिनको बास बोहोरा गाउँमा बसेर भोलि पल्ट पन्चे बाजा सहित राउतेपानी पाँचचिहान मैवल विजुले डाडाँ हुदै पर्यटकिय साहित्यिक यात्राको टोलि लिगलिगकोट पुगेको थियो । लिगलिगकोटमा पुगेर स्थानिय स्रष्टा र अतिथि स्रष्टाहरुको सहभागीतामा वृहत साहित्यिक कार्यक्रम सम्पन्न भयो । त्यस पश्चात पन्चेबाजा सहित साहित्यिक टोलि आँपिपपल भन्ज्याङमा स्वागत ग्रहण गर्दै हर्मीकोट उक्लिएको थियो । हर्मीकोटमा स्थानिय वासिको स्वागत साँस्कृतिक प्रस्तुति र चमेना ग्रहण गरेको टोलि त्यस पश्चात करेली थुम्का हुदै हर्मी भन्ज्याङमा पुगेको थियो । हर्मी भन्ज्याङमा स्थानिय जन समुदायको स्वागत पश्चात टोलि स्थानिय लोपउन्मुख साँस्कृतिक प्रस्तुतिमा झुमेको थियो । हर्मी भन्ज्याङमा रहेको गाविस परिसरमा लगभग ४ सयको हाराहारीमा उपस्थित स्थानिय बासिन्दाहरुका माझमा प्रर्दशित पाङदुरे ठाडोभाका चुड्का रत्यौलि र तीजका गीतहरु प्रस्तुत गरिरहदाँ अतिथिहरु पनि नाँच्न त_िम्सएका थिए ।

तेस्रो दिन विहान सामुदायिक रेडियो हर्मीको अवलोकन र त्यहाँ आयोजित विदाइ कार्यक्रममा सरिक भएर टोलि खोप्लाङको कालु पाण्डे स्मारकमा पुगेको थियो । कालु पाण्डे स्मारकमा स्थानिय स्रष्टा र अतिथि स्रष्टाको सृजना र आमा समूहको गीत नाचले माहौल तताएको थियो । दिउँसो गोरखा बजार पुगेको टोलिलाई पदेलि टोल विकास समितिले स्वागत र खानपानको ब्यवस्था गरेको थियो । पदेलिमा रहेको रानीपोखरी किनारमा लिगलिगकोट पर्यटकिय साहित्यिक यात्राको समापन गरिएको थियो ।

अपाङ र अपाङ आश्रित परिवारलाई सिपमुलक

2011-04-04T06:21:00.000-07:00

हर्मी
हर्मी गाविस र घरेलु तथा साना उद्योग विकास कार्यालय गोरखाको आयोजनामा हर्मीका अपाङ र अपाङ आश्रित परिवारलाई सिपमुलक मुढा बुनाई तालिम प्रदान गरिएको छ ।
तालिममा १५ जना प्रशिक्षार्थिहरु सामेल रहेको हर्मी गाविसले जनाएको छ । तालिमका क्रममा मुढा बुन्न सिक्दै प्रशिक्षार्थिहरु

नवलपुर केन्द्रमा शान्तरुपमै प्रबेशिका सकियो

2011-04-04T06:05:00.000-07:00

विगतका वर्षहरुमा झै यसपालि पनि महेन्द्र लीला उच्च मावि नवलफर केन्द्रमा प्रबेशिका परिक्षा शान्तरुपमा सम्पन्न भएको छ । गत फागुन ८ देखि १७ गते सम्म चलेको परिक्षामा नवलपुर हर्मी र आसपासका ३ गाविसका ८ माध्यामिक विद्यालयको परिक्षा केन्द्र रहेको थियो । नवलपुरबाट यस पटक २५० जना विद्यार्थिले प्रवेशिका परिक्षा दिएका छन् ।

नवलपुरमा प्रबेशिका केन्द्रमा झिम्रेक मैपते मावि थालाजुङ आहाल भन्ज्याङ मावि थालाजुङ जनता उच्च मावि आँपपिपल मण्डली उच्च मावि छोप्राक चित्रे पोखरी मावि छोप्राक धर्मावति मावि छोप्राक र चम्पावति मावि हर्मीका विद्यार्थीहरु परिक्षामा सामेल भएका थिए । धर्मावति मावि भने यस वर्षबाट नव प्रबेशिको रुपमा भित्रिएको हो । नवलपुर केन्द्रमा कुनै अपि्रय घटनाहरु बिनै परिक्षा समाप्त भएको केन्द्राध्यक्ष ओम प्रसाद न्यौपानेले आवर हर्मीलाई जानकारी दिनुभयो ।

नवलपुर केन्द्रमा परिक्षा दिँदै विद्यार्थीहरु

ब्लगरका कुरा

2011-02-16T05:00:00.000-08:00

आदरणिय पाठक तथा शुभ चिन्तकहरु नमस्कार
थुप्रै महिनाको अन्तराल पछि पुन हामी आवर हर्मी डट कमको नियमित पोष्ङिका साथ आएका छौ । हर्मीमा रहेको इन्टरनेटको असहजता र रेडियो हर्मीको सेटअपको अत्याधिक ब्यस्तताले गर्दा यो काम केहि महिना अनियमित बनेको थियो । यसबाट यहाँहरुमा पर्न गएको असुविधा प्रति क्षमा प्रार्थि छौ । अब भने हर्मी र आसपासको नियमित समाचार अपडेट गरि यहाँको सूचनाको भोक मेटाउन अधिकतम प्रयासमा जुट्ने बाचा गर्दछौ । यस विचमा मेल टेलिफोन र प्रत्यक्ष भेटमा आवर हर्मी प्रति चासो र चिन्ता ब्यक्त गरिहनुहुने तपाई सप्पैलाई धेरै धेरै धन्यवाद । अनि यहाँहरुको धैर्यता र प्रतिक्षालाई पनि सम्मान गर्न चाहन्छौ हामी । साथै यहाँहरुबाट यसलाई अझ शक्त बनाउन रचनात्मक सल्लाह शुझाब र सहयोगको अपेक्षा राख्दछौ

विकास ढकाल ब्लगर आवर हर्मी डटकम

2011-02-16T03:54:00.000-08:00

सामुदायिक रेडियो हर्मीले आफ्नो प्रशारण अवधि ८ घण्टाबाट बढाएर साँडे १० घण्टा पुर्याएको छ । हाल विहान ५ ३० बजे देखि ११ बजे सम्म र साँझ ५ बजे देखि १० बजे सम्म जन सरोकारका विविध सूचना जानकारी र मनोरज्जनात्मक सामाग्रीका साथ सामुदायिक रेडियो हर्मी एउटा भिन्न संचार अभियानको उदेश्य सहित प्रशारण भैराखेको छ । जन सहभागीताका थुप्रै कार्यक्र्रमहरु जनताकै आवाज र भाषामा प्रशारण हुने गरेकाले रेडियो हर्मी छोटो अवधिमै स्रोता माझ लोकपि्रय भएको छ ।
सामुदायिक रेडियो हर्मीका पछिल्ला गतिविधि र फोटाहरु

रेडियोको मुख्य उपकरण टान्समिटर जसको क्षमता १०० वाट छ र यसले ४० किलोमिटर आकाशिय दुरि सम्म तरङ फयाक्न सक्छ

स्टुडियोमा कार्यक्रम प्रशारण गर्दे प्रस्तोता नरेन्द्र र पशुपति

रेडियोको टावर जो ६० फिट अग्लो छ र यसमा चारवटा एन्टेना जडित छन् ।

कार्यक्रम उ बेलाको नेपाल बोल्ने कथा सुन्ने कार्यक्रम पाका पुस्तामामा कुराकानि गर्दे हर्मी ६का राम बहादुर नेपाली

रेडियोको प्रशारण केन्द्र रहेको घर जो निमार्णधिन अवस्थामा छ यस सँगै अर्को २ कोठे घर र बैठक हल बनाउने काम शुरु भएको छ ।

कहिले पुरा होला खै हाम्रो सपना

2011-02-16T02:49:00.000-08:00

विगत चार वर्ष अघि देखि छेपेटारमा बन्न शुरु भएको दरौदि मोटरेवल पुल यस आर्थिक वर्षमा पनि पुरा नहुने संकेत देखिएको छ । हाल पुलको दुबै साइडमा ढलानको काम पुरा गरि साइड बारको काम भइरहेको छ । स्रोतका अनुसार यो पुल पोखराको विजयपुर पुलकै मोडलमा बन्न लागेको अनि विचमा राख्ने फलामको भाग निमार्णको जिम्मा हुलास कम्पनिले लिएको र सो भाग भारतमा निमार्ण भैरहेको र त्यहाँबाट थुप्रै प्रकिया पार गरि ल्याउन निकै समय लाग्ने हुनाले सरकारले समयमै भुक्तानि दिए पनि काम गर्न ठेकेदारले ढिला सुस्ति गर्दा जनताको दरौदि पुल सपना पुरा हुन अझै धेरै समय लाग्ने देखिन्छ ।

पुल निमार्ण कार्य अन्तर्गत हाल भैरहेको साइडबार निमार्ण काम गर्दै मजदुरहरु

छोप्राकको खबर

2011-02-16T02:34:00.000-08:00

माघ दोस्रो साता भएको आगालागीबाट क्षतिग्रस्त छोप्राक मैदानमा रहेको उपभोक्ता सहकारी पसलको घर । आगलागीबाट पसलमा रहेका लाखौ रुपैया बराबरका समान जलेर नष्टभएको थियो । आगालागी मैन बत्तिबाट फैलिएको जनाइएको छ

छोप्राकको कोइली पानी नजिक निजि क्षेत्रको टेलिफोन सेवा प्रदायक एनसेलले बनाएको टावर । टावर निमार्ण कार्य पुरा भए पनि संचालनमा आएको छैन । यस अघि एनसेलले आँपपिपलमा पनि टावर बनाइसकेको छ तर हाल सम्म उक्त टावर पनि संचालनमा आएको छैन ।

विज्ञान प्राविको बार्षिक उत्सब सम्पन्न

2011-02-16T01:13:00.002-08:00

हर्मी ,माघ ३०
विज्ञान प्रावि हर्मी भन्ज्याङको १९ औ बार्षिक उत्सब तथा छैटौ अभिभावक दिवश समारोह गत पुस १९ र २० गते विविध कार्यक्रमहरुको आयोजना गरि मनाईयो । विद्यालयलाई नयाँ ठाउँमा सारेर नयाँ भवन बनाइए पछिको यो पहिलो बार्षिक उत्सब समारोह हो । बार्षिक उत्सबका केहि झलकहरु

चम्पावतिले स्वर्ण जयन्ति मनायो

2011-02-16T01:13:00.000-08:00

निवारे, हर्मी
माघ २९

चम्पावति मावि हर्मी ४ निवारेले आफ्नो स्थापनाको ५० औ वर्ष गाणको उपलक्ष्यमा विविध कार्यक्रमहरुको आयोजना गरि स्वर्ण जयन्ति महोत्सब मनाएको छ ।

आज भन्दा ५० वर्ष अघि २०१७ साल चैत १२ गते चम्पावति प्राइमरी स्कुलको रुपमा स्थानिय शिक्षा प्रेमि सुमन थापा र बेवि ब थापाको प्रमुख सकि्रयता अनि निवारेका दानविर िसंह बहादुर घर्तिको विषेश योगदानबाट हालको चम्पावति मावि स्थापना भएको हो । २०४१ सालमा प्राथमिकबाट निमाविमा रुपान्तरित विद्यालय २०५६ सालमा माध्यमिक विद्यालय बन्न पुगेको थियो ।

गत माघ २३ गते दखि २५ गते सम्म खेलकुद साँकृतिक र सृजनात्मक लगायतका कार्यक्रमहरुको आयेजना गरि स्वर्ण जयन्ति भब्यरुपमा मनाइएको हो ।

माघ २३ गते

स्वर्ण जयन्तिको पहिलो दिन २३ गते गोरखा जिल्ला क्षेत्र न १ कि सभासद् पार्वति थापा मगर द्धरा कार्यक्रम उद्घाटन गरियो । उद्घाटन समारोहमा हर्मी र आसपासका शिक्षा प्रेमि बुद्धिजिवि र स्थानिय बासिन्दाको ब्यापक उपस्थिति रहेको थियो । सोहि दिन अन्तर सदनात्मक खेलकुद साँस्कतिक कार्यक्रमका साथै साँझमा चियापान र दिवापली गरियो । उद्घाटन कार्यक्रममा छिमेकि विद्यालयका प्रअ बुद्धिजिवि समाजसेवि लगायतले शुभकामना मन्तब्य ब्यक्त गरेका थिए भने विद्यालयको तर्फबाट प्रअ बल बहादुर केसि र ब्यवस्थापन समिति अध्यक्ष बम बहादुर कटुवालले स्वागत मन्तब्य ब्यक्त गरेका थिए ।

माघ २४ र २४ गते

स्वर्ण जयन्तिको दोस्रो दिन अन्तर मावि स्तरिय वक्तृत्वकला र अत्तर प्रावि हाजिजिवाफ प्रतियोगिता सम्पन्न भयो । भने अन्तिम दिन अभिभावक भेला भू पू विद्यार्थी र शिक्षक पुन मिलन समारोह र समूहगत साँस्कृतिक कार्यक्रम सम्पन्न भयो । समापन कार्यक्रमको प्रमुख अतिथि भने काङग्रेस नेता राम शरण महत थिए । कार्य्रमको अन्तिममा विद्यालयका प्रअ वल बहादुर केसिले विद्यालयको प्रगति वियरण पेश गरेका थिए ।

आर्थिक बर्ष २०६७ ६८ का लागी हर्मी गाविसको बजेट बाडफाड विवरण

2011-02-16T00:57:00.000-08:00

हर्मी ,
गत पुस २८ गते बसेको हर्मीको गाउँ परिषद्ले आर्थिक वर्ष २०६७ ६८का लागी विविध योजनाहरु प्ाारित गरेको छ ।हर्मी गाविसका लागी सरकारबाट विभिन्न शिर्षक अन्तर्गत प्राप्त हुन सक्ने कुल २२ लाख ११ हजार सात सय ५९ रकम निम्न अनुसार विनियेाजन गरिएको छ ।

१ अधिल्लो आर्थिक बर्षमा तय भएर पनि रकम वितरण नगरिएका योजनाहरु अन्र्तगत यस वर्ष ८० हजार छुट्ाइएको छ ।

२ गत वर्ष निर्णय भइ रकम अभावका कारण रोकिएका योजना

देउराली खाने पानी मर्मत वडा नं ३ रु १० हजार

घुरे गाँउ खाने पानी वडा नँ ५ २० हजार

संयुक्त कुवापानी बडा नं ९ १५ हजार

सिस्ने खानेपानी बडा न ९ १५ हजार

जिम्बु खानेपानी बडा न ९ १० हजार

चाप गैरा खानेपानी वडा न ७ १० हजार

कषि कार्यक्रम २० हजार

युवा कार्यक्रम १५ हजार

३ थप अनुदान अन्तर्गत ३ लाख ३३ हजार मा निम्न अनुसार विनियोजन गरिएको छ ।

बौदिक कार्यक्रम ८४५१

विद्यायलका बाल बालिकाका लागी फाइदा पुग्ने कार्यक्रम ४० हजार

अपाङ हक हित कार्यक्रम २४ हजार

विपन्न गैर दलित चर्पि निमार्ण २४ अजार ४ सय

पूर्वाधार निमार्ण अन्तरगत

हर्मी भन्ज्याङ पराजुलिगाउँ धारा चौतारो सडक निमार्ण तथा मर्मत २ लाख १० हजार

पुरानो धारा नवलपुर सिडि निमार्ण १६हजार

४ पुजि गत अनुदान शिर्षक अन्र्तगत

महिला वर्गको हित हुने कार्यक्रममा ७६३३६

विपन्न वाल वालिका सहयोग कार्यक्रम ७६३३६

जेष्ठ नागरिक दलित अपाङ जनपाति १५२६७४

दलित उत्थान कार्यक्रम ७६३३६

जेष्ठ नागरिक जन जाति अपाङ ७६३३६

त्यसै गरि पुजि गत अनुदान अन्र्तगत नै

पात्लेपानि कैचलपानी मोटरबाटो निमार्ण मर्मत १२२०००

अल्छि चौतारा बेसीजाने मोटर बाटो १२४०००

मकुन्डाडा आहाले मोटरबाटो निमार्ण १०००००

हर्मी भन्ज्याङ भण्डारी गाउँ खारखोला मोटरबाटो निमार्ण १५००००

अनि विद्यालय अनुदान तर्फ

महेन्द्र लीला उच्च मावि भवन निमार्ण १५००००

चम्पावति मावि भवन मर्मत १३००००

विज्ञान प्रावि १००००

सरस्वति प्रावि १५०००

सरस्वति प्रावि तेसे्र १००००

लक्ष्मि नारायण प्रावि १००००

दारुल हुदा प्रावि १००००

शिखर ज्योति प्रावि ३००००

त्यसै गरि पूजिगत अनुदान तर्पुै

इुवा तथा खेलकुद कार्यक्रम ५००००

सहकारी अनुदान ५००००

सामुदायिक रेडियो हर्मी अनुदान १०००००

ग्ाविस शौचालय निमार्ण २२०००

थरी गाँउ खानेपानी मर्मत ५०००

विद्युत तार खरिद २००००

पाण्डे गाउँ खानेपानी ३००००

कृषि कार्यक्रम २००००

शहिदभवन निमार्ण ५००००

इलाका प्रहरी कार्यालय ५०००

सामुदायिक भवन निमार्ण वडा १र २ १००००

छरछरे खानेपानी मर्मत १५०००

आहाले कुवा मर्मत १००००

संयुक्त सहकारी तालिम ७०००

2011-01-01T05:26:00.001-08:00

आदरणिय पाठक तथा शुभचिन्तकहरु
कार्य ब्यस्तताका कारण नियमित रुपमा ब्लग अपडेट गर्न पाईराखेको छैन । त्यसका लागी क्षमा प्रार्थि छु । यहाँहरुलाई थाहै छ सामुदायिक रेडियो हर्मीले मेरो पुरै समय खाइराखेको छ । छिटैनै नियमित अपडेटका साथ उपस्थित हुने छु । छोटो छोटो अपडेटका लागी भने फेसबुकमा हामीलाई our.harmi@gmail.com फलो गर्नुहोला है ।

न्यूज अपडेट

2011-01-01T05:16:00.000-08:00

ढकाल बन्धुहरुको कुल पुजा सम्पन्न
हर्मी विगतका वर्षहरुमा झन्ड झुन्डमा गरिदै आएको हर्मीका उपमन्यु गोत्रका ढकालहरुको कुलपुजा यस पटक भने गत पुस ६ गते बृहत रुपमा गरिएको छ । हर्मी भन्ज्याङ नजिकै रहेको सारङे गाह्रोमा बनाइएको नयाँ मन्डपमा पुजा कार्य सम्पन्न भएको हो । यस पटकको पुजामा हर्मी र आसपासका १५१ घर धुरि ढकाल बन्धुहरुको सहभागीता रहेको ढकाल सेवा समाजका अध्यक्ष चन्द्र कान्त ढकालले जानकारी दिनुभएको छ । विगतमा महिलाहरुको उपस्थिति नगराइने पुजामा यस पटक महिला तथा कुटुम्बलाई पनि प्रबेश दिइएको थियो । नाच गान र भजन कृतन समेत समाबेश गरिएको पुजामा करिब ५ सय जनाको सहभागीता रहेको थियो ।

हेमराज स्मृति काब्य लोर्कापर्ण छलफल र वाचन
हर्मीका एक अग्रज समाज सेवि हेमराज ढकालको स्मृतिमा कवि विजय राज न्यौपाने द्धारा लिखित हेममराज स्मृति काब्यको लोर्कापर्ण कार्य सम्पन्न भएको छ । महेन्द्र लीला उच्च मावि प्राङगणमा आयोजित एक कार्यक्रमका विच कृतिको लोकापर्ण गरिएको हो । त्यसै गरि स्वर्गिय हेमराज ढकालको निवास हर्मी भन्ज्याङमा पुस ६ गते साँझ गाँउलेहरुका माझ कवि विजय न्यौपाने स्वयम्ले स्मृति काब्यका स्लोकहरु वाचन गर्नुभएकेा थियो ।

लाग्यो मंसिर पनि ......

2010-11-25T03:50:00.000-08:00

गाउँ गाउँमा किसानहरु मंसिरे चटारोमा छन् जता ततै फाँटहरुमा पराल कुन्यु ,भारी र धानको थुप्रो मात्र देख्न पाइन्छ हर्मीको गाम खेत फाँटको चटारो तलको तस्विरमा .....

महेन्द्र लीला उच्चमाविको ४९ बार्षिक उत्सब तथा अभिभावक दिवश समारोहका केहि झलकहरु

2010-11-25T03:43:00.000-08:00

गत कार्तिक २५ र २६ गते विविध कार्यक्रमहरुको आयेजना गरि बार्षिक उत्सब तथा अभिभावक दिवश कार्यक्रम सम्पन्न भएको थियो ....

2010-11-25T03:24:00.000-08:00

महेन्द्र लीला उच्च मावि नवलपुरमा निमार्णधिन दुइ वटा तीन तीन कोठे विद्यालय भवनहरु । विभिन्न दाताहरुको सहयोगमा बन्न लागेका भवनहरु निमार्ण कार्यमा ढिला सुस्ति भएको भन्दै स्थानियबासी र दाताले गुनासो गरेका छन् .....

हरि बोदनी एकादशीमा थालाजुङ गाविसको चम्पावति नदि किनार बोक्सेरहमा लागेकेा एकादशी मेलाका झलकहरु....

2010-11-25T02:58:00.000-08:00

सामुदायिक रेडियो हर्मीबाट कार्यक्रम प्रशारण हुन थाल्यो

2010-11-25T02:27:00.000-08:00

हर्मी
जनताको रेडियो जनताकै आवाज भन्ने मूल नाराका साथ हर्मी गोरखामा स्थापना भइ गत असार ४ गते बाट परिक्षण प्रशारण शुरु गरेको सामुदायिक रेडियो हर्मी १०५ ४ मेगाहर्जले असोज अन्तिम साताबाट नियमितरुपमा कार्यक्रमहरु प्रशारण गर्न थालेको छ ।
हाल विहान साँढे ५ बजे देखि १० बजे सम्म र साँझ ५ बजे देखि राति ९ बजे सम्म गरि सामुदयिक रेडियो हर्मी दैनिक साँढे आठ घण्टा प्रशारण हुन्छ ।
हाल रेडियो मार्फत सामुदायिक रुपान्तरणमा केन्द्रित लगगभ २५ वटा कार्यक्रमहरु प्रशारण हुने गर्छन् । कार्य्रमहरु उत्पादन र प्रशारणमा सामुदायिक रेडियो हर्मीमा करिब डेड दर्जन कर्मचारी र स्वमय् सेवकहरु कि्रयाशिल छन् । आफ्नो प्रशारण क्षेत्र भित्रका स्रोताको आवश्यकता र भावना अनुरुपका कार्यक्रमहरु रेडियोबाट प्रशारण हुने गर्छन् । हाल रेडियोबाट दैनिक रुपमा कृषि कार्यक्रम स्थानिय सस्कृति र सभ्यता सँग नजिक लोक गीत संगितका कार्यक्रम स्वास्थ्य महिला गृहिणि शिक्षा साहित्य स्थानिय प्रतिभा उजागर गर्ने र ओझलमा परेका ग्रामीण जनताका आवाज समेट्ने थुप्रै जन सहभागीता जुटाउने खालका कार्यक्रम प्रशारण हुने गरेका छन् । विकास र ग्रामीण पत्रकारिताको सिद्धान्त अनुसरण गर्दै साुदायिक संचारको नौलो अभ्यास गर्ने सामुदायिक रेडियो हर्मीले जनाएको छ ।

कार्यक्रम उत्पादनमा ब्यस्त संचारकर्मीहरु

रेडियोमा गित सुनाउन आएका स्थानिय कलाकारहरु

कार्यक्रम उ बेलाको नेपाल बोल्ने कथा पाका पुस्तामा आफ्नो जीवन भोगाई सुनाउदै लोकनाथ ढकाल

दशैको मौकामा नवलपुरमा अन्तकिर््रया

2010-11-25T02:24:00.000-08:00

महेन्द्र लीला उच्च मावि हर्मीले गत असोज ३० गते विद्यालयका सरोकारवाला र भूपु विद्यार्थीहरु विच अन्तकि्रया कार्यक्रम आयोजना गर्यो ।
विद्यायलय ब्यवस्थापन समितिका अध्यक्ष नरनाथ मरहठाको सभापतित्वमा समपन्न उक्त कार्यक्रममा विद्यायलयको भौतिक तथा शैक्षिक पक्षको विकास र सुधारका बारेमा विचार विमर्श भएको थियो । अत्तकि्रया कार्यक्रमको शुरुमा विद्यालयका प्राचार्य कृष्ण न्यौपानेले छलफलका लागी पेश गरेका लगभग १२ बुदाँहरुमा सहभागीहरुले आफ्नो धारणा ब्यक्त गरेका थिए ।

अर्को बर्ष मनाइने विद्यालयको स्वर्ण जयन्तीको तयारी कसरी गर्ने प्राथमिक स्तरको शिक्षालाई कसरी सवल बनाउने छात्राबासको ब्यस्थापन कसरी गर्ने र कम्प्प्युटर कक्षालाई कसरी प्रभावकारी रुपमा चलाउने लगायतका बुदाँहरुमा कार्यक्रममा विषेश छलफल भएको थियो ।
कार्यक्रमका सहभागीहरुले विद्यालयको शैक्षिक विकासका लागी अपनाउन सकिने तरिकाका बारे आ आफ्नो धारणा ब्यक्त गरेका थिए ।

यसपाली पनि नवचौतारीले दशैमा चेतना फैलायो

2010-11-25T00:45:00.000-08:00

हर्मी हाम्रो हो
जनता मिलि जाँड रक्सी जाड रक्सी रोके सि
गाउँ नै राम्रो भो
यस्तै यस्तै दर्जनौ गीतहरु समाबेश गरि
विगतका वर्षहरुमा जस्तै यस वर्षको बिजया दशमीमा पनि नव चौतारी युवा क्लबले विविध चेतनामूलक साँस्कृतिक कार्यक्रम आयोजना गर्यो ।
महानवमीको दिन दिउँसो हर्मी भन्ज्याङमा आयोजित साँस्कृतिक कार्यक्रममा क्लबका युवाहरुले चेतनामूलक गीतका साथै नृत्य र प्रहसहरु पनि प्रस्तुत गरेका थिए ।
सो सास्कृतिक कार्यक्रममा नवचौतारी क्लबका सचिब कृष्ण ढकालले स्वागत मन्तब्य कोषाध्यक्ष नरेश ढकालले बार्षिक आय ब्यय पेश गर्नुभएको थियो त्यसै गरि नवचौतारीका संस्थापक अध्यक्ष रामचन्द्र ढकाल र सस्थापक उपाध्यक्ष विकास ढकालले शुभकामना मन्तब्य ब्यक्त गनुभएको थियो । २०६३ सालमा स्थापना भएको हर्मीका कृयाशिल सृजनशिल युवाहरुको संगठन नव चौतारीले हरेक वर्ष यस्तै कार्यक्रम गर्दै आइरहेको छ । कार्यक्रममा हर्मी भन्ज्याङ आसपासका लगभग ५०० दर्शकको उपस्थिति रहेको थियो । कार्यक्रममा हर्मी र आसपासका अन्य नवलपुर युवा क्लब नवलपुर , दिपज्योति क्लब सापकोटा गाउँ र सालबोटका युवा क्लब लागायतले ग्रामीण कला र सँस्कृति झल्कने आफ्ना प्रस्तुतिहरु देखाएका थिए ।

बालकको खुत्रुकेको पैसा पुस्तकालय बनाउन दान !

2010-11-24T23:35:00.000-08:00

रबिन्द्र प्रसाद ढकाल
मिति - २०६७- ०६- ३०
स्थान- बिज्ञान प्रा. बि.,हर्मि-८, गोरखा
हाल काव्य माध्यमिक स्कूल, बानेश्वर को कक्षा ५ मा अध्यनरत छोरा रसिक ढकालको लामो जापान बसाई र पुस्तक प्रतिको मोह र शिक्षामा परिबर्तनको चाहनाले नै होला, २००६ मा छुटटीमा नेपाल आउदा रसिकले केही स्कुलको भ्रमण र पुस्तकालय एबम अन्य भौतिक पुर्बाधारको आंकलन गर्ने काम गरेका थिए। यसै सिलसिलामा आफ्नो स्थायी घर रहेको हर्मि-८, गोरखा स्थित बिज्ञान प्रा। बि।मा जांदा बिद्यार्थी, शिक्षक, बेन्च, कालोपाटी जस्ता आधारभूत संरचना मात्रै देखेपछि आफूले केही गरिदिने अठोटका साथ जापान फर्किए. हरेक दिन केही रकम स्कुलको लागी दान गर्ने भनी स्कुलको खुत्रुके बनाई २ बर्षको अबधिमा जम्मा भएको रकम जापानी येन १२,००० बाट हुन आउने ने। रु। १०,००० र बुवाआमाको तर्फबाट रु १०,००० गरी जम्मा रु २०,००० बाट उपलब्ध हुन सक्ने बालपुस्तक किनी दिने निर्णय गर्यौ। उनको यो चाहना पूरा गर्न केही पुस्तक किनी नवमीको दिनमा हस्तांतरण गर्ने निधो भयो। जसअनुरूप उक्त दिन स्थानीय युबाहरूले गरेको जनचेतानामुलक सांस्कृतिक कार्यक्रमको समापन पछि बिध्यालय प्राङ्गणमा भेला भएका बिद्यार्थी, शिक्षक, अभिभाबक बिदेशी पाहुना र बुद्दिजीबीको रोहोबरमा एक कार्यक्रममा संचालन भयो. उक्त बिध्यालयका शिक्षक कृष्ण प्रसाद अधिकारीको उदघोषण, स्थानीय अभिभाबक भुबनेश्वर भट्ट, जीवन ज्योति ढकाल, पुस्तक प्रदान गर्ने रसिक ढकाल र मेरो छोटो मनतब्य पछि सांकेतिक पुस्तक हस्तान्तरण गर्ने कार्य सम्पन्न भयो. यस कार्यलाई मन पराई आस्ट्रेलिया स्थायी बसोबास गर्ने उनका मामा जीबन ढुंगानाले रु २०,००० र जर्मन नागरिक उत्ता देलेफंटबाट रु १,००० र भारतीय नागरिक चेतन इसरानी बाट रु १,००० गरी जम्मा संकलित रकम रु ४२,००० बाट आबस्यक पुस्तक किन्ने सल्लाहा भयो. यसरी बिना पुस्तक पढने र पढाउने शिक्षण गतिबिधिमा केही सुधार आउने लक्षण पनि देखिएकाले र संपूर्ण अभिभाबक एबम बुद्धिजीबीको हौसला र प्रोत्साहनले कक्षा ५ मा अध्यनरत एक बिध्यार्थिको मन पनि प्रफुल्लित बनायो। उनले भनेको "मेरो चाकलेट खाने पैसाले किताब किनिदिएको छू, संगै पढ़ौं है" भन्ने उद्गारले उपस्थित सबै अभिभाबकलाई भाब बिभोर बनाएको थियो।

खुत्रुकेको पैसाले विज्ञान प्राविलाई पुस्तक

2010-11-24T23:23:00.000-08:00

हर्मि ,असोज ३०
शुभविजया दशमी २०६७ को अबसर पारेर असोज ३० गते महानबमिका दिन विज्ञान प्रा वि हर्मिमा पुस्तक हस्तान्तरण कार्य सम्पन्न भएको छ।
बिद्यालय व्यवस्थापन समितिका अध्यक्ष जीवन ज्योती ढकालको सभापतित्वमा सम्पन्न भएको सो कार्यक्रमा रु २० ह्जार रुपैयाँ वरावरको पुस्तकहरु विद्यालयको पुस्तकालयको लागि हस्तन्तरण गरिएको थियो ।हाल काठमाडौमा बसेर काव्य माध्यमिक स्कूल, बानेश्वरमा कक्षा ५ मा पढ्ने हर्मि ८ का रसिक ढकालले आफ्नो परिवार सँग जापानमा बस्दा खाजा खर्चबाट बचाएर एक एक सिक्का गर्दै खुत्रुके मा जम्मा गरेको रु १०००० र उनकै परिवार बुवा रविन्द्र प्रसाद र आमा भिमाले थपिदिएको १०००० गरि जम्मा २० हजार रुपैयाँ वरावरका कितावहरु विद्यालयलाई प्रदान गरेका हुन् । रसिकलाई प्रोत्साहन मिलोस् भन्ने उद्देश्यले कार्यक्रमका अतिथि तथा रसिकका मामा जीवन ढुङ्गानाले रु २०००० रुपैयाँ सहयोग प्रदान गर्ने घोषणा गर्नु भएको थियो । त्यस्तै कार्यकैक्रममा उपस्थित विदेशि पाहुनाको तर्फवाट २ हजार रुपैयाँ प्राप्त भएको थियो । यसरी रसिक र उनका आफन्त मिलेर शुरु गरेको यो अभियानमा हाल सम्म ४२ ह्जार जम्म्मा भएको छ । कार्यक्रममा जम्म्ाा भएको पैसाले निकट भविष्यमै किताब किनेर विद्यायलयलाई दिने प्रतिबद्धता रसिकका बुवा रबिन्द्रले गर्नु भयो साथै उहाँले रसिक यस्तो काम गर्न कसरि प्रेरित गए भन्ने कथा पनि सुनाउनु भएको थियो ।
कार्यक्रममा आफ्नो भनाई खाख्ने क्रममा रसिकले भने म छुटिका बेला बाबा आमा सँग यहु आएको थिए र एक दिन यो स्कुलमा आए मैले पढ्ने जापनको स्कुल र हाम्रो गाउँको स्कुलमा धेरै फरक पाए जापानको मेरो स्कुलमा पढ्ने पुस्तक र खेल्ने सामान धेरै थिए तर म जस्तै धेरै साथिहरु विना लाइबेरी स्कुलमा पढिरहेको देखे र जापान गएर पैसा जाम्मा गर्न थाले अनि बाबा र ममिले पनि सगाउँनु भो , मैले चकलेट खाने पैसाले किताब किनिदिएको छु सँगै पढौ ल ..... ।

पिपलथोकमा साँस्कृतिक कार्यक्रम

2010-11-24T23:13:00.000-08:00

श्ाुभविजयादशमिको २०६७ को अबसरमा असोज ३० गते अष्टमीको दिन दिवज्योति युवा क्लब हर्मि ३ ले सरस्वति प्रावि पिपलथोकमा साँकृतिक कार्यक्रम आयोजना गर्यो ।
चित्रबहादुर सापकोटाको सभापतित्वमा सम्पन्न उक्त कार्यक्रमा नवचौतारी युवा क्लव हर्मि भाज्याङ्ग दिपज्योति युवा क्लब सापकोटा गाँउ र नवलपुर युवा क्लब गरि ३ ओटा क्लबको सहभागिता रहेको थियो । थोरै मात्र सहभागिता रहेको उक्त कार्यक्रममा आयोजक दिपज्योती युवा क्लबले ग्रामिण कला र संस्कृति ल्कने खालका नाटक गित नृत्य पनि प्रस्तुत गरेको थियो ।

उत्पतिले फूलपातिका दिन पात्लेपानी ततायो

2010-11-24T18:35:00.000-08:00

पात्लेपानी , हर्मी
आसोज ३०
उत्पती युवा क्लब पात्लेपानीले विजया दशमीको अवसरमा गत असोज २८ गते पात्लेपानीको बाङेपिपलमा प्रतियोतितात्मक साँस्कृतिक कार्यक्रमको आयोजना गर्यो ।
कार्यक्रममा हर्मी र आसपासका ५ वटा युवा क्लबको सहभागीता रहेको थिायो । स्थानिय केदार थापाले सभापतित्व गर्नु भएको कार्यक्रममा माओवादि हर्मी इन्चार्ज इश्वरी प्रसाद ढकालले प्रमुख आतित्थ्ता ग्रहण गर्नु भएको थियो । साँस्कृतिक कार्यक्रमका बिच स्थानिय बुदिजिवि दिपेन्द्र खड्का र रेडियो हर्मीका विकास ढकालले शुभकामना मन्तब्य ब्यक्त गर्नु भएको थियो । उत्पती क्लबले पात्लेपानीमा पहिलो पटक आयोजना गरेको सो कार्यक्रममा स्थानिय कला र संस्कृति झल्कने गित सङगित प्रस्तुत गरिएका थिए । प्रतियोगितामा नवलपुर युवा क्लब हर्मी ६ले प्रथम दिप ज्योति युवा क्लब हर्मी ३ ले दितिय र नव चौतारी युवा क्लब भन्ज्याङले तृतिय स्थान हाँसिल गरेका थिए । युवा वर्गलाई सृजनात्मक काममा लाग्न प्ररित गर्ने उदेश्यले कार्यक्रम आयोजना गरिएको उत्पती युवा क्लबका अध्यक्ष मनिष थापाले आवर हर्मीलाई जानकारी दिएका छन् ।

2010-11-01T21:00:00.000-07:00

nameste u all
hope u all r good n doing good
sorry for being late .. i m trying to post news from harmi n around as soon as possible .. but it has been so late because of my busy life in radio harmi ... hope u all will not feel otherwise ... both work are equally important 4 us but this is the starting phase of radio harmi so i m working 4 its promotion and regularity n conducting training for community members and guiding local youth for the practice of community communication so wait only few days now .. i m preparing 4 that ...

नोटीस / रेडियो हर्मीको सदस्यता आह्ान

2010-09-24T19:26:00.000-07:00

यहाँहरु सप्पैलाई
सामुदायिक रेडियो हर्मीका तर्फबाट नमस्कार
आशा छ यहाँहरु सबैलाई कुशल मङगलै छ ।

स्थानिय समुदायको आवाजलाई स्थानिय समुदायद्धारा नै प्रशारण गर्ने उदेश्यले जनताको रेडियो जनताकै आवाज भन्ने मूल नाराका साथ सामुदायिक रेडियो हर्मी स्थापना भएको हो । सामुदायिक रेडियो हर्मी समुदायद्धारा समुदायकै हितका लागी संचालन हुने रेडियो स्टेसन हो । सामुदायिक रेडियो हर्मीको स्थापना एचसिजेबि ग्लोबल सिङपुरको प्राविधिक सहयोगमा सम्भब भएको हो । गोरखा जिल्लाको हर्मी गाविस वडा न ९ नेवार डाडामा यस रेडियोको प्रशारण केन्द्र रहेको छ । नेपाल सरकार सूचना तथा संचार मन्त्रालयबाट २०६६ साल फागुन १९ गते बुधबारका दिन प्रशारण अनुमति प्राप्त गरेको रेडियो हर्मीको फि्रक्वीन्सी १०५.४ र प्रशारण क्षमता १०० वाट रहेको छ । २०६७ असार ४ गतेबाट यस रेडियोको परिक्षण प्रशारण शुरु भएको छ ।

सामुदायिक रेडियो हर्मीले स्थानिय क्षेत्रमा आर्थिक गतिविधिको विकास युवाहरुलाई स्वरोजगारी सृजना गर्ने तथा सृजनशिलता र क्षमता अभिवृद्धि गर्ने खालका कार्यक्रमहरु प्रशारण गर्ने नीत लिएको छ । यस रेडियोले स्थानिय समाचार स्थानिय विविध र विषयहरुमा अन्र्तकि्रयाका साथै शान्ति अधिकार साकाजिक रुपान्तरण र सामाजिक न्यायका साथै राष्ट्रियताका पक्षमा सशक्त आवाज उठाउने छ । समाजमा पछाडि पारिएका महिला दलित जनजाती अपाङ्ग वृद्ध तथा बालबालिकाहरुको आवाजलाई सशक्त बनाउने तर्फ रेडियोका कार्यक्रमहरु लक्षित रहनेछन् ।ह्ाल सामुदायिक रेडियो हर्मीको परिक्षण प्रशारण विहान ४ घण्टा र बेलुकि ४ घण्टा गरि जम्मा दैनिक ८ घण्टा भैरहेको छ । हामी हाम्रो प्रशारण मार्फत गाउँ वस्ति शहरमा रहेका हजारौ स्रोता र सरोकारवालाहरु समक्ष प्रत्यक्ष पुगिरहेका छौ । हामी अब छिटै नै परिक्षण प्रशारण पुरा गरि नियमित प्रशारणमा गइ आफ्नो प्रश्ाारण अबधि बढाउन आवश्यक भौतिक प्राविधिक र जनशक्तिको तयारीमा जुटिरहेका छौ ।

हाम्रो प्रशारण गोरखा र यस आसपासका लमजुङ तनहँु चितवन धादिङ लगायतका अन्य विभिन्न जिल्ला तथा स्थानहरुमा स्पष्ट सुन्न सकिएको हाम्रा स्रोताहरुले बताएका छन् । समय अनुसारका अत्याधुनिक प्रशारण उपकरणहरुका कारण हाम्रो प्रशारण धेरै टाडा टाडा सम्म स्पष्ट सँग सुन्न सकिएको हो भन्ने हाम्रो विश्वास हो । हामीले प्रयोग गरेको रेडियो उपकरण निमार्ता कम्पनीका अनुसार प्रशारण केन्द्रको ४० किलो मिटर बरपर एयर डिस्टेनसमा हाम्रो प्रशारण सुन्न सकिन्छ । हाम्रो रेडियो स्टेसनमा हाल दर्जनौ युवाहरु रेडियोले आफ्नै प्रशारण केन्द्रमा आयोजना गरेको तालिम पश्चात स्वमय् सेवकका रुपमा काम गर्दछन् ।
यहाँहरुकै महत्वपूर्ण योगदान नैतिक बैचारिक भावनात्मक र आर्थिक सहयोगको जगमा नै सामुदायिक रेडियो हर्मीको स्थापना र यहाँ सम्मको यात्रा सम्भब भएको हो । त्यसैले यहाँहरु पनि यो संचार मार्फत सामाजिक रुपान्तरणको यो अभियानमा सरिक हुनु हुन्छ भन्ने हम्रो विश्वास छ । रेडियो हर्मीलाई आगामि दिनमा अझ शसक्त रुपमा अगाडि बढाउन यहाँहरुको योगदानको जरुरत छ । हामीलाई आवश्यक पर्ने थप उपकरण भौतिक पूर्वाधार र दक्ष जनशक्तिको उत्पादनका लागी यहाँ र यहाँले चिनेजानेका ब्यक्ति र संस्था मार्फत माथि उल्लेखित सबै किसिमका सहयोगको लागी पहल गरिदिनु हुनेछ भन्ने लागेको छ ।

जसका लागी यहुले शुरुमा रेडियोमा आफ्नो स्वामित्व कायम गर्नको लागी आजीवन सदस्यता लिइदिनु हुनेछ भन्ने लागेको छ । हाल सम्म हामीले स्थानिय स्तरमा किसान मजदुर शिक्षक सामाजिक कार्यकर्ता महिला समूह वन उपभोक्ता समूह सामुदायिक विद्यालय र समुदायका अन्य सदस्य गरि लग भग ३५ जनालाई आजिवन सदस्यता वितरण गरिसकेका छौ । रेडियोको स्थापनाकालमा हामीले झेल्नु परेको आर्थिक कठिनाइ न्यूनिकरण गर्न दिल खोलेर सहयोग गर्ने सम्पूर्ण आजिवन सदस्यहरु प्रति हामी धेरै धेरै आभारी छौ । हामीले आजीवन सदस्यता शुल्क रु दश हजार १०००० कायम गरेका छौ । रेडियो हर्मीको अगाडिको यात्रा सहज र प्रभाबकारी बनाउन यहाँहरुले पक्कै पनि सहयोग गर्नु हुनेछ भन्ने लागेको छ । आजीवन सदस्यता लिइसके पछि यहाँहरुले कार्यसमिति चयनमा मताधिकार र उमेद्वारी हरेक वर्ष विषेश चाड पर्व र नयाँ वर्षमा यहाँको तर्फबाट निश्चित निशुल्क शुभकामना विज्ञापन बजाउने मौका बर्षमा एक पटक रेडियो मार्फत आफू एक्सपोज हुने र विज्ञापन बजाउँदा निश्चित रकम छुट पाउनु हुनेछ ।
स्वदेश तथा विदेशका विभिन्न ठाउँमा बसेरै सदस्यता लिने प्रकि्रया र रेडियोका बारेमा थप जानकारी चाहिएमा पत्राचार ठेगानामा सम्पर्क गर्न सक्नु हुने छ ।
www.radioharmi.blogspot.com /radio.harmi@gmail.com/ 061691650/9741049121/9841463916/9805803287

+2को परिक्षाफल राम्रो आएन

2010-09-24T19:25:00.000-07:00

हर्मी ,आश्विन ५
उच्च माध्यामिक शिक्षा परिषदले गत बैसाखमा लिएको कक्षा १२को बार्षिक परिक्षामा महेन्द्र लीला उच्च मावि हर्मीबाट सरिक भएका ३८ जना विद्यार्थि मध्ये १६ जना मात्र पास भएका छन् ।

शिक्षा तर्फ २८ मध्ये १२ जना र बाणिज्य तर्फ १० मध्ये ४ जना मात्र उर्तिण भएका हुन् । अनुर्त्रिण मध्ये एक विषय लागेका ९ जनाले मात्र मौका परिक्षा दिन पाउने भएका छन् । गत बर्ष उनुर्तिणहरु मध्ये ३ जना मात्र मास भएका छन् ।
यसै गरि यस वर्षको एस .एल .सि मौका परिक्षामा महेन्द्र लीला उच्चमावि बाट सरिक ५ जना मध्ये पाँचै जना विद्यार्थी पास भएका छन् ।

(गत बर्षको +2 नतिजाको फाइल समाचार )
उच्च माविको नतिजा सन्तोष जनक आएन
हर्मी,
महेन्द्र लीला उच्च माविबाट गत बैशाख महिनामा कक्षा ११को बार्षिक परिक्षामा सहभागि ४० जना विद्यार्थि मध्य २० जना मात्र पास भएका छन् ।
शिक्षा संकायबाट परिक्षामा सहभागी ३२ जना मध्य १५ जना र ब्यवस्थापन संकायबाट ८ जना मध्य ५ जना मात्र पास भएका हुन् । त्यसै गरि परिक्षामा सहभागि कम्पार्ट तर्फका ७ जना मा २ जना मात्र पास भएका छन् । फेल हुने मध्य धेरै जसोलाई अङग्रेजि लागेको छ । ती मध्य ११ जनालाई एउटा मात्र विषय लागेकाले मौका परिक्षा दिन पाउने भएका छन् । यो रिजल्टलाई कसरि लिनु भएको छ भन्ने आवर हर्मीको प्रश्नमा विद्यालयका प्राचार्य कृष्ण बहादुर न्यौपानेले राष्ट्रिय रिजल्ट हेर्दा ठिकै रहेको तर स्थानिय रुपमा सन्तोष जनक नरहेको कुरा बताउनु भयो ।

ढाक्रे ट्रेकिङ रुट सार्वजनिक :गोरखाको २ न क्षेत्रमा पर्यटकिय चहल पहल पढ्ने

2010-09-17T01:15:00.000-07:00

हर्मी ,भाद्र ३०
नेपाल पर्यटन बर्ष २०११लाई लक्ष्य गरि पर्यटन बयवसायिले गोरखाको नयाँ ट्रेकिङ रुट सार्वजनिक गरेका छन् । "ढाक्रे ट्रेल इको ट्रेक" नाम दिइको नयाँ रुट गोरखा इन्काउन्टस्र नामक कम्पनीले सार्वजनिक गरेको हो । कमपनीले यसलाई हाल सम्मकै सस्तो रुट भएको दावि गरेको छ ।
कम्पनीका अनुसार यो रुट गोरखाको पालुङटार , आँपपिपल , हर्मी ,थालाजुङ ,भच्चेक ,सिरानडाडा बालुवा, बारपाक हुदै चर्नौटेमा टुङगिन्छ । यो प्याकेज ८ दिनको हो । हिडेको ८ औ दिनमा ट्रेकिङ भ्याएर काठमाडौ आइपुग्न सकिन्छ । यो रुटमा गोरखा इन्काउन्टस्रले यहि असोज पहिलो साता बाटै पर्यटकहरु पठाउन थाल्ने जनाएको छ ।
यो रुटको घोषणा सँगै गोरखाको क्षेत्र न २ मा पर्यटकिय गतिविधि बढ्ने संङकेत देखिएको छ । माओबादि विद्रोह शुरु भए यता यस क्षेत्रका सबै ट्रेकिङ रुटहरु प्रयोगमा आएका थिएनन् । करिब दुई दशक पहिले भने यो क्षेत्रमा टे्रकिङ गर्न थुप्रै कम्पनीले सयौ पर्यटकहरु पठाउने गर्थे । यो नयाँ रुटको सार्वजनिकिरण सँगै यस क्षेत्रका बासिन्दा खुसि देखिन्छन् ।

हर्मीमा बेसिक कम्प्युटर तालिम शुरु

2010-09-17T00:04:00.000-07:00

हर्मी , भाद्र 30
विज्ञान र प्रविधिको विकास र विस्तार गाउँ गाउँ सम्म हुन थाले पछि आफ्नै गाउँमा सूचना र प्रविधिको विकासमा फड्को मार्ने उदेश्यले सामुदायिक रेडियो हर्मीले हर्मीमा रहेका अन्य सामाजिक संघ सस्था सँगको सहकार्यमा हर्मी भन्ज्याङमा भदौ दोस्रो साताबाट बेसिक कम्प्युटर तालिम शुरु गरेको छ ।
तालिममा हाल तीन दर्जन सहभागी रहेको प्रशिक्षक पशुपति घिमिरेले बताए । सामुदायिक रेडियो हर्मीमा स्वयम् सेवकका रुपमा रेडियो पत्रकारिता सिक्दै गरेका लग भग एक दर्जन र समूदायका अन्य दुइ दर्जन सहभागी कम्पयुटर सिक्दै छन् । हाल सिमित साधन स्रोतका साथ शुरु गरिएको तालिममा छिट्टै नै थप साधन स्रोतको ब्यवस्था गर्ने सामूदायिक रेडियो हर्मीले जनाएको छ ।

भद्रशिल उपभोक्ता समिति बाख्रा पालन तर्फ आकर्षित

2010-09-17T00:03:00.000-07:00

भाद्र 30
सालबोट ,छोप्राक
छोप्राक गाउँ विकास समिति वडा न ७मा पर्ने सालबोटमा रहेको भद्रशिल उपभोक्ता समूहमा आबद्ध सदस्यहरु बाख्रा पालन तर्फ आकर्षित भएका छन् । समूहको कोषमा रहेको १ लाख रुपैया लगानी गरि समूहका प्रत्येक सदस्यको घरमा गरि जम्मा १८४ बटा बाख्रा पालिएको अभ्यक्ष चन्द्र ब गुरुङले जानकारी दिनुभयो ।
सो समूहको बाख्रा पालन तर्फको लगाब देखेर गत वर्ष सि यम सि गोरखाले ३५ हजार नगद १ उन्नत बोका र दूई बाख्रा दिएको थियो । भविष्यमा बाख्रा पालन ब्यबसायलाई अझै ब्यवस्थित गर्दै लैजाने समूहका सदस्य खिल ब गुरुङले आवर हर्मीलाई बताए ।

धुब्र महिला समूहले पायो कृषि कार्यालयबाट सहयोग

2010-09-17T00:02:00.001-07:00

हर्मी , भाद्र 30
जिल्ला कृषि विकास कार्यालय गोरखाले हर्मी ९ भण्डारी गाउँमा रहेको धुब्र महिला समूहलाई नगद र जि_िन्स गरि रु १ लाख बराबरको सहयोग गरेको छ ।
कार्यलयका प्रमुख बुद्धि बहादुर थापाले भदौ दोस्रो साता एक कार्यक्रमका बिच अलैचि सुकाउने भट्टि ड्रम सिचाईका लागी आवश्यक पाइप र नगद १५ हजार रुपैयाँ सहयोग प्रदान गर्नु भयो ।
विगत दुई वर्ष यता धुब्र महिला समूहले खारखोला नजिकैको चिसापानी वनमा २ हजार बिरुवा अलैचि रोपि ब्यवसायिक अलैचि खेति गर्दै आएको छ । कृषि कार्यालयबाट सहयोग मिले पछि समूहका सदस्यहरु थप ब्यवसायिक खेति गर्न हौसिएको समूहकी अभ्यक्ष लक्ष्मी न्यौपानेले आवर हर्मीलाई बताइन् ।

आँपपिपलमा तीज गीत प्रतियोगिता गरियो

2010-09-17T00:00:00.000-07:00

आँपपिपल , भाद्र २६
हरि तालिकाको दिनमा आँपपिपल भन्ज्याङमा कि्रयाहिल युवाहरुको समूह नव सिर्जनशिल युवा क्लबले तीत गित प्रतियोगिता आयेजना गर्यो । कार्यक्रम स्थानिय महिला बृन्दा श्रेष्ठको प्रमुख आतिथयतामा सम्पन्न भएको थियो । कार्यक्रमका सभापति आँपपिपल गाउँ विकास समितिका सचिब रामचन्द्र मरहटा रहनु भएको थियो ।
प्रतियोगीतामा जम्मा ५ महिला समूहको सहभगीता रहेको थियो । सहभागी मध्ये समुदायिक महिला जागरण समूह प्रथम ,बसन्ति महिला समूह दितिय , नमूना अन्वबालि समूह तृतिय र प्रतिक्षा दलित महिला समूहले सान्त्वना स्थान हासिल गरे । कार्यक्रम संचालन भने क्लबका अध्यक्ष विकास श्रेष्ठले गरेका थिए ।

प्रावि स्तरिय हाजिरि जवाफ प्रतियोगीता सम्पन्न

2010-09-16T23:59:00.000-07:00

हर्मी ,भाद्र २५
तिजको उपलक्ष्यमा नव चौतारि युवा क्लब हर्मी भन्ज्याङको आयेजनामा विज्ञान प्रावि हर्मीमा प्राथमिक विद्यालय स्तरिय हाजिरि जवाफ प्रतियोगीता सम्पन्न भएको छ । हर्मीका पाँच विद्यालयको सहभागीता रहेको प्रतियोगीतामा विज्ञान प्रावि भन्ज्याङ प्रथम , सरस्वति प्रावि सापकोटा गाउँ दितिय र सरस्वति प्रावि तेसे्र तृतिय भए । कार्यक्रममा कविता गित र हाँस्य ब्यङग प्रस्तुति पनि समाबेश गरिएको थियो ।

नवपलपुरमा तिज गित प्रतियोगीता सम्पन्न

2010-09-16T23:56:00.000-07:00

हर्मी ,भाद्र २२
नारीहरुको महान् चाड हरितालिका तिजको उपलक्ष्यमा महेन्द्र लीला उच्चमावि सांस्कृतिक क्लबको आयोजनामा भाद्र २२ गते नवलपुरमा अन्तर महिला समूह तिज गित प्रतियोगिता सम्पन्न भएको छ । कार्यक्रम उच्च मावि सास्कृतिक क्लबका अभ्यक्ष दिनेश पोखरेलको सभापतित्व र जग्गा दाता हिमा कुमारी घिमिरेको प्रमुख आतिथ्यतामा संचालन भयो ।
हर्मी र आसपासका १६ महिला समूहहरुको सहभागीता रहेको प्रतियोगीतामा दिपज्योति महिला समूह हर्मी ८ धादिङ गाउँ प्रथम समुदायिक महिला जागरण समूह हर्मी ३ सापकोटा गाउँ, दितिय विकासोन्मुख महिला समूह हर्मी ८ कालढुङे तृतिय र प्रगति महिला समूह हर्मी भन्ज्याङले सान्त्वना स्थान हाँसिल गरे । कार्यक्रममा सहभागी अधिकांस महिला समूहले देशको वर्तमान राजनैतिक अवस्था र सामाजिक विषयमा केन्द्रित रहेर गीत गाएका थिए ।
सो कार्यक्रममा सहभागी सम्पूर्ण महिला समूहलाइृ्र प्रमाणपत्र र पुरस्कृत समहूलाई भने विब्यसमितिका अध्यक्ष नरनाथ मरहटाले पुरस्कारका साथमा प्रमाणपत्र पनि प्रदान गर्नुभयो ।

संचारमा फड्को

2010-08-19T06:39:00.000-07:00

हर्मीमा स्थापना भएको सामुदायिक रेडियो हर्मी १०५.४ मेगाहर्जको स्टुडियोमा रेडियो प्रशारण गर्दै प्राविधिकहरु गाँउमा नै तालिम लिएका यी प्राविधिकहरु औपचारिक प्रशारणमा जानु पूर्व आवश्यक अभ्यासमा जुटेका छन् । गत असार ४ गतेबाट परिक्षण प्रशारण शुरु गरेको रेडियो हर्मी आगामि आश्विन अन्तिम साताबाट औपचारिक प्रशारण गर्ने तयारीमा जुटेको छ ।

कोदो रोपाँईको चटारो

2010-08-19T06:35:00.000-07:00

धान रोपाई सकेर हर्मी र आसपासका किसानहरु अहिले कोदो रोपाईमा ब्यस्त छन् भदौ पहिलो सातामानै अधिकाशं ठाँउमा कोदो रोपाई सकिएको छ ।

दलितलाई शैक्षिक भत्ता

2010-08-19T06:29:00.000-07:00

हर्मी गाविस कार्यालयमा छोरा छोरीको शैक्षिक भत्ता लिन आएकी एक दलित महिला । गाविसले साउन अन्तिम साता प्रत्येक दलित आमा बाबुका दुई जना छोरा छोरीलाई जनहि १८ सयका दरले शैक्षिक भत्ता वितरण गरेको छ ।

2010-08-19T06:25:00.000-07:00

नाग पन्चमिका दिन हर्मी भन्ज्याङको एउटा घरमा नाग टास्दै पण्डित

एक महिने आधारभूत रेडियो पत्रकारिता तालिम सकियो

2010-08-19T05:21:00.000-07:00

हर्मी ,साउन ३०
सामूदायिक रेडियो हर्मीले आफ्नै प्रशारण केन्द्र हर्मीमा आयोजाना गरेको पहिलो चरणको एक महिने आधारभूत रेडियो पत्रकारिता तालिम सकिएको छ । साउन २९ गते प्रशारण केन्द्रमा आयोजित एक कार्यक्रममा तालिममा सहभागीहरुलाई प्रमाणपत्र वितरण गरि तालिमको समापन गरिएको हो ।

एक महिना सम्म चलेको तालिमामा हर्मी र आसपासका गाविसका साथै मनकामना ताक्लुङ गोनपा लगायतका ठाउँका महिला युवा र बुहारिहरु गरि लगभग ३ दर्जन प्रशिक्षार्थीको सहभागीता रहेको थियो । तालिम समापन कार्यक्रम रेडियो हर्मीका अध्यक्ष जनार्दन ढकाललको सभापतित्वमा सम्पन्न भएको थियो ।

समापन कार्यक्रममा रेडियो हर्मीका सचिब इश्वरी प्रसाद ढकाल आजिवन सदस्यहरु स्थानिय समाजसेविहरुले प्रशिक्षर्थिहरुलाई संचार यात्राको सफलताको लागी शुभकामना ब्यक्त गर्नु भएको थियो । प्रशिक्षक विकास ढकालले मन्तब्य राख्नु हुदै एक महिनाको तालिम निकै फलदायि भएको अनि ग्रामिण र विकास पत्रकारिताको बाटोमा यात्रा गर्न तालिमले प्रशिक्षर्थीहरुमा उत्पे्ररण जगाउन सफल रहेको कुरा बताउँनु भयो । तालिमको समापन गर्दै रेडियो हर्मीका अध्यक्ष जनार्दन ढकालले आफूहरु नेपालकै एक नमूना सामुदायिक रेडियो बन्न प्रयासरत रहेकाले तालिम लिएकाहरुलाई संचार मार्फत समाज रुपान्तरण गर्ने कार्यमा अग्रसर रहन आग्रह गर्नु भयो । कार्यक्रममा तालिममा सहभागी सबै प्रशिक्षर्थीले आफ्नो तालिम अनुभूति सुनाएका थिए । कार्यक्रम संचालन भने रेडियोका कोषाध्यक्ष राम प्रसाद अधिकारीले गर्नुभएको थियो ।

( तालिममा सहभागी एक जना बुहारि प्रशिक्षार्थी कल्पना ढकाल न्यौपानेको अनुभूति )
आफ्नै घर परिवार सँग राम्ररी बोल्न नसक्ने हामी हर्मीका छोरी बुहारिहरु आजकाल सबै सँग खुलेर बोल्न सक्ने भएका छौ । आफ्नै माटोमा खुलेको सामुदायिक रेडियो हर्मीले आयोजना गरेको १ महिने आधारभूत रेडियो पत्रकारिता तालिममा सहभागी भए पछि खुलेर बोल्ने बानिको विकास त भएको छनै साथै संचारको दुनियाँका धेरै कुरा पनि थाहा भएको छ । यस तालिम पछि घरको चुलो चौकोमा केन्द्रित हामी महिलाहरु ब्ाहिरि संसारलाई नियाल्न र बुझ्न सक्ने भएका छम् । यस अघि दुजा जनाको अगाडि अभिदा पनि खुट्टा कमाउने हामीमा माइकको आगाडि बसेर रेडियोमा बोल्ने आत्मविश्वास पलाएको छ । अब त म पनि बोल्न सक्छु र केहि गर्न सक्छु भन्ने लागेको छ । तालिमले त मेरो जीवन धार नै बदलिदियो ।

.
.

स्वयम् सेवकहरुलाई विदाई गरियो

2010-08-19T05:07:00.000-07:00

हर्मी ,साउन ३०
पिएडि नेपाल मार्फत विज्ञान प्रावि हर्मीमा फरक जीवन अनुभव संगाल्न आएका छ जना बेलायति स्वयम्सेवकहरुलाई विदाई गरिएको छ । विज्ञान प्रावि हर्मीमा ३५ दिन सम्म रहेर नयाँ विद्यालय भवन निमाण शिक्षण लगायतका काममा सकि्रय भएका स्वयम्सेवकहरुको विदाइका लागी गत साउन २५ गते विद्यालय परिसरमा एक विदाई कार्यक्रम आयोजना गरियो ।
कार्यक्रमको शुरुवातमा विद्यार्थिहरुले स्वागत गीत र नृत्य प्रस्तुत गरेका थिए । हर्मी भन्ज्याङ आसपासका चार महिला समूहले गीत र नाच देखाएर कार्यक्रमलाई थप मनोरन्जनात्मक बनाएका थिए । विदाइ कार्यक्रममा विद्यालय परिवारले स्वयम्सेवकहरुलाई बाँसको टोपि खुर्पि ठ्याक सिन्दुर पोते चुरा लगाइदिएको थियो ।
विदाई कार्यक्रममा विब्यसमितिका अध्यक्ष जीवन ज्योति ढकाल प्रअ राम प्र पराजुलि रेडियो हर्मीका विकास ढकाल स्थानिय समाज सेवि र अभिभावकहरुले मन्तब्य राख्नु हुदै यो सांस्कृतिक भाषिक र ज्ञान साटासाटका दृष्टिकोणले एकदमै राम्रो काम भएको र आउँदा दिनमा पनि उहाँहरुको सम्बन्ध हर्मी र यहाँका बासिन्दाहरु सँग कायम रहोस् भन्नु भएको थियो ।
३५ दिन सम्म हर्मीमा रहेर विविध काम गरेर रमाएका विदेशिहरु विदाइको पल निकै भावुक भएका थिए । बेलायत फर्कि सके पछि पनि आफूहरुले हर्मीलाई नभूल्ने बताउँदै उनीहरुले हर्मीका मानिसको ब्यवहार र आत्मियता निकै राम्रो रहेको अनि आफूहरुको हर्मी बसाई निकै अविस्मरणिय कुरा बताएँ । हर्मी आएर यहाँबाट धेरै कुरा सिकेको र विद्यार्थीहरुलाई सिकाउने अवसर पाएकोमा उनीहरु निकै खुसि देखिन्थे ।

विदाई कार्यक्रमका झलकहरु

ढुङगा काट्ने काममा सकि्रय स्वयम् सेवक

साना साना नानीहरुलाई पढाउने क्रममा स्वयम् सेवक

गाउँले उच्च माविमा पनि ११ कक्षाको पढाई शुरु

2010-08-19T05:05:00.000-07:00

हर्मी , साउन ३०
साउन २० गतेबाट महेन्द्र लीला उच्च माविमा कक्षा ११को पढाइ शुरु भएको छ । यस वर्ष कक्षा ११मा हाल सम्म तीन दर्जन विद्यार्थी भर्ना भएको प्राचार्य कृष्ण न्यौपानेले जानकारी दिनुभयो ।
विद्यार्थीहरुको मागलाई मध्यनजर गर्दै यस शैक्षिक सत्रबाट मलीउच्च माविमा शिक्षा शास्त्र संकायमा विज्ञान प्रयोगशालाको निमार्ण गरि विज्ञान विषय पनि थप गरिएको छ । यस अघि शिक्षा शास्त्रका अन्य विषय र बाणिज्य शास्त्रमा पढाइ शुने गरेको थियो । हाल सम्म बाणिज्य शास्त्रमा १० शिक्षाको विज्ञानमा १० र अन्यमा १६ विद्यार्थी भर्ना भएको विद्यालय स्रोतले जनाएको छ ।
महेन्द्र लीला उच्च माध्यामिक विद्यालयमा कक्षा ११मा तीन दर्जन विद्यार्थी भर्ना भए पनि हर्मी आसपासका अन्य उच्च माविहरुलाई भने एक दर्जन विद्यार्थी जुटाउन पनि हम्मे हम्मे परेको छ । छोप्राकको मण्डली उच्च मावि र आँपपिपलको जनता उच्च माविमा हाल सम्म जम्म १ जर्दनको हाराहारीमा मात्र विद्यार्थी भर्ना भएका छन् ।

छात्राबासमा पनि विद्यार्थी बस्न थाले

महेन्द्र लीला उच्च माविले विद्यार्थीको सुविधालाई ध्यानमा राखि गत वर्षबाटै छात्राबासको ब्यवस्था गरेको थियो । तर गत वर्ष कोहि पनि विद्यार्थी छात्राबासमा बसेका थिएनन् । यस वर्ष भने लगभग ११ कक्षाका ६ जना विद्यार्थी छात्राबासमा बस्न थालेका छन् । स्थानिय समाजसेवि अर्जुन भण्डारीले छात्रासासको लागी आफ्रनो पुरै घर दिनुभएको विद्यालय स्रोतले जनाएको छ । छात्राबास रहेको घर विद्यालय भन्दा केहि मिटर माथि छ ।

कोपिला बचत शुरु

2010-08-19T05:02:00.000-07:00

हर्मी ,साउन २५
श्रीनाथ सामुदायिक विकास सहकारी संस्था हर्मी -५ ले आलसालै मात्र बाल बालिकाहरुलाई केन्द्रित गरेर कोपिला बचत शुरु गरेको छ ।
सहकारी सस्थाको सदस्यता प्राप्त ब्यक्तिको घरमा नवजात शिशुको जन्म भएमा अनिवार्य रुपमा बचत खाता खोल्नु पर्ने नियम राखिएको सहकारीका अध्यक्ष कमला थापाले बताइन् । सहकारीमा बालबालिकाको शिक्षा र स्वास्थ्यका लागी बचत रकम जुनसुकै बेला झिक्न सकिने ब्यवस्था छ । सदस्य नभएका घरका बाल बालिकाले पनि यस सहकारीमा कोपिला वचत खाता खोल्न सक्ने छन् ।

हार्दिक श्रदांजलि

2010-07-28T20:23:00.000-07:00

स्व .केदारनाथ ढकाल
१९८४ साल असार १५ गते हर्मी गोरखामा जन्मनु भएका हाम्रा समाजका एक कुशल असल अभिभावक तथा तथा ज्योतिस विज्ञ (सिरानघर) हजुरबुवा केदारनाथ ढकालको गत असार २८ गते ८४ वर्षको उमेरमा असामायिक निधन भएको १३ औ दिनको पुन्य तिथिमा दिवगंत आत्माको चिर शान्तिको कामना गर्दै शोकाकुल परिवार प्रति भावपूर्ण समबेदना अर्पण गर्दछौ । यस दुखद घडिमा शोक सन्तब्ध परिवारलाई भगवानले धैर्यधारण गर्ने शक्ति प्रदान गरुन् भनि प्रार्थना गर्दछौ ।

वृक्षारोपण कार्यक्रम सम्पन्न

2010-07-28T19:31:00.000-07:00

हर्मी ,साउन १०
विज्ञान प्रावि हर्मीमा गुरु पूर्णिमाको अवसर पारि निमार्णधिन विद्यालय हातामा वृक्षारोपण गरिएको छ । विद्यालयका शिक्षक अभिभावक र शुभचिन्तकहरुको स्रियतामा सम्पन्न वृक्षारोपण कार्यक्रममा पिएसडि नेपाल मार्फत सो विद्यालयमा आएका विदेशि स्वयम् सेवकहरुको पनि संलग्नता थियो । विद्यालय हातामा करिब २ सय विभिन्न थरि विरुवा रोपिएको विद्यायले जनाएको छ ।

विदाई कार्यक्रम सम्पन्न

2010-07-28T19:15:00.000-07:00

हर्मी ,साउन २
महेन्द्र लीला उच्च माविले गत शैक्षिक सत्रमा प्रबेशिका परिक्षा उर्तिण गरेका आफ्ना विद्यार्थिहरुलाई एक कार्यक्रमको आयोजना गरि विदाई गरेको छ ।
सोहि कार्यक्रममा पिएसडि नेपाल नामक संस्था मार्फत विद्यालयमा आएका बेलायति स्वयम् सेवकहरुलाई पनि विदाई गरिएको थियो । ती स्वयम् सेवकले एक महिना सम्म नवलपुरमा रहि बन्दै गरेका नयाँ विद्यालय भवन निमार्ण कार्यमा सहयोग पुर्याएका थिए । कार्यक्रममा २०६७ सालको प्रवेशिका परिक्षा उर्तिण गरेका विद्यार्थिहरुको लब्दाङक पत्र र चारित्रक प्रमाण पत्र समेत वितरण गरिएको विद्यायका प्राचार्य कृष्ण न्यौपानेले आवर हर्मीलाई जानकारी दिनुभएको छ । विदाई कार्यक्रममा विद्यार्थिहरुले गित नाच र अन्य प्रतिभा प्रस्तुत गरेका थिए ।

सामुदायिक रेडियो हर्मीमा रेडियो पत्रकारिता तालिम शुरु

2010-07-28T18:59:00.000-07:00

हर्मी ,साउन १
सामुदायिक रेडियो हर्मीले आफूलाई आवश्यक पर्ने जनशक्ति आफैले तयार गर्ने उदेश्यले आयोजना गरेको २० दिने रेडियो पत्रकारिता तालिम असार ३० गतेबाट शुरु भएको छ ।

रेडियोको प्रशारण केन्द्र हर्मी गोरखामा आयोजित तालिमको रेडियोका अध्यक्ष जनार्दन ढकालले एक कार्यक्रमका विच उद्घाटन गर्नु भएको छ । सो तालिममा हर्मी र आसपासका गासिका साथै मनकामना ,ताक्लुङ ,गोरखा नपा लागयतका अन्य ठाँउका गरि ४५ जना प्रशिक्षार्थि सहभागी छन् । तालिम विकास ढकाल लगायतका अन्य स्रोत ब्यक्तिहरुले दिने अनि तालिममा सैद्धान्तिक तथा प्रयोगात्मक कक्षा सँगसगै अगाडि बढाइने रेडियोले जनाएको छ । तालिममा उत्कृट भएर आफूलाई प्रमाण्ति गर्न सक्ने प्रशिक्षार्थिलाई रेडियोमा काम गर्ने अवसर प्रदान गरिने अध्यक्ष जनार्दन ढकालले आवर हर्मीलाई जानकारी दिनु भयो ।

तालिममा सहभागीहरु

सारेहमा अन्तर्किया सम्पन्न

2010-07-28T18:52:00.000-07:00

हर्मी ,साउन १
जनताको रेडियो जनताकै आवाज सामुदायिक रेडियो हर्मीको आयोजनामा गत असार २७ गते सो रेडियोको प्रशारण केन्द्र हर्मी गोरखामा एक अन्तर्किया कार्यक्रम सम्पन्न भएको छ ।
हर्मी र आसपासका राजनैतिक दलका स्थानिय नेता ,सामाजिक कार्यकर्ता र रेडियोका शुभचिन्तकहरुको कार्यक्रममा उल्लेखनिय सहभागीता रहेको थियो । अन्तकि्रया कार्यक्रममा सामूदायिक रेडियोको अवधारण र रेडियोले समूदायलाई कसरी हित गर्न सक्छ भन्नेबारेमा छलफल गरिएको थियो । कार्यक्रममा उठेका जिज्ञासाहरुको उत्तर दिदै सारेहका अध्यक्ष जनार्दन ढकालले रेडियो स्थानिय समुदायकै हो यसको सदुपयोग र जगेर्ना गर्न सकेमा मात्र सामुदायिक रेडियो स्थापनाको औचित्य पुष्टि हुने बाताउनु भयो ।

अन्तर्किया कार्यक्रममा सहभागीहरु

गोरखाका ६९ प्रतिसत विद्यार्थि मात्र प्रबेशिका उर्तिण

2010-07-04T21:58:00.000-07:00

हर्मी ,असार २०
२०६६ सालको प्रवेशिका परिक्षामा गोरखा जिल्लाबाट सामेल विद्यार्थि मध्ये जम्मा ६९ प्रतिसतले मात्र सफलता हात पारेका छन् । गोरखाले प्रवेशिका नतिजामा केहि वर्ष यताको तुलनामा यति कम प्रतिसत नतिजा हात पारेको यो नै पहिलो घटना हो ।
गत वर्ष ८२ .७६ प्रतिसत उर्तिण भएकोमा यस वर्ष भने गत वर्षको तुलनामा १४. ४ प्रतिसत कम विद्यार्थि उतिर्ण भएका हुन्

समग्र जिल्लाकै नतिजा सन्तोष जनक नभएको परिपेक्षमा हर्मी र आसपासका विद्यालयहरुले पनि राम्रो नतिजा ल्याउन सकेनन् । हर्मी सँगै सिमाना जोडिएको छोप्राकको चित्रे पोखरी मावि चित्रेले यस पटक कत्ति पनि विद्यार्थी उर्तिण गराउन सकेन । जिल्लामा नै यस विद्यालयको जस्तो सुन्य प्रतिसत नतिजा अन्यत्र कुनै विद्यालयको पनि छैन । विगतमा पनि चित्रे पोखरी मावि पटक पटक निलमा पर्दै आएको थियो । विगतमा निलमा पर्ने गरेका थालाजुङका झिम्रेक मैपते मावि र आहाल भन्ज्याङ माविले भने यसपालि आफ्नो इज्यत जोगाएका छन् ।

महेन्द्र लीला उच्च मावि ,नवलपुर ,हर्मी
प्रवेशिकामा सहभागी विद्यार्थी ३६
जम्मा उनुर्तिण ५
विशिष्ट श्रेणी
प्रथम श्रेणी १८
द्धितिय श्रेणी १३

चम्पावती मावि ,निवारे, हर्मी
प्रवेशिकामा सहभागी विद्यार्थी ३०
जम्मा उनुर्तिण ९
विशिष्ट श्रेणी
प्रथम श्रेणी २
द्धितिय श्रेणी १९

जनता उच्च मावि ,आँपपिपल
प्रवेशिकामा सहभागी विद्यार्थी ५४
जम्मा उनुर्तिण १६
विशिष्ट श्रेणी १
प्रथम श्रेणी २५
द्धितिय श्रेणी २८

मण्डली उच्च मावि , छोप्राक
प्रवेशिकामा सहभागी विद्यार्थी ६१
जम्मा उनुर्तिण १९
विशिष्ट श्रेणी
प्रथम श्रेणी १२
द्धितिय श्रेणी ३०

चित्रे पोखरी मावि ,चित्रे ,छोप्राक
प्रवेशिकामा सहभागी विद्यार्थी १०
जम्मा उनुर्तिण १०(all fail)

अमर ज्योति जनता उच्च मावि ,लुईटेल
प्रवेशिकामा सहभागी विद्यार्थी ८६
जम्मा उनुर्तिण ८
विशिष्ट श्रेणी २
प्रथम श्रेणी ३८
द्धितिय श्रेणी ३८

टाइ स्टेकलाई विदाई गरियो

2010-06-23T23:25:00.000-07:00

हर्मी ,असार ८
रेडियो हर्मीलाई प्रशारण उपकरणहरु सहयोग गर्न एचसिजेवि ग्लोवल नामक सस्थाको तर्फबाट सिगापुरबाट हर्मी आएका टाइ स्टेकलाई रेडियो हर्मीका तर्फबाट स्थानिय समुदायले असार ५ गते रेडियो हर्मी परिसरमा विदाई कार्यक्रमको आयोजना गरे ।
असार १ गते हर्मी आएका टाइले हर्मीमा रहदा रेडियो प्रविधिक तालिम र रेडियो उपकरणहरु जडान गर्ने काम गरेका थिए । छोटो हर्मी बासाइमै सबैको पि्रय बनेका टाइलाई विदाइ गर्दाको क्षण रेडियो परिसरमा जम्मा भएका जन समूदाय भाबुक बनेका थिए ।
रेडियो परिषरमा रहेको घुम्तिमा आयोजना गरिएको कार्यक्रममा रेडियोका अध्यक्षले टाइलाई विदाइको माला र ढाकाको दोसल्ला ओढाउनु भएको थियो । टाइका साथै आएका उनका छोरा रायन अनुवादक निराजन खड्का र टावर जाडन गर्न आएका प्रविधिकहरुलाई पनि एकै पटक विदाइ गरिएको थियो । कार्यक्रममा रेडियो हर्मीका अध्यक्ष जनार्दन ढकालले रेडियो स्थापनामा सह्रायिन भूमिका निभाएका एचसिजेवि ग्लोवल टाई स्टेक रेडियो संचालक समितिका पदाधिकारी काठमाडौ र चितवनमा रहेका शुभचिन्तक र स्थानिय समूहलाई धन्यवाद ब्यक्त गनु भएको थियो । साथै उहाँले रेडियो स्थापनामा स्थानिय समुदाय र एचसिजेवि ग्लोबल विच सम्पर्क कायम गरि महत्वपूर्ण योगदान दिने रमेश सापकोटालाई विषेश धन्यवाद ब्यक्त गर्नु भयो ।
विदाई कार्यक्रममा इप्रका हर्मीका इन्चार्ज चन्द्रकान्त ढकाल , स्थानिय समुदायका तर्फबाट हरि बहादुर ढकाल र विमला ढकाल रेडियोका संचार कर्मीको तर्फबाट विकास ढकाल , संचालक समितिका रामहरि ढकाल, राम प्रसाद अधिकारी लगायतले आआफ्नो मन्तब्य राख्नु भएको थियो ।
हर्मीबाट विदा हुने क्षणमा टाई स्टेकले रेडियो स्थापना भन्दा पनि यसबाट जाने सन्देश महत्व पूर्ण हो त्यसैले अव समुदायले समाज रुपान्तरणमा रेडियोको प्रयोग गरोस् र रेडियो हर्मी समुदायमा राम्रो सोचको विकास गर्न सफल रहोस भन्ने शुभकामना ब्यक्त गर्नु भयो ।

.

रेडियो हर्मी १०५.४ को परिक्षण प्रशारण शुरु

2010-06-23T23:02:00.000-07:00

हर्मी ,आसार ८
जनताको रेडियो जनताकै आवाज भन्ने मूल नाराका साथ हर्मीमा स्थापना भएको सामुदायिक रेडियो हर्मीले आफ्नो परिक्षण प्रशारण शुरु गरेको छ । असार ४ गते साँझ ६ १५ बजे रााष्टिय गान बजाएर परिक्षण प्रशारण शुरु गरिएको थियो । हाल विहान र बेलुका गरि दैनिक चार घण्टा परिक्षण प्रशारण गरिएको रेडियोका अध्यक्ष जनार्दन ढकालले जानकारी दिनु भयो । गत साता मात्र टावर तथा अन्य प्रशारण उपकरणहरु जडान गर्ने काम सकिएको छ । रेडियो हर्मीका लागी उपकरण सहयोग एचसिजेवि ग्लोबल नामक गैरसरकारी सस्थाले गरेको छ ।
प्रशारणमा जानु पूर्वका दृष्यहरु

रेडियो हर्मीमा रेडियो प्राविधिक तालिम

2010-06-23T22:44:00.000-07:00

हर्मी ,असार ८
सामुदायिक रेडियो हर्मीको आयोजनामा असार १ गते देखि चार गते सम्म रेडियो हर्मीकै प्रशारण केन्द्रमा आधारभूत रेडियो प्राविधिक तालिम सम्पन्न भएको छ । ९ जना प्रशिक्षर्थिहरुको सहभागीता रहेको तालिमा रेडियो हर्मीलाई उपकरण सहयोग गर्ने संस्था एचसिजेवि ग्लोबलका प्रतिनिधि टाइ स्टेकले प्रशिक्षण दिनु भएको थियो । तालिममा स्टुडियो ब्यवस्थापन कार्यक्रम प्रस्तुति र प्राविधिक पक्षहरुका बारेमा सहभागीहरुलाई प्रशिक्षित गरिएको रेडियो हर्मीले जानाएको छ ।

तालिममा सहभागीहरु

शिक्षक तालिम सम्पन्न

2010-06-23T22:36:00.000-07:00

हर्मी ,असार १
जिल्ला शिक्षा कार्यालय गोरखाको आयोजनामा हर्मी स्रोत केन्द्र स्तरिय शिक्षकहरुको पेशागत विकास तालिम महेन्द्र लीला उच्च मावि हर्मीमा सम्पन्न भएको छ । हर्मी सा्रेत केन्द्र अन्तर्गतका ३४ विद्यायका प्राथमिक शिक्षकहरुको सहभागीता रहेको तालिम पाँच दिन सम्म चलेको थियो । तालिममा शिक्षण अवस्था सुधार योजनाको बारे चर्चा गरिएको स्रोत ब्यक्ति मोहन विष्टले जानकारी दिएका छन् । तालिममा सहभागीहरुलाई स्रोत ब्यक्ति मोहन विष्ट मलिउमाविका प्राचार्य कृष्ण बहादुर न्यौपाने ,बाल कृष्ण मरहठा ,राम प्रसाद अधिकारी ,भरत निरौला, बलराम भण्डारी , विनि सुवास आचार्यले तालिम दिनु भएको थियो ।

तालिममा सहभागी शिक्षकहरु

बाख्रा पालन तालिम सम्पन्न

2010-06-23T22:31:00.000-07:00

हर्मी ,आसार १

समामुदायिक अभ्ययन केन्द्र गोरखाको आयोजनामा हर्मीमा ४ दिने बाख्रा पालन तालिम सम्पन्न भएको छ । जेठ २८ गते देखि असार १ गते सम्म चलेको तालिममा दर्जन भन्दा बढि बाख्रा पालक महिला कृषकहरुको सहभागीता रहेको थियो । सहभागीहरुलाई सामुदायिक अध्ययान केन्द्र गोरखाका युवराज न्यौपानेले तालिम दिएका थिए । बाख्रा तालन तालिमले आफूहरुलाई निकै फाइदा पुर्याएको तालिममा सहभागी एक सहभागी लक्ष्मी ढकालले आवर हर्मीलाई बताइन् ।

बाख्रा पालन तालिममा सहभागी महिलाहरु

ढकाल बन्धुहरुको कुल पूजा

2010-06-23T22:27:00.000-07:00

७५ वर्ष पछि हर्मीमा एकै ठाउँमा भएको ढकाल बन्धुहरुको कुल पुजाको एतिहासिक फोटो
फोटो सौजन्य :प्रसान्त ढकाल

चितवनमा सामुदायिक रेडियो हर्मीको परिचयात्मक कार्यक्रम सम्पन्न

2010-06-05T22:06:00.000-07:00

चितवन ,जेठ २२
चितवनमा रहेका शुभचिन्तकहरुका विच सामुदायिक रेडियो हर्मीको परिचयात्मक कार्यक्रम सम्पन्न भएको छ ।
आइओएमटि कलेज भरतपुर चितवनमा भएको सो कार्यक्रममा रेडियो हर्मीका अध्यक्ष जनार्दन ढकाल र उपाध्यक्ष रमेश सापकोटाले रेडियो स्थापनाको उदेश्य संचालन विधि र कार्यनिति सहभागीहरुलाई प्रष्ट पार्नु भएको थियो । कार्यक्रममा चितवनमा रहेका हर्मीबासी र रेडियो हर्मीका शुभचिन्तकहरुको उपस्थितिरहेको रहेको थियो ।
कार्यक्रममा डा .आइ पि ढकाल , सरोज ढकाल , रामचन्द्र सापकोटा ,किशोर घिमिरे , हरि घिमिरे , सन्तोष मजाकोटि ,खेमराज ढकाल लगायतले आ आफ्नो धारणा राख्नु भएको थियो । त्यसै गरि हाम्रो एफएम चितवनका स्टेसन मेनेजर नारायण अधिकारीले रेडियोको प्रविधि र प्राविधक पक्षका बारेमा जानकारी गराउनु भएको थियो । सो कार्यक्रममा असारमा अझ बृहत छलफल कार्यक्रम आयोजना गर्ने निर्णय समेत गरिएको छ ।

प्रशारणको पूर्व तयारीमा छौ हामी...

2010-06-05T21:18:00.000-07:00

हर्मी -९ नेवार डाँडामा रहेको सामुदायिक रेडियो हर्मीको प्रशारण केन्द्र । रेडियो हर्मी आवश्यक भौतिक तथा अन्य संचार पूर्वाधार निमार्ण गरि २०६७ असार महिना भित्रमा परिक्षण प्रशारण गर्ने लक्ष्यका साथ अगाडि बढिरहेको छ ।

रेडियो हर्मी हातामा बनेको प्रतिक्षालय
फोटो :बिकाश ढकाल
comment on facebook @ this photo
Prabesh Dhakal -opening kaila garne ho
Subas Parajuli -when it start
Kamal Dhakal -Building Ramro Banechha thik Bhayo
Shiva Chandra Parajuli- brodcasting day kahile ho pargati ko kamana garchu
Kamala Devkota -Bulding ta ramro chha tara dhalan garnu paro..........?
Santosh Pokharel -rato mato le coating gare pachi chai community radio station bhanna layak huncha bikash g
Gorkha Manakamana -ramro hudai 6, best of luck

कहिले पुरा होला खै ?हाम्रो सपना :

2010-06-05T21:12:00.000-07:00

जे होस् सुस्त सुस्त गतिमा भए पनि काम चै अगाडि बड्दै छ । छेपेटारमा दरौदि नदि माथि बन्दै गरेको मोटरेबल पुल । निमार्ण शुरु भएको ४ बर्ष विति सक्दा पनि काम अझै सकिने सुरसार छैन । यो पुल गोरखा क्षेत्र न २ का जनताहरुको वर्षौ अघि देखिको सपना हो । यो फोटो चै गत शनिबार खिचिएको हो ।फोटो :बिकाश ढकाल

comment on facebook @ this photo

Narayan Ghimire -फोटो देखेर केही आश पलाएर आयो, अब त बन्छकी जस्तो छ ।
Ishwari P. Bhatta- बील पक्कै बन्छ, पुल त बन्या बन्यै हो । असार लागिसक्यो, फेरि अर्को वर्षलाई पनि बजेट निकासा गर्न पर्ने भएर काम गरेजस्तो गरेको होला ।

मदरसामा दुई कोठे भवन बन्दै

2010-06-05T21:05:00.000-07:00

बयाँपानी ,हर्मी
जेठ २०
अल हिरा ऐजुकेसन सोसाइटि काठमाडौ र हर्मी गाँउ विकास समितिको सहयोगमा मदरसा दारुल हुदा प्रावि बयापानीमा दुई कोठे विद्यालय भवन बन्न लागेको छ । <
अल हिराले दिएको १ लाख २० हजार र गाविसले दिएको ३० हजार रुपैयाँको लागतमा नयाँ भवन बनाउन लागीएको मदरसाका प्रधानाध्यापक इमामदिन मियाँले आवर हर्मीलाई जानकारी दिनु भयो । मदरसामा हाल ७० विद्यार्थी अध्ययनरत छन् । विद्यार्थीको अनुपातमा शिक्षक दरबन्धि नहुदा विद्यालय चलाउन समस्या परेको प्रअ मियाँको भनाई छ ।

फोटो :बिकाश ढकाल

प्रकृतिले ठगे पछि कसको के लाग्छ र ? :

2010-06-05T20:59:00.000-07:00

गत महिना परेको असिना पानीले फद झारे पछि रित्तो देखिएको इस्माइल दिन मियाको बयापानीमा रहेको सुन्तला बगैचाको एउटा सुन्तलाको बोट । हर्मीमा ब्यसायिक रुपमा सयौ रोपनि जमिनमा गरिदै आएको सुन्तला खेतिलाई यसपालीको असिनाले ब्यापक क्षति पुर्याएको छ । सुन्तलाबाट हरेक वर्ष लाखौको आम्दानि गर्ने किसमनहरु यस वर्ष खालि हात बस्नु पर्ने निश्चित छ ।
फोटो : बिकाश ढकाल

फोटो ग्यालरी....

2010-06-05T20:44:00.000-07:00

गाँउ गाँउमा प्रविधिको विस्तार : आँपपिपल स्कूल नजिकै बन्दै गरेको एनसेल (मेरो मोबाइल)को टावर ।

यहिको हाम्रो कक्षा त :नयाँ भवन बनाउन पुरानो विद्यालय भवन भत्काइए पछि चौरमा बसेर पढ्दै हर्मी बयापानीमा रहेको मदरसा दारुल हुदा कक्षा ५ का विद्यार्थीहरु
फोटो :बिकाश ढकाल

फोटो ग्यालरी.......

2010-06-05T20:03:00.000-07:00

परिर्वनका लहरहरु : गत साल हर्मीको नवलपुर देखि शिख्रे सम्म गाविस सडक खनिए पछि बोगटि गाँउमा सडक छेउमै केहि आधुनिक शैलिमा बनाइएको घर ।

हाम्रो गाँउ राम्रो गाँउ :गत साता खिचिएको हर्मीको बयापानी गाँउको हरियाली दृष्य देखिने फोटो । यो गाँउ हर्मीको वडा न १ र २मा पर्छ । यस गाँउमा विशेष गरि मुस्लिम समुदायको बसोबास रहेको छ ।

प्रकृतिको विनास :गत महिना आएको असिना पानीले क्षति पुर्याएको हर्मी गाँउ खेतको मकै बाली । असिनाले अगौटे मकै बालिमा ब्यापक क्षति पुर्याएको छ । अगौटे मकैबाट यस पाली किसानहरुले जम्मा १५ प्रतिसत मात्र उत्पादन पाउने निश्चित छ ।

प्रकृतिले ठगेपछि : गत महिना आएको असिना पानीले क्षति पुर्याएको हर्मी ६ घिमिरे गाउँमा रहेको हरि घिमिरेको केरा खेति

छुपुमा छुपु हिलोमा धान रोप्ने बेला भो :असार आग्न केहि दिन मात्र बाँकि हुँदा हर्मी ६ फेदि चौतारा नजिकको खेतमा ब्याड बनाई राखिएको धानको बिउ ।
फोटो :बिकाश ढकाल

पैसा उठाएरै आरुवोटे गाउँमा सडक

2010-05-27T23:49:00.000-07:00

छोप्राक
१३ जेठ ,
छोप्राक गाविस वडा नंबर ८ आरुवोटेका वासिन्दाले पैसा उठाएर गाउँमा सडक पुर् याएका छन् । स्थानीय वासिन्दाले ५ लाख २५ हजार रुपियाँ उठाएर खोप्लाङ्ग ४ सिचाङ देखि ५ किलोमिटर सडक निर्माण गरेको उपभोक्ता समितिका सचिव राजेन्द्र पोखरेलले जानकारी दिनुभएको छ ।
सडक निर्माणगर्न स्थानीय १०० घरधुरीले १० हजार रुपियाँदेखि ४० हजार रुपियाँसम्म खर्च गरेका छन् ।सडक निर्माण पुरा भएपछि आज आरुवोटे गाउँमा पहिलोपटक मोटर पुगेको छ । पहिलोपटक मोटर पुगेको अवसरमा आज स्थानीयले सवारी चालक रेशम रेउले र सहचालकलाई फुलमालाले स्वागत गरेका छन् । गाउँमा कृषि सडक पुगेपछि गाउँमा उत्पादित फलफुल र तरकारी बजारमा पुर् याउन र गाउँसम्म सामान ढुवानी गर्न सजिलो भएको उपभोक्ता समिति सचिव पोखरेलले बताउनुभयो ।
sourse - radio gorkha

७५ वर्ष पछि हर्मीमा ढकालहरुको ऐतिहासिक कुल पुजा

2010-05-27T07:09:00.000-07:00

हर्मी ,जेठ १३
७५ वर्ष अघि देखि विभाजित रुपमा गरिदै आएको हर्मीका ढकालहरुको कुल पुजा ढकाल सेवा समाज हर्मीको पहलमा आज एकै थलोमा बृहतरुपमा सम्पन्न भयो ।
समय अनुसार पुजा प्रकि्रया र प्रसाद वितरणमा परिर्वतन गरि सामूहिक रुपमा पुजा सम्पन्न भएको हो । पुजा हर्मी ८ पहिरा धारा माथिको सारङे गह्रामा गरिएको थियो । सो जग्गा विश्वनाथ ढकाल र रमादेवि ढकालले ढकाल सेवा समाजलाई केहि महिना अघि मात्र दान गर्नु भएको हो ।
आजको कुल पुजामा जम्मा १३६ घर धनी ढकालहरुले सहभागीता जनाएका थिए ।तर केहि ढकाल बन्धुहरुको भने जुठो र सुतकका कारण सहभागीता रहन सकेन । पुजा स्थलमा लगभग ५०० जनाको उपस्थिति थियो । नाच गान र भजन कृतन गरि पुजालाई थप रोचन र आकर्षक बनाइएको थियो ।
पुजा स्थलमा ८० वर्ष कटेका १० जना बृद्ध बृद्धालाई खादा र टिका लगाई सम्मान समेत गरियो । सम्मानित हुनेहरुमा टिका दत्त ढकाल , नरमाया ढकाल ,हरिदत्त ढकाल, नेत्रबहादुर ढकाल , जानुका ढकाल , भिमराज ढकाल , केदारनाथ ढकाल ,लोकनाथ ढकाल , गेहेन्द्र कुमारी ढकाल र भिमराज ढकाल रहनु भएको थियो । सोहि अवसरमा पुजा र मन्दिर निमार्ण गर्ने जग्गा उपलब्ध गराउने रमादेवि ढकाल र विश्वनाथ ढकाललाई समेत सम्मान गरियो ।
पुजालाई ब्यस्थित बनाउन थुप्रै स्वयम् सेवकहरु खटिएका थिए । समय अनुकल परवर्तन गर्ने क्रममा खिर र सेल रोटि पकाइएको थियो । भने देवताको प्रतिक मानिने नौनिलाई पगालेर मस्यौटो बनाउने चलन पनि यसपालीबाट हटाइएको छ । यस अघि हरेक परिवारबाट पुरुष सदस्यहरु मात्र पुजामा सहभागी हुने चलन भए पनि यस पटकबाट महिलाहरुको सकि्रय सहभागीता र उपस्थिति पुजाको थप आकर्षण बन्यो ।

कफि खेति तालिम सम्पन्न

2010-05-26T22:19:00.000-07:00

हर्मी ,जेठ १०
जिल्ला कृषि विकास कार्यालय गोरखाको आयोजनामा हर्मीमा दुई दिने कफि खेति प्रविधि स्थलगत तालिम सम्पन्न भएको छ । सो तालिमको ब्यस्थापन भने हर्मी कफि विकास कृषक समूहले गरेको थियो ।
हर्मी ९ नेवार डाँडा स्थित रेडियो हर्मीको नव निर्मित भवन परिसरमा जेठ ७ र ८ गते सो तालिम आयोजना गरिएको थियो । जिल्ला कृषि विकास कार्यालयका वागवानी अधिकृत वीर बहादुर थापाले हर्मीका ३५ जना कफि कृषकलाई तालिम दिनु भएको थियो । तालिमबाट आफूहरुले धेरै कुरा सिक्न पाएको र सिकेको कुरा ब्यवहारमा लागु गर्ने तालिममा सहभागी कृषकहरुले आवर हर्मी सँगको कुराकानीमा बताए ।

पालुङटारलाई खुल्ला दिशामुक्त क्षेत्र घोषणाका लागि पहल शुरु

2010-05-26T22:16:00.000-07:00

१० जेठ २०६७
पालुङटार गाविसलाई खुल्ला दिशामुक्त क्षेत्र घोषणाका लागि स्थानीय वासिन्दाले पहल शुरु गरेका छन् । जसका लागि अहिले गाविस भरि शौचालय निर्माणको अभियानलाई तीव्र बनाइएको छ । गाविसमा रहेका करीव ९ शय घरधुरी मध्ये अहिले आधाजसोमा शौचालय निर्माण भैसकेको शिक्षक ज्ञानबहादुर मिजारले जानकारी दिनुभएको छ । उहाँका अनुसार अहिले अन्य घरमा पनि शौचालय निर्माणका लागि तयारी भैरहेको छ । पहिलो चरणमा गाविसका ४ ७ ८ र ९ नम्वर वडालाई खुल्ला दिशामुक्त क्षेत्र घोषणा गरिने पनि उहाँले बताउनुभयो । सोही क्रममा स्थानीय भवानी उच्च माध्यमिक विद्यालयमा विद्यालयको अगुवाईमा पूर्ण सरसफाई कार्यक्रम सम्बन्धी एक दिने अभिमूखीकरण कार्यक्रम गरिएको छ । विद्यालय ब्यवस्थापन समितिका अध्यक्ष अशोकबाबु रोकाको अध्यक्षतामा भएको कार्यक्रममा जिल्ला खानेपानी तथा सरसफाई डिभिजन कार्यालय गोरखाका शक्तिबल्लभ पोखरेल र रप्रधानाध्यापक उमाकान्त देवकोटाले सहजीकरण गर्नुभएको थियो । news sourse - radio gorkha

जिप पल्टदा चालक घाइते

2010-05-26T22:06:00.000-07:00

जेठ २
डुम्रे बजारबाट तुरतुरे पालुङटार हुँदै हर्मीको निभारे आउँदै गरेको ग१ज ४६४१ जिप शनिवार बेलुका साँढे चार बजे पालुङटार गाविसको भण्डारथोक नजिक दुर्घटना हुँदा जिप चालक प्रकाश श्रेष्ठ घाइते भएका छन् ।
जिप डुम्रेबाट यात्रु र सामान लिएर निभारे आउँदै गरेका जिप धनि बालकृष्ण श्रेष्ठले बताए । अत्याधिक भारका कारण जिप पल्टिएको इप्रका ठाटिपोखरुले जानकारी दिएको छ । जिप चालकको ठाटिपोखरी स्वास्थ्य केन्द्रमा उपचार भैरहेको छ । जिपमा यात्रा गर्ने यात्रुहरु भने सकुसल छन् ।